ديوان الشاعر / نجم الشعر

يابو سعد / بقلمي
مدح بالشيخ / شفاقه بن ابراهيم السليمي

يابو سعد / بقلمي

	يابو سعد لاقيل وين انت وينك=كل النخاوي ياراع الطيب تنصاك لاصار قطن يالسنافي يمينك=وجبل طميه يافتى الجود يسراك ياشامخن بالطيب تسلم يمينك=يامكرم الضيفان من جود يمناك لاقلنا شفاقه كلهم عارفينك=على الوفاء والطيب ساسك ومبداك الله على فعل المكارم معينك=لانك سليل المجد وابوك رباك لين اتصل حبل الرجوله بدينك=جمع لك الله عز دينك ودنياك يابو سعد ياعل تبطي سنينك=الله من شر الصواديف ياقاك اقولها والطيب بيني وبينك=ويستاهل المديح مثلك وشرواك

نايف الشويب السليمي

فيك الوفاء / بقلمي

قصيدة مدح بالشيخ / عبدالله بن محمد بن نحيت

فيك الوفاء / بقلمي

	سلام يارجلٍ *عـلـى*الـعـز*والـقـوه=ياشـبـه*حـــرٍ*تـعــلا*فـــ وق*الابـراجــي الطيب*ساسك*والخيـر*فيـك*مـن*جـوه=فيـك*الوفـاء*والس عـد*والكـف*هدَّاجـي لاجــاك*راع*الطـلـب*مـاقـلـت*لـــه*تـــوه=تغوص*بحر *الوفاء*لو*دونه*امواجـي لين*الذي*جاك*يشوف*البـرق*مـع*نـوه=بامر*الولي*وقفتك *جت*لـه*بالافراجـي ياعبدالله النحيت بالطيب وامروَّه=اوراق*ربـعـك*مااخفيتـهـا*بـالادراجــي يــامسوي الفزعات يـاطـيٍّب الــخــوه=خوَّتـك*ماكنهـا*الا*السـَّاحل*العـاجـي ويـاقـو*بـاسـك*عـلـى*الـعـدوان*يـاقـوه=لا*احتـار*ط ـب*البـشـر*الكـيـه*اعـلاجـي ماجتـنـا*الاخـبـار*مــن*هـرِّيـج*ومـفـوه=ماقالـهـا *فيـكـم*مــن*الـنــاس*هـرَّاجــي انــت*الـــذي*جبتها *والـــراس*بـعـلـوه=وطيب*الرجل*ماعمره*سبب*الاحراجي اقـولـهـا*وانـــت*الـــذي*تـرغـبـه*ســـوه=وانا*على *رغبتـي*ارفـع*لـك*احجاجـي

نايف الشويب السليمي

ماانساك / بقلمي

	سلام ياللي تجذب القلب مني=سلامٍ احلا من صدوق الخيالي ماانساك لوتبعد بك الارض عني=لانك سكنت القلب وأشغلت بالي عليك قلبي ياحياتي يحني=حنين اللي ولدها وسط القتالي لاصار الاعداء بالمدافع تشني=متعرضٍ للموت في كل حالي حسبي على اللي دون خلي محني=ياالله عسى يصلاه من النار صالي وإلا عساه في عقله يستجني=حتى يجيه من الجنون اعتلالي يازين والله فيك ماخاب ظني=ادري انك تحب مني وصالي مير البلاء اللي قاعدن تقل جني=بيني وبينك ياحسين الدلالي ان طعتني خله بغيضه يوني=ازعل عليه ولاتعطيه المجالي خلك معي لورغبتك بالتمني=لين الله يفرجها عزيز الجلالي

نايف الشويب السليمي

حب الوطن / بقلمي

	مرت وعدت وفينا الراس مرفوعي=الا ضعاف النفوس اتشيل واتحطي الذيب ماقالوا انه مات من الجوعي=يبحث عن الرزق قبل اعيونه اتغطي يالمملكه حنا دون احدودك ادروعي=نفديك بارواحنا والمال والنفطي حب الوطن فينا ياسلمان مزروعي=اعبر بنا جوها والبر والشطي لك الولاء والعهد والسمع والطوعي=حنا معك لو سود الليالي اتشطي عدونا من غضبنا يصير مفزوعي=نركي عليه الجحيم وراسه انوطي ياسيدي ياطويل العمر والبوعي=حنا معك لين ينتهي بنا الخطي

نايف الشويب السليمي

الا ياشديد الوقت / بقلمي

	بديت القوافي والمعاني تعرك الحوض=على الخافق اللي حالف الهم واهجوسه وبنك القصايد قام يسجل علي اقروض=ومن عادتي ارجع للمقرض افلوسه نظامي على الجزلات وابداعي المفروض=على الخافي المستور بالقلب مدسوسه الا ياشديد الوقت ليه الطلب مرفوض=ليا قلت قام الحظ يالقاسي اتحوسه وانا اشوف غيري سار مع حظه المنهوض=وخطتك ياوقتي على الضيق مدروسه على الساس هديت البناء بسقفه المقضوض=والاحلام نامت ماهي اليوم محسوسه تضامن معك حبيبي بعهده المنقوض=ولاشفت من خلي مواثيق ملموسه

نايف الشويب السليمي

جزل القصايد / بقلمي

	جزل القصايد مثل الازهار بالخبت=الناس وان مروه جوا يقطفونه وهزل القصايد كنه العلك بالزفت=ترى الذي رماه مايشكرونه يالشاعر اللي للمجازيل الَّفت=زوداً على التمجيد مالك مهونه ويالشاعر اللي للمجازيل جانبت=عود على ملفاك مالك رزونه خل الشعر وارتاح لاتزود الكبت=خلك على ماقيل عندك مرونه الشعر كونه بالخلج نابتٍ نبت=راع المواهب ساقها من شجونه وياللي تعلك الشعر لا لوتكرمت=ترى العرب جزل العرب يعرفونه

نايف الشويب السليمي

ابيات لغز / بقلمي

	انت سايق لفنون السير حافظ=يطربك صوت البساتم والمكينه فيه شيٍ لابد انك له تلاحظ=اذا سقت يخلي نفسيتك شينه ان حليت اللغز انت انسان ناهض=ماتفوتك لو عجزوا اهل المدينه المعاني شلتها والحمل باهض=ومن تحدى الصعب خلاقه يعينه ولغزنا المذكور خلاها تداحظ=ان قلبته خلا نفسيتك زينه طبوا يالشعار خلوها تنافض=طبوا الميدان بقلوبٍ فطينه واتحدى بلغزي امير ومحافظ=والتحدي كل العرب عارفينه

نايف الشويب السليمي

وحيدة الازمان / بقلمي

	شفته ولكن ماتضح لي ولاشي=ورجعت اكذب ياجماعه عيوني سارت على خلفه بالاقدام تجري=وحيدة الازمان وذيك الغبوني انا اشهد ان الامر ماهو بعادي=سبحان من له البشر يسجدوني الامر ياهل العرف امراً الهي=ياللي باحداث المعجزه توءمنوني ماحولها لاجن وماحولها انسي=لو تزعج الاصوات مايسمعوني الا الرضيع اللي على رايع الفي=تقول كل شيٍ غيره يهوني وزوداً على الوحشه بعد غلَّق المي=ياعونت الله كيف هم يشربوني همٍّ دخلها كيف يبقى الولد حي=منهو يلوم اللي بولدها حنوني لين الفرج جاها من الواحد الحي=امره فجَّر تحت اسماعيل العيوني قالت زمزم زمزم تحسبنه اشوي=سبحان ربٍ مدها بكل عوني وهيألها جرهم على الارض تمشي=واستأذنوها حولها يسكنوني واستأمنتهم مايآذونها بشي=وامرهم الله كلهم يأمنوني هنا بدا بيت العرب يشعل الضي=حيث العرب من اصلهم ينتموني من شان هذا الامر نرمل ونسعي=سبحان ربً له بخلقه شوءني

نايف الشويب السليمي

ضاع الوديع / بقلمي

	الوقت هذا فيه شيٍ غريبيء=تغيرت فيه البشر ياجماعه وين انت ياللي فيك عقلٍ لبيبي=اقف معي عطني من الوقت ساعه خلك من اللي يستشيرك قريبي=وان جادلك في بعض الاحوال راعه الوقت هذا فيه شيٍ صعيبي =زوَّد على جرح المتاعب اوجاعه فيه الذي زوَّد بقلبي لهيبي=ماعاد لي على السكوت استطاعه الوقت هذا فيه شيٍ عجيبي=فيه الذي للموت كوَّن صناعه وصناعته للموت دم القريبي=فجاعةٍ ياويَّها من فجاعه كيف الولد لابوه صار الحريبي=وقطع راس امه قبل ديد الرضاعه هذا الامر ياناس شيٍ مريبي=من يفعله ماله بدينه شفاعه ياناس هذا الامر زوَّد نحيبي=فضاعةٍ ياكبرها من فضاعه ماعقبها عقوق لام الحليبي=ضاع الوديع وضاع راع الوداعه رحماك ياللي للخلايق حسيبي=ارحم قلب اللي قاسي الوقت لاعه

نايف الشويب السليمي

لاتغثني ياشيخ / بقلمي

	يازينها ايام واشهور واسنين=من قبل مايطلع على الخط ساهر كنا على ماقيل بالحال ماشين=الحال وحده بالكرم والتظافر يازين حالتنا على العسر واللين=مافيه بين الناس حقد وتنافر راع الكرم ينصاه ناسٍ ضعيفين=ويقدم الماجوب ماهو تفاخر يازين حال اهل البلد والبعارين=كلٍ على مبداه والحال عامر واليوم حال الناس من شين في شين=ياكثر من يقول انا الحال دامر لا بيت يسكن فيه ويشكي من الدين=مطالب ساهر بس تملاء الدفاتر والدخل يمكن ماوصل خانة الفين=وتلقاه من بعض الدواير محاصر اما سدد والا ادخل ضمن المساجين=كلٍ يحد السيف حاضر بحاضر الناس فيهم ياجماعه مساكين=ماتوا على هالحال وسط المقابر الوقت هذا فيه راع الملايين=فيه الحسد مافيه جبر الخواطر الوقت هذا فيه من الناس نوعين=لاتغثني ياشيخ فوق المنابر النوع الاول ماهم بالناس دارين=ماهمهم ياغير فن المظاهر لو تسأله ماقال لك وجهته وين=اما قليل العرف والا يكابر والنوع الثاني فيه من الطيب والدين=يقضي لزومك كان بالفعل قادر وتم الكلام اللي به الشين والزين=وش انت خابر هاه وش انت خابر

نايف الشويب السليمي