ديوان الشاعر / أحمد الجريفاني

السيل ما تبنى البيوت بمجاريه !!!

	مـالـي عـلــى حـــب التملّق حـسـوفـه=لا رخصت اهداف الغلا قل شاريـه النـفـس عــن درب المـذلـه عـزوفــه=لو متْت انا عطشان مارد غداريه علامة الكذاب كثرة حـلـوفــه=كـــلٍ تــدلــك عــــن طـبـاعــه مــواريــه الــخــط تعرف وجهته من ظروفه=يبيْن مضمونـه ولــو مـانـت قـاريـه ومـن يهتـدي بسهـيـل يبلغ شفوفه=ما ضاع غيـر اللـي خفنّـه مساريـه وللـي يـبـي فـرقـاك وش لــك بشـوفـه=ومن عاف ذكرك لا تغنّى بطاريه ومن عاشـر الطيـب يذوق امعروفـه=لا جــاء ظــلام اللـيـل بـانـت قمـاريـه ومن عاشر الخايب يذوق الحسوفه=الطـيـر يـعــرف مـــن طـيــورٍ تـبـاريـه ولا مال ساس البيت طاحت سقوفـه=والسيـل مـا تبـنـى البـيـوت بمجـاريـه وانـــــا طـبــاعــي بـالـحـيــاة مـعــروفــة=نصف الرجل ما يسلبني خزاريه ولا احب من با الكذب كبًر ردوفه=ومن به جرب ما يوم اقرّب محاريه احــــب منهوا (خص) مولاه خوفه=ولا قـال رايــه با الردي مــا يمـاريـه

مدحي لمثلك يا الخطا زلّة لسان (قديمة) !!!

	عــــــزالله انـــــــي يـــــــوم ازكـــيــــك غــلــطـــان=لـيـتـي صـبــرت ايـلـيـن تـظــهـر خـوافـيــك مـدحــي لمـثـلـك يـــا الـخـطـأ زلـــة الـســان=مــــــع ان مـــالـــي فـــيـــك لاذي ولا ذيـــــــك قـريـت شـعـرك قـلـت ذي اجـمــل انـســان=مظــهـر ومـخـبـر واثـرهــا بـيـضـة الـديــك صافـي سريـره واحسـب الشـعـر عـنـوان=عــلـــى طـبــاعــك غـلـطـتــي يـــــوم ازكــيـــك فاسي وقع بـا الـراس واصبحـت ندمـان=يــا حسـرتـي مــن ويـــن اجـيـبـك واوديـــك تـوبـه عــن الـمـدح الـــذي فـيــه نـقـصـان=لـلـشـاعــر الــلـــي مـــــا تـطــولــه هــقــاويــك الــمـــدح يــذخـــر لــلـــذي شـانــهــن شـــــان=قـصــيــدتــن مــنــهـــن تـــســــاوي قــوافـــيـــك بـــنـــات مـــــــا يـــرضــــن مـــذلــــه وحـــقــــران=لاخــوانــهــن واولـــهـــم احـــمـــد مـحــاكــيــك النـصـف الآخــر عـنـدك اشـلـون يـنـهـان=ابـــــوك اخـــــوك الـــعـــم دانـــيـــك قــاصــيــك كــان الـرجـل فــي نظـرتـك نـقـص مـيـزان=خسـران ابوك اللي بعزّه مربيك (رسـالـتــك) يــــا الـمـايـقــه خــيـــر بــرهـــان=علـى غـرورك صــادق الـلـي حكى فـيـك تري الغرور اخبث مرض واكبر ادمان=ولاتــحــســبــيــن ان الــقــصـــايـــد تــعــلـــيـــك

الاجودي يصبر ودمحاته كثار !!!

	سرى الـهـم بـعـروق الـمـعـذب مـن الـحـرمـان=سرى الهم عزيله من الهم بعروقه من اللي تهمه يا هوى لوعة الفنان=يضيق الفضا في وجه منهوا فقد شوقه ذليل الهوى طيرٍّ وهبه الولي جنحان=تمره رياح الغدر توثق له سبوقه وعليل الجفا مسروق نومه من الاجفان=تصوّر قليل النوم والكبد محروقه نهاره دجى والليل مادار با الحسبان=لو انه عمى ما لاعه الحب وطروقه ولا شاف عذراً طبعها الغدر والنكران=يذوق العنا من يسكن الغيد في موقه كثير العذارى يعجبه با الفتى شيئان=جماله وماله لا طباعه ولا ذوقه يحاكن بعضهن عن مدى حسنه الفتان=تغنى بشكله لو جرحها بمنطوقه تبي من يطرز له خيوط الذهب فستان=مديله غريب وشرط ماهي بمسبوقه ويجلب لها الالماس من قاصي البلدان=لجل تصبح بعين الصديقات مرموقه على نيته قلبي يحسب انه الغلطان=تحمل عذاب وغدر وجروح مفتوقه تصور بان الغيد زهرات في بستان=يحاكن خيوط الشمس في حزة شروقه مليئات با الاحساس منطوقهن الحان=يحبن جمال الروح ما يهتون بوقه جمال المحب بالوفا معشر الخلان=بدون الوفا خسران عاشق ومعشوقه محبه بدون اخلاص جنه بلا سكان=تمايل غصونه تبكي الورق من فوقه

حــــــــــــــــبة الــــــــــــــــخال !!!

	(حبة الخال ) صورها حسين الدلال=وارسله مع صور اخرى لنور العيون يحسب ارسالها للناس عادي حلال=من يرده تصرف في حلاله يمون باقيه عام با الجوال تطرح سوال=يا مره صورتك وشلون عندك تهون؟ ليش تبقى سجينه وانتي بخير حال=ليش تبقى حزينه وانتي بغير كون ترسلينه ورقمك ما يبي له جدال=واضحن مثل عين الشمس يعم العيون ما تخافين ! ما يوجد ببيتك رجال؟=وش تقولين لقرابك اذا يعرفون؟ لا بدأ الشخص (يبتزك) وصابك هبال=هددك لين ياصل بك لحد الجنون عندها وش قرارك ما يبي منك مال=وان رجيتيه خف ربك خبرتك حنون كيف ترضى لي الذله وسوء المآل=مالك اخوات يمكن مثلي يبهذلون جاوب : السبه انتي ما مشيتي عدآل=ذا جزا البنت لاصارت لعهده تخون

وكر الكرم من جارها ما يضاما !!!

	ضلعان حايل مدهلٍ للنشاما=وتلاع حايل مرتعٍ للغنادير من مر بالديره غدى مستهاما=بطباع اهل ذيك الوجيه المسافير ما يقدر فراقه ولو عِشِر عاما=لا فارقه دِقت بقلبه مسامير عاشرت به ناسٍ عزازٍ كراما=لهم بقلبي كل حبٍ وتقدير شربوا بها كاس الوفا والغراما=ومسطرين من اجله الحب تسطير عيدت معهم عيد شهر الصياما=يا علهم باعيادهم دوم في خير لقيتهم بانين شقح الخياما=في وسطها صفر الدلال المباهير شمال حايل بين سمر الحزاما= شرقي اجا في روض كله نواوير يفوح به ريح النفل والخزاما=يسعد به الماشي ويطرب به الطير وشارك فرحنا عزف وبل الغماما=في ديرة اهل الخير رحّب بنا الخير ومر به المعبود رب الاناما=ربِّ جعل حايل تميَّز عن الغير حايل ولو سافرت شرقٍ وشاما=تفرق على غيره بكل المعايير وكر الكرم من جارها ما يضاما=للمنتخي جنه وللمعتدي كير من زارها يسعد بطيب المقاما=يشم ورد الحير من جاور الحير بالخاتمه مني لحايل سلاما=سلامٍ احلى من حليب المغاتير

هله تميم اما الخوال السناعيس (بعد التجديد الكلي للقصيدة) !!!

	يابو محمد عشقتي ترفع الراس=هله تميم اما الخوال السناعيس عذراء جميله عينها عين قرناس=جارنّها الحلوات وامسن مفاليس لا كلمتني ينقلب حزني اوناس=ولا قفلت تصبح حلومي كوابيس تصيبني ربكه ولبكه ووسواس=وابدا اتعوّذ طول ليلي من ابليس ولا زارني من يمها ريح نسناس=حلمت نفسي عنده اليوم عرٍّيس احلم بقربه واشرب من الهنا كاس=وابيع همي والغثى والهواجيس (الحب) هو متنفّس الناس يا ناس=ولولا الامل كان انتحر خالي الكيس لو انه افقر شخص ينسيه الافلاس=انشد فقارى الهند وان شئت باريس قلّ الوفا موجود في كل الاجناس=الخلق معظمهم بليا احاسيس وشلون ينسى من لها عطر الانفاس=نظم به اشعاره وعبى القراطيس بعض البشر لو زوجته صافي الماس=لا حل ذكره قال ذي لقطة غليس لو انها درّه وله قد ميّاس=يسبها ما يدري انه هو الهيس ولو كل من يملك دلر يملك احساس=ما كثرت قصور السروقين في (نيس)

نـــــــــــــــبض الـــــــــــــــحروف !!!

	ربما تتعذرين بشي وتقولي ظروف ربما ربما تتدللين شوي وتقولي بشوف ربما صدقيني مافي من يبعدني عنك الا خلاق السماء يا الحبيبه كم تحريتك وكم لجلك نطرت يا الحبيبه كم على ظلمك وتعذيبك صبرت لو تحسين بمدى شوقي اذا كنت احتريك ولو تحسين بعذاب الهجر واللهفه اليك ما تاخرتي ثواني ولا تركتيني اعاني وما نسيتيني بصحراء الياس يقتلني الظماء آ ه منك يللي قلبك خلى آ مآ لي تضيع آ ه منك يللي هجرك ذبًل ازهار الربيع آ ه منك الف مره والف مره والف مره يا عناوين التجافي والتناسي والمسره كل يوم يمر يا حبي علي وانتي بعيده اكتب عيونك قصيده اكتب انك لو هجرتيني على طول السنين ما تغيرني ظروف ولا يجي با القلب خوف ولا يزور بظل بعدك غير لوعات الحنين يا الحبيبه كان مانتي واثقه اني احبك اسألي دقات قلبك واسمحي لي احتريك ولضميرك اشتكيك يللي قلبي مهما قلتي مازعل مره عليك يللي روحي لما غبتي صوتها نادى يبيك آ ه يا حبي ويا قلبي ويا خطوة عذاب آ ه يللي ما ذكرتيني وظرفتي كتاب آ ه منك يللي رقمك ما يوصلني دفاك آ ه منك يللي طبعك حير افكاري معاك آ ه منك والظروف ولما بتقولي بشوف آ ه منك يا شقى عمري ويا نبض الحروف اسمحي لي با النهايه اهدي اهآتي اليك اسمحي لي (م) البدايه اعترف اني ابيك وان قلبي مهما يتناسى يجي يسال عليك

تقدر تكلّم رقمنا لو تبينا !!!

	تقدر تكلم رقمنا لوتبينا=لو فيك رحمه للقلوب المجاريح دامك قفلت الخط وش في يدينا=غير التمني والسهر والتباريح يا هاجري وش فايده لوبكينا=مادام دمع القلب يحتاج تمسيح بعدك مخليني سواة الجنينا=من فارق امه يشكي الويل ويصيح لو با الرسايل يا غلاي اذكرينا=قولي وش اللي موجعك دون توضيح ساعة حياتي با القلوب التقينا =وسلمت لك حبي صكوك ومفاتيح تنسينني في سكة الشامتينا=وتونسين العاذلين المشافيح من حلو طبعك : للوصال اشترينا=وعلوم اهلك الغانمين المفاليح وش فايده يا عزوتي لو حكينا=ما دام حبي طار في هبة الريح وجداني انتي كيف ابمرح حزينا=والنوم بعيوني من اجلك شلافيح حرام نذكر يا الغلى ما نسينا=وعقب اندمال الجرح نصبح مجاريح

مايصلي ولا ركعه ولكن يصوووم !!!

	مايصلي ولا ركعه ولكن يصوم=قبل اذآن الفجر ياكل وعقبه ينام قبل الافطار صحوني تراي معزوم=وجبة (الفور سيزن) ما عليها كلام اثنعش ساعه أو اكثر وهو في حلوم=باالحلم كان في بوفيه (برج الحمام) طاغي الجوع خلى الكبد عنده تحوم=ولد نعمه تعذب محتسب مايلام الوزن برمضان يزيد يومن بيوم=نوم + بطن مليان برد و سلام ثالث أيام شهر الصوم فصل هدوم=دايم تضيق لامن حل شهر الصيام وان سالته تصلي؟ قال أتروح وأقوم=اسأل (الاسترآحه)عن صلاة القيام زرت مرضى واقارب ؟ قال ماله لزوم=ادعي الله يشافي كل من به سقام قالوا انك كريم ,البخل عنه محشوم=هل تصدق بشهر الخير في كل عام؟ قال:باحدى (الفنادق) كنت في حكم نوم=ضيعن كل ما عندي (بنات الحرام)

انتظرتك !!!

	انـــــــــــــتظرتك انتظرتك ... احتريتك ... وصارت اللحظه سنين الأمل عندي وقف .. ذاب قلبي وارتجف ... وابتدأ يبكي حزين انتظرتك توصلين ... وحارت الدمعه بعين عين تنطر جيتك .... وقلب يسأل هل تجين وابتدا عندي المكان الواسع الحلو الجميل يصغر بعيني يضيق ... شب في قلبي حريق يا ترى يمكن تجين او ماتجين انتظرتك توصلين ... وقام يطويني الحنين وحتى دقات الثواني ... وقفت لك تحتريك هي تبيك أو ما تبيك خفت من هذي وذيك يا ترى يمكن تجين ! أشعلوا نور المساء وسط المكان ... والوعد كان النهار أشرب إحساسي ألم أرجي الزمان ... ما قدرت أرسم قرار يا ترى يمكن تجين قبل ينهيني السكون هل أكون أو ما أكون ولعبت بروحي الظنون ... وهزني كثر الألم والانتظار وابتدا وقتي يسائلني عن اللي انطره .. خفت عنك أخبره ومرت الساعات سود ... ما لفى زول العنود الزمن عيا يجود .... لا بشوف ولا كلام ... وصرت معشوق الظلام انطر الهمسة تقبِّل مسمعي قبـل ينشــف مدمعـــــي هــــي تبيــك أو ما تبيك خفــت من هــذي وذيـــك من بعيد أبصرت ريمٍ تشبهك .... بس هذا من بعيد أقبلت يمي سريع .... قربّتَ قرّبْت أضيع ما بها منك سوى شال الحرير .... وشعرك الحلو القصير مر طيفه وبتلت ... ليتها ما اقبلت قربّتَ قرّبْت أضيع يا ترى يمكن تجين او ماتجين اقفلوا كل المكان ...... وانتهى عندي الزمان وزارني ظني بعد طول الغياب ما لمـــس فيـــني العـــذاب وصـــارت الفرحه سراب وانتهى عندي سؤال .... عشت عمري انطره جيتك صارت محال ..... السماء غاب قمره وضاع عمري احتريك ... وما تجين ... وما تجين .... وما تجين