25-01-2009
|
#1 | |
 
|
% مواقف مع الوالد %
واحد
بسنتن من السنين يوم انا صغير كان الوالد يبي يذبح ضحيتوه قالي شبيثان تعال يالغالي ابي اعلمك شلون تذح الذبايح ( ياروحي يالتربيه الناس تعلم عياله الرمايه والسباحه وركوب الخيل والاخ يعلمن الذبح ) الوكاد وهو يمسك الذبيحه ويجضعه قال امسك رجلينه ويدينه وانا اتكوم عليهن وهو يذكيه بس للاسف السكين مهو حاد قال لا تطلقه ابحد السكين واجيك طبعا بحكم اني صغير واشوف دمه يصب قلت اكيد ماتت يوم راح ابوي قلت ياولد ريح يدينك شوي وانا اطلقه وهي تهرب وابوي يصيح الحقه امسكه اووووووه وانا اركض وراه ياربع الذبيحه تركض بس راسه يتدودل معه احس تراعيلي وتقول ليتك تقرب يالمروح وكل ما اقرب له اذل وابعد وانا اقوم اركض بجنبه ابوي خذا خشبه وجاء يركض ومن القهر محطني قبله ولزقني بالجدار وبعدين مسكه وتفاهم معه ثنين مرتن من المرات عقب صلاة العصر قلت انا ليه ما اسوي شي اخلي ابوي يرضا علي وانا اشب النار واضبط القهوه والشاي واضبط المجلس وانتظر ابوي يجي ابي اشوف ردت فعلوه يوم خذيت شوين وانا اسمع ابوي يهاوش داخل اثريه غايلن اخوي ما صلا العصر وهو يقوم يكمخوه شوي وهو يجي اخوي يمشي الف وابوي وراوه يمشي تسعميه وتسعين ( لو يمشي الف تسان لحقوه ) طبعا اخوي فرك وانا جالس عند الدلال انتظر رجعت الوالد شوي وهو يدخل ويراعيلي قال وشفيك ( يبي المشاكل ) قلت مافيه شي قال وش تسوي هنا يالتسلب قلت ماعندي شي يبه بس مصلح لك قهوه وشاي تقهو قال تقهو ؟؟ ليه ماقومت اخوك على الصلاة يالهيس وهو يلقط الدله وانا افرك ويرجفن بالدله وهي تنكب على ظهري وتلعن شكلي وشهر عقبه وظهري حمر ثلاثه مرتن كنا طالعين للبر كشتت عوايل وكانوا معنا خوالنا وعمامنا والربع وابوي كان معوه ددسن وهو يروح حدى الزقرت للخلا ومعوه جركل ازرق قال ابوي شبيثان خذ الددسن ورح للبقاله جبلنا غرضان اثري ددسن الوالد مابه بريك ولا علمن عاد انا يوم خذيته طرا علي ابو الشباب قلت ابسوي بوه مقلب ولا هذاااااك هو جاين هو وجركلوه الازرق وانا ادوووس يموه هو يوم شافن وهو يقوم يشر بالجريكل وانا ادددعس يوم قربت لوه وانا ادوس البريك وكانت المفاجأه الغير ساره وانا القطوه وهو يطير هو والجركل الازرق ويصفق على بعد عشر امتار وانا انزل ابشوف الرجال اثري فيه ولد شافني وهو يروح يركض يمهم ويصيح طول حسوه ياملا البعد شبيثااان دعس فلاااان شبيثان ذبح فلاااان شبيثاااان دعس فلاااان قسم بالله تسذوب انا يوم سمعتوه وانا اهرب ولا ادري وش صار بالرجال طبعا شالوه وودوه المستشفى وطلع بوه كسر بالحوض وه يا مزح السيارات واسف على الاطاله وتقلدوا تحيتي |
|
|
|
25-01-2009
|
#2 | |
|
الإدارة
|
الله من القرد بهالنواصي يابعدي خخخخخخ معشش بهن تعشيش :MsgPlus_Img0940:
الا قلي كما.... ولدك مثلك مقرود بعد  تسلم مشرفنا الغالي :icon14: |
|
لن يضرك ان ترد على زميلين او ثلاثه في كل مره تزور المنتدى
رحم الله من أهدى لي قبسا يضيء لي عتمة المكان من حولي
|
|
25-01-2009
|
#8 | |
|
هههههههههههههههههههههههههههههههههههههههههههههههههه ه الله يعينه عليك ماشاء الله طولت باله لو انا مكانه كان مضحي بك يوم السالفه الاولى اخوي الشبث ماقصرت يالغالي الله يونسك بالعافيه :eeee: |
|
|
|
25-01-2009
|
#10 | ||||||||||||||||||||
|
هذا تسميه مزح @_@ اووم الدفااااشه وربي ههههههههههههههههههههههههههه عووااافي يالشبث ^^ |
||||||||||||||||||||
|
مجتمع يرفض الطب ! و يسيء الظن في الطبيبات !! وحين تلد النساء ، يبحث عن " طبيبه " !! مجتمع متناقض  !
|
 |
| مواقع النشر (المفضلة) |
| الكلمات الدلالية (Tags) |
| مواقف, الوالد |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
إن جميع ماينشر في المنتدى من أشعار ومشاركات ماهي إلا نتاج أفكار تمثل رؤية كاتبها فقط ولا تمثل رأي المنتدى
(رأيت الحر يجتنب المخازي.. ويحميه عن الغدر الوفاء.. فلا والله مافي العيش خيرٌ.. ولا الدنيا إذا ذهب الحياءُ)
المشرف العام
العرض العادي
