كم بنت نشميه عن الفين رجال ..

قصيده للشاعره شيخة الغيد

المرجلة ماهي مرازيـم وعقـال
المرجلة موقـف يهـز الجبالـي
المرجلة قلب(ن)عرف طعم الأهوال
وصابر على مر القـدر والليالـي
المرجلة عقل(ن)رجح بين جهّـال
عقل(ن)لبيب ولاسعـى للجدالـي
كم بنت نشمية عن ألفين رجّـال
من دون ماتلبس لباس الرجالي!!

ماهي المرجلة...؟؟!!!

سؤال أرجو من الإخوة الشعراء..والأخوات الشاعرات الإجابة عليه شعرا..

كنوع من تبادل الأراء..والإستفادة من خبرات الاخرين...



وهذي مجارتي وردي على الشاعره شيخة الغيد


انتي جاوبتي على سوالك حسب معرفتك

وهذا جوابي حسب معرفتي

المرجله عسره على كل الاحـوال
ولاهيب تشرى بالذهب والريالـي
عذرى ولايقدر لهـا كـل خيـال
ياكـون خيـالً يـفـك التـوالـي
يدفع مهرها بحمـر لـدم لاسـال
في ساعة تذهل اعقـول الرجالـي
فعلـه تخلـده اليالـي والاجيـال
مايمحـي مـع مرمسـات اليالـي
والا كريم يرخص الحـال والمـال
ماشـح بموالـه كريـم السبالـي
هذي لاساس وباقياً عـدة اخصـال
لو اجلس اعـدد يطـول المجالـي
واما الاعذارى تذبح ارجال وارجال
لاسلهمـن برموشهـن عزتـالـي
اعيونهن تذبح بلا هـوش وقتـال
كـم واحـدً يقتـل بليـا قتـالـي

منـــــــــــــــــقوله