....**زووووجة اخي الدلووووعة ......**

....**زووووجة اخي الدلووووعة ......**..(قصة معبرة وقصيرة))
سلام حوائات انا ابي انزلكم قصة في غااااااية الروووعة صراحة انا شخصيأ استفدت منها

وحبيت تستفدووووون منهااااااااا


القصة منقولة ابي انزلكم اجزاء لين ماتخلص هي قصيرة بس جدااا مفيد


.................

.............................. .............................. .............................. .............................. ..
عدت لكم مره اخرى مع قصه جديده قصه عشت بعض احداثها وللأمانه هي واقعيه وبها كثير من الاضافات والتعديلات لزوم الدراما**

بطلة القصه هي أمل الحلوه**

أمل متزوجه وعندها بنتين وولد بيضاء متوسطة الطول **عيناها واسعه وجذابه جداً وابتسامتها تسحر جميله جداً لكنها سمينه طباخه ماهره وتحب الأكل..**

زوجها فيصل وسيم كشخه وكريم جداً ويحب بيته وأولاده ومايطلع كثير**

فيصل: السلام عليكم**
أمل : وعليكم السلام ليش متأخر يعني لازم اسخن الغدا الف مره**
فيصل؛ آسفين .. كلها يومين وترتاحين مني**
أمل: اي والله اباخذ فترة نقاهه وارتاح من طلباتك**
فيصل بنرفزه: حطي الغدا**
امل تلف وجهها وتحط حرتها في الشغاله

على الغدا**

فيصل يأكل بصمت**
وآمل بأعلى درجات الصوت تنادي عزوز وجع ان شاء الله تعال تسمم ،،، دانه اجلسي الله يأخذك**

قام فيصل يرتاح**

في اليوم الثاني**
يالله تجهزوا عشان اوديك لأمك ولاتنسين اغراضي لا ينقص شي..**

أمي مسافره عند خالتي بروح لاخوي خالد**

لا لا خالد احواله تعبانه وماودنا نكلف عليه روحي لمحمد أزين**
امل: لا تكفى قيس وليلى استحي احسهم في عالم ثاني**
فيصل بينه وبين نفسه ماالومه شكله مبسوط الله يهنيه ولا يحرمنا**

في غرفة النوم**
امل ترتب الأغراض وتصيح على الخدامه**
وفيصل على السرير : امل تعالي أبيك شوي..
امل بدون اهتمام ؛: مشغوله الحين ماني فاضيه**
فيصل : دقايق بس**
امل؛ والله انك فاصي قول وش تبي ..**
فيصل بحب : بتوحشيني**
امل : انت رحت عشان اوحشك وتضحك بصوت مزعج
فيصل بنرفزه: أنا انتظرك برا لا تتأخري**
امل تصيح عزوز تعال بسرعه عساك العمى..
**ميري جهزي العيال بسرعه..

وفي السياره**
امل مشغوله طول الطريق برسائل الجوال**
وفيصل يناظرها بتعجب**

فيصل: يالله حبايبي وصلنا كل واحد يعطيني. بوسه**
الأولاد يودعون ابوهم وآمل تأشرله من بعيد باااااي ..

محمد فتح الباب هلا والله بالغاليه**
امل : الله يسلمك**
من بعيد نسرين جايه لابسه برمودا جنز وتي شيرت وردي ومكياج ناعم : وبكل غنج هلا والله ميمي نورتي البيت وتلتفت على الأولاد بدلع هلا حبايبي وحشتوني وتبوسهم واحد واحد..
جلست امل في الصاله **ريحة الفواحه ماليه البيت هدوء وراحه عجيبه في البيت

تسولف هي ومحمد وتدخل عليهم نسرين وتحرك راسها بنعومه يللا مودي العشا جاهز
يللا ميمي الله يحييك نورتي البيت**
امل : الله يسلمك منور بوجودك ..

نسرين بنت نعومه وتحب نفسها كثير متوسطة الجمال والبياض قصيره بشكل عام عايديه**
محمد ملامحه حلوه اسمر وطويل**
يحب زوجته وهي تحبه وعايشين حياه سعيده الكل ملاحظها عندهم ولد ولهم اربع سنين متزوجين بس اللي يشوفهم يقول كأنهم عرسان..**

على العشا

**امل تأكل وتتابع حركات نسرين ونظرات محمد**
نسرين تآكل بهدوء **ومحمد يقطع لها اللحم**
امل في نفسها : حليلك ياحليمه بولند **والله يا اخوي ماتنلام شفت شي ماقد شفته غنج ودلع ..**
وتذكرت نفسها كيف تجلس على الأكل وتتربع وتشمر يدها وتقطع الدجاج بحماس وتأكل بسرعه وضحكت على نفسها وشرقت عالاكل**
كح كح كح**
نسرين بسم الله عليك ياحياتي خذي مويه وتعطيها الكأس شربته امل وهي كاتمه الضحكه..
راحوا ينامون**
جهزت لها نسرين الغرفه وسألتها اذا تحتاج شي ..
امل : تسلمين**
نسرين : اذا احتجتي اي شي لا تستحين ياعمري البيت بيتك سلام**
امل تكلم نفسها: اقول ياحلو لسانك بس ..
ونامت **

**



بنات اذا فية تفااااعل راح انزلهاااااااا


خخخخخخخ لا انا منزلتها منزلتها للفااائدة فقط

...........,,,,, لي رجعة ................ش

!! باقي شي

وااااااااصـــــلي

ننتظــــــــــــــــــــــــــركـ

عاد انا اموت على القصص والرويات بيني وبنهاا عشق خخخخ كملي خيتووو

لاتتأخرين انتظركـ

يعطيك العافيه يااارب

ليالي نجد

قمر النواعم

هايدي

شرفني مروركم

ولي عوده مع بقية القصه

انتظروني

مسائكم فل وياسمين

يالله يالغاليات جيتكم بالجزء الثاني

في الصباح صحيت أمل وجهزت نفسها وخرجت للصاله سمعت صوت نسرين تكلم محمد..
نسرين
يللا حبيبي بس هذي اللقمه عشاني
محمد :خلاص ياعمري اكلت بطني يوجعني

نسرين : بغنج مثل الأطفال طيب كمل الحليب ترى أزعل علييييك**
محمد: طيب بأشربها**
دخلت أمل : صباح الخير**
محمد : صباح النور منورتنا والله يالغاليه
امل : الله يسعدك**
نسرين كانت لابسه بجامه مشمشي فاتح**
ورافعه شعرها بشكل مرتب**
هلا ميمي بسويلك حليب أحط لك نسكافه ولا تحبينه ساده وتغمز بعيونها**
امل بتعجب احبه بنسكافه**
وتراقب نسرين وهي تتحرك برقه في المطبخ**
وفي نفسها ( ياعزي عنك يافيصل اسويلك الحليب في الصبح وانا معصبه وشوشتي منفوشه والنفس خايصه بعد)

محمد: يللا انابروح تبغين شي
نسرين : تحك راسها بدلع نبغى خبز ولبن وعصيرات وتغمز بعينها وأشياء حلوه**
محمد: مثل ايش**
نسرين: يعني شوكلاته وشيبس وكل شي حلو**
محمد : يضحك ابشري وترى اليوم بطلعكم جهزوا الحلا والقهوه.**
توصله نسرين لعند الباب**

وفي الظهر رجع محمد من الدوام**
طبعاً نسرين جهزت الغدا ورتبت البيت وقبل وصول محمد بخرت البيت ولبست فستان قصير بني غامق وصندل بني **بشرايط تنربط على الساق ومكياج أورانج خفيف

وجلست تقرأ في كتاب كيف تستمتع بحياتك للدكتور محمد العريفي (لا يفوووتكم)
اول مادخل محمد كانت تقرأ في الكتاب ومندمجه لمن دخل محمد وسلم ردت السلام وكملت الصفحه**
جهزت الغدا وكانت سفره مرتبه والصحون شكلها حلو والتبوله مقدمتها على ورق الخس**
وكان محمد يأكل ويناظر نسرين**

امل تسولف مع نفسها معقوله كل يوم كذا ياحري لوتشوفين سفرتي صحن حديد وصحون سلطه تسد النفس لا وماعندها خدامه مثلي ولا يجي فيصل الا واخلاقي واصله حدها)

فجأه فهد ولد نسرين كسر التحفه متعمد**
قامت نسرين ليه دوودي الحين يصير بيتنا موحلو ليش كسرتها حبيبي يلللا قول وعد ياماما ما اكسر شي مره ثانيه**
فهد ؛ وعد ما اكثر ثي**
حبيبي يللا تعال كل**

امل عيونها بتطلع من مكانها( وتكلم نفسها**
ياعيني قال حبيبي قال اقول هاتيه عندي وانا امعص أذنه الين يحرم يقرب من شي مره ثانيه)
انتهوا من الغدا وراحت نسرين مع محمد الغرفه**
وفي المغرب خرجوا يتمشون كانت غدير بكامل حجابها وكانت امل تحس بأن محمد فرحان بهالشي**
جلسوا في الحديقه وكانت نسرين تسولف عن الكتاب اللي كانت تقرأه وتقول قصص حلوه ومحمد منسجم معها**
وحتى امل دخلت جو معاهم ... شدتها ثقافة نسرين وكيف انها تحاول تحلي الجلسه بأي طريقه..
وتذكرت امل كيف كانت كل طلعه تتشكى من العيال وامه واخواته وكانت تعتبر هالطلعات فضفضة مشاكل...
فجأه نسرين تقول لمحمد حبيبي افتح لي قارورة المويه قويه مره**

امل عيونها بتطلع من مكانها **وفي نفسهاالمويه قويه يامغص بطني مغصاه اقول ماشفتيني وانا أشيل كنبات البيت والسجاد واطلعها السطح أنا وخدامتي ونغسلها الله من الدلع الماصخ**
وقامت تشوف أولادها وفي الطريق تفكر والله نسرين ماهي حلوه بالحيل مدري اخوي ليش طاير فيها..

ومن بعيد كانت تناظرهم وتشوفهم يسولفون ويضحكون حست بأنهم مثل العرسان وقالت في نفسها نسرين بالها طويل مره وانا حاره وما اتحمل شي هذا طبعي مستحيل يتغير**
&&&&**

**

انتظروني مع الجزء الثالث

تسلمين والله واااااااصلي

بس عندي سؤال

طبعاً غدير جهزت الغدا ورتبت البيت وقبل وصول محمد بخرت البيت ولبست فستان قصير بني غامق وصندل بني **بشرايط تنربط على الساق ومكياج أورانج خفيف

السؤال / من تكون غدير ؟؟؟؟ ههههه ماعليش تحمليني

هلابك قمورة انور الموضوع بمرورك فديتك

وبالنسبة لغدير هي نفسها نسرين بس شكل الكاتبه عندها انفصام في الشخصية بس لادققين ههههههه

على العموم ضبطت الوضع يالغلا

ثانكس على التنبية لاهنتي

ههههههههههه حتى انا الي دايم مفهيه انتبهت بس كذبت نفسي

انفصام شخصيه >>>> فاطسه ضحك

ننتظرك خيتووو

يافديت اللي يفهون هههه
هايدي فهي وبقوه في مواضيعي لاني اكبر مفهيه في الدنيا خخخخخ

ميرسي ياقلبي على المرور اللي مره مره حلو(يعنني دلوعه) تمصعت وانا اكتب الجمله مابغت تطلع هههههه