15-03-2010 | #1 |
|
كيفية عمل الهرفي وتقديمه لضيوف بطريقة اهل حائل؟؟؟؟؟
هلا بالنشميات والنشاما ... يمكن يكون الموضوع معروف
عند الجميع لانكم ماشالله مايحتاج اهل الكرم والجود ...... ولاكن سبب كتابتي لهذا الموضوع ضيوف جونا وسوينا لهم اكالهرافي اللي يحبه قلبك يوم قلطن حريمهم على الصحون استغربن من طريقتنا بتقديم الاكل . حتى يسالن شلون ياكلن وشلون يبدن بالاكل . ومايحتاج فسرت قدامهن وضربت بالخمس عشان اعلمهن . وسالتهن عن طريقتهم صراحه طريقتهم تفشل لو نسويه عندنا كان حكمونا رجالنا قصاص طريقة الهرفي يابعد حيي أذا جاك مجزور وخالص ومشلوط ومفروث عاد فسري عن ذرعانك ونظفي اللحم وحطيه بقدر بماء مغلي وخليه يطبخ بستثناء الكبد والكرش الكرش احد امرين اذا ابو العيال يبي كمونيه قطعيه قطع صغيره واطبخيه بماء فقط وبعدين سوي كشنه له وقلبيه عشان تحطينه فوق الرز واذا يبيه ملفوفه قطعيه مربعات وحطي به شوي شحم ولفيها بالمصران طبعن تكون منظفه صح اما بالنسبه للكبد اذايبيه مقليه او معصوبه اذا مقليه تقطع بالطول وتتبل وتقلى مع بصل لين تنظج واذا يبيها معصوبه تلفينها بكبره بشحمة البطن وتسوين لها ظفره بالمصران وتطبخ مع اللحم بس شوي وتطلعينه واذا خلص اللحم تطلعين الخروف ونحطينه بالفرن بعد ماتحطين عليه مصفر وزيت وتحمرينه وبعد مايطلع تحطين عليه مقلقل بصل ومعجون مع فلفل اسود والمرق تحطين ايدام الطماط والملح والبهارات والليمون الاسود والقرفه وحبات هيل ومسمار وتكوني منقعه الرز بماء حاار وياليت يكون بنجابي بس البنجابي يبي زياده بالزيت عشان يظبط والما يكون وسط واذا تبخر ماء الرز غطي القدر بصحن كبير عشان البخار مايطلع وبعدين تروحين للقرص وتحطين عليه بصل وطماط ولوبياء وزبده وتثردينه وغطيه بكيس وخليه وبعدين روحي للزبيب ق لبيه مع باذنجان مقلي وبطاطس مقلي وبصل وشويت بهارات وبعدين تعالي اقلبيه بالصينيه ونجي هنا للمهم وهو طريقه التقديم اولا نغرف الرز ونحط الزبيب والقرص وبعدين نحط ا لراس بالمقدمه تحت الخروف وتسمى( المخولعه) وتوضع اليدين والجنوب بجانب الخروف والكبد فوق الخروف وبعدين تحطين الخظره دائر مادار على الصينيه وشرائح ليمون وبعدين نجي للاهم وهو طريقة الاكل اول شي تربع وفسر للكوع وابسط بالخمس وصحتين وهنا للجميع |
|
مواقع النشر (المفضلة) |
الكلمات الدلالية (Tags) |
لضيوف, الهرفي, اهل, بطريقة, حائل؟؟؟؟؟, ظلم, وتقديمه, كيفية |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
إن جميع ماينشر في المنتدى من أشعار ومشاركات ماهي إلا نتاج أفكار تمثل رؤية كاتبها فقط ولا تمثل رأي المنتدى
(رأيت الحر يجتنب المخازي.. ويحميه عن الغدر الوفاء.. فلا والله مافي العيش خيرٌ.. ولا الدنيا إذا ذهب الحياءُ)
المشرف العام