قصيده بالشيخ نواف السعيّد(رحمه الله تعالى)

قصيده للشاعر عايد فهد الربوض الشمري

في مدح الشيخ / نواف بن مناور بن عقاب السعيّد

(رحمه الله تعالى )

عيدك مبـارك ياعشيـر النشامـا=ياللي ببيتك كل يومـا لهـم عيـد
يابـن سعيّـد يابعـيـد العـلامـا=راع الوفا مدي حقـوق المواعيـد
نـواف يانايـف كثيـر الانـامـا=كسـاب رايـات الثنـا والتماجيـد
يابن معشي الذيـب بليـل الظلامـا=والله ماعـدة بــدور النمـاريـد
ماقبلكـم عشـا الذيابـه حـرامـا=لولا انكم علـى المراجـل مواريـد
عدوكـم يشـرب بكـاس الحمامـا=وصديقكم يأخذ من الحـق ويزيـد
أهـل الحميـه كانهـي بالمحـامـا=أهل الشجاعـة كانهـي بالتعانيـد
انتم جنود المـوت عنـد المرامـا=وانتم قواطيـع النمـش بالتضاديـد
يشهد لك التاريـخ يابـن الكرامـا=الذيب ووسام الشجاعـة شواهيـد
تمّو شهود الحـق عنـدي تمامـا=ولاخيب الله مـن شهـد للأجاويـد
ياما فعلـت الطيـب يامـا ويامـا=ينحـصـي لطيبـكـم بالتعـاديـد
وخـلاف ذا ياراكبيـن الهمـامـا=قاف الربوض أدوه شرقا وتسنيـد
هرجن صحيـح والظلايـم حرامـا=الذ وأحلا مـن حليـب المصاعيـد
ياخـو منيفـه يابعـيـد العـلامـا=يامنتهى الشكوئ لمن طـول الميـد
سهرت أنا والعيـن عيـت تنامـا=على مرام(ن)صار دونـه عواقيـد
أربع شهـور مـع عـدة عوامـا=كني سجين(ن) يرجي العفو من سيد
وشري لامـرن خطـات الخمامـا=أدرك مرامه ماحصـل فيـه تنكيـد
وأنا على شفـي كسيـر السلامـا=تقصر شبوحي واللزيز اشرف الحيد
عزي لحالـي كـان مابـه محامـا=عـزالله انـي ماتوصلـت ماريـد
اخاف مـن ردى الجهـد بالعظامـا=الكـان مالـي بالمراقـي مجاويـد
وعزي لمن ينظـام يـوم الزحامـا=عند المطامع يكثـرون الحواسيـد
يابـو سعـود الله يديمـك دوامـا=ذخرن لنا عند اكتشـاف الملابيـد
وصلوا على مختـار سيـد الانامـا=مني عـدد ماغـرد الطيـر تغريد

(الشاعر) :عايد فهد الربوض الشمري



للامانه م نقول

رحمة الله عليه

وصح السان شاعرها

ليتك ذكرت شاعرها يالنشمي

يعطيك الف عافيه ياارب

لاهنت لنقلك

اقتباس المشاركة الأصلية كتبت بواسطة ابوعبدالله الشمري رحمة الله عليه وصح السان شاعرها ليتك ذكرت شاعرها يالنشمي

هلابك اخوي ابو عبدالله

ابشر كتبنا اسم الشاعر

ومشكور على التواجد الراقي الطيب

اقتباس المشاركة الأصلية كتبت بواسطة أم سلطان يعطيك الف عافيه ياارب لاهنت لنقلك

ومن قال

مشكوره اختي

تسلم يمناك يالنشمي

وصح السان الشاعر الربوض

اخونا القدير نبراس الدغيرات

رحم الله نواف بن مناور بن عقاب السعيّد
وسلم بنانك وصح السان شاعرها



خالص التحايا لك ؛؛؛

رحم الله الشيخ/نواف بن مناور بن عقاب السعيّد
وصح لسان/الشاعر عايد فهد الربوض الشمري
وتسلم اخي نبراس الدغيرات على النقل الجليل
تقديري واحترامي لك اخي الكريم

الله يرحم الشيخ نواف السعيد
ويستاهل علمه غانم مع الناس
نبراس مشكور

الله يعطيك العافيه....



مشكور اخوي


لك احترامي