ديوان الشاعر / مشعل عسام التريباني

بسم الله الرحمن الرحيم
ترحيبيه في قبيلة يام بضيافة الاخ محمد سميان الجعفري الشمري
الشاعر/مشعل عسام التريباني الشمري في 3/8/1439هجري

قصيده ترحيبيه في قبيلة يام

	توكلنا علــى الحـــي المهيمن= جــليل المـلك خــــلاق الـــبريه كــــريمن عالمـن مابا الخفايا= عظيمن رزق خلقه فــــي يديه بعد ذكـــره وتعــظــيمـه بدينا= نصوغ ابيات شـــعرن ســـامريه سحبت البوك واحضرت القوافي= نبــــي نبحر بقيفانن شـــــــذيه هلا فــي يام ببيوت الضـياغم= هــــلا مــاهــــل هــمال برديه هلا فـــي يام عند النادر اللــي=يشيل الحمل بااليمنا الســــــــخيه هلا في يام فــــي بيت ابومتعب= عــزيــز النفـس واليمنا النديه هلا فـــي يام يام اهل المفاخر= هـــلا الامجاد واهل الغايريه هلا ياهل الشــهامه والشـــجاعه =هـلا ياهل الوفا واهل الحميه هلا ياهل العلوم اللي تشــــرف= حمـول الخيل يــوم الجاهليه هلا فــــي بيت زيزوم المراجل= عريب الساس ستر الشـــمريه كريمن من هلا المجد المشـرف= سناعيسن تشــــرف في مجيه سناعيس المراجل تاج راســــــــي= دروع الدار حلوين الســــجيه ســــــيوفن تقطع الروس العنيده= حرارن من حرارن صيرميه اباكتب بســـــم ابومتعب وارحب=اخـــو غالي وله حقن عليه وختام القول صلى الله وســــــــــلم= على خير البشـر سيد البريه

بسم الله الرحمن الرحيم
((ياهل العراق اخباركم كان ماكان))

الشاعر/مشعل عسام التريباني الشمري في 2/11/1439هجري

ياهل العراق اخباركم كان ماكان

	ياهل العــــــراق اخباركم كان ماكان=مآسين كلـــــه عراضـــن طويله رحتو وطــــي بين العبادي وردغان=واترامب نشبة زبدته في صميله الله يجنبنـا الكــــــوارث والاحــــزان=بلاوين ماينـدرى وش حصيلــــه سفـن التشيَع روجـــــة حقد طهـران=وفي ملتقى النهريين حطة ثقيله وردة نهر دجلـــه من الشـــر قطعان=شربه قراحه واستباحـة نخيلـــه وحب القيمي شتته طيـــــر برمــــان=وجاب الافاعي في يمينه يشيلـه مشاكلن يندى لهـــــا وجـــه الانسان=دورن به الكــاتل يشيّع كتيلـــــه دنيا كفا الله شـــــرها مالـــها امــــان=نيبانها تضرس وتاكــــل خلــيله شتان بين الامـــــس واليوم شتـــــان=دنيا التغير بس يطرق شليـــــله تضحك بسن احيان وتكشّراحيـــــان=كا الحية اللي راسها عند ذيله البذرة اللـي بين بغــــــداد وايــــران=استفحلة مابين يومــن وليلـــه من عقب ماكانو هلا الفرس عدوان=اليوم ركبو فوق سرج الكحيله

بسم الله الرحمن الرحيم
((وين انت ياسميحان))
مشعل عسام التريباني الشمري في 5/8/1439هجري

وين انت ياسميحان

	وين انت ياســـميحان يانافل الجيل= ابشــــر بمن تزهاه صفر الدلالـــي ابشر بمدهال الرجال المشـــــاكيل=اللــــي ببــيته يدلهون الرجالـــــي قرمن يخلط البن الاشــقرمع الهيل= للزعفران اللي باالاســـــــعار غالي قرمن يذلل قاســــي البخل تذليل=مهو من اللــــي يكنزون الريالــي راع الحجاج الطلق ومرجح الكيل= هداج تيما في ربوع الشـــــــــمالي جعيثن بن حســين راع المعاميل= مرخص علـى اكرام الرجال الحلالي دمث الجناب منكل الشــــح تنكيل= تنفق يمينه دون عرف الشـــــمالـــي مجمّلن ربعـه باالافعال تجميل= بلطم المصاعب واصتياد الجزالــي حرن يصيد الشــرد ويعـدل الميل= متوشحن تاجن من الطيب عالــي الله يـمـهّـل لــه بالْايام تمـهــيل= وياعلنا ما ندخل البيت خالـــــي قرمن برز بالفعل مهــو تهاويل=فعله مســـــــــكت مابيله جدالــي من روس ربعي كاســــبين التنافيل= اولاد الادهم محتمين التــوالـــي خفاف النفوس ومتعبت قرح الخيل=هم عزوتي عزي وهم راس مالي

بسم الله الرحمن الرحيم
((سلام ياشيخن لبست الشهامه))
مشعل عسام التريباني الشمري في 23/10/1439هجري

((سلام ياشيخن لبست الشهامه))

	سلام ياشيخن لبست الشـــــــــهامه= ســـــــــــلام يامقدم جموع الطنايا ياتاج راس العز واصل الكــرامه =يامنـبع الامـجاد صــــاف النوايا شيخن زهاالشــيخه وتاج الزعامه =عبدالله العاصــــي زبون القضايا موارث اللــي يحتمون الجهامه =جــربان ياضاقـت علـيك النحايا جــربان هاماتن علـو كل هـامه=عــدوهم صــاحن عليه الصبايا جربان روس المرجله والفخامه= من عهد ابوخوذه كعام الســـــرايا جربان سـتر اللي زهت فـي لثامه= روس تقود الروس مهــــي حكايا عـدوهم يســـــــــحب ثياب الندامه= وصديقهم ينســى التعب والرزايا اصل الصخا واصـــل المكارم زمامه= شيوخ شـــــــمر عاشقين الحمايا عــدوهم للذيب تجـدع عظامه= ياما على العدوان ســوو ســوايا شرن على العدوان ترسل ســـهامه=كم من عـقيدن ورّدوه المنايا ضد الخشـــوم اللي تزايد عرامه=وغيث الكبود المظميات القوايا جربان ياعدو شــــــــيوخ الزعامه=ساقو جزيل الفعل سوق المطايا ســــــادو ومادو واعتلو كل قامه= ومداتهم فيها تضـيق الحــوايا

‏بسم الله الرحمن الرحيم
((فيه شارب تكرمه واخر لزوم تحفه لان ماكل الشوارب تستحق انه تصير طوالي))
مشعل عسام التريباني الشمري في 8/11/1439هجري

فيه شارب تكرمه واخر لزوم اتحفه لان ماكل الشوارب تستحق انه تصير طوالي

	التواضع من صفات اهل الرجوله والكرم والعفه= من تواضع يرفعه ربــي على المتكبر المتعالي والكبر والزود من طبع اللئيم الضايع المـترفه=لابسن ثوبن يجره فـــي غرور وكبريا وهبالي ومن يجنب سكة العالم واذاه عـن العباد ايكفه= صاربعيون البشرمعلم ولبس الطايلات جلالي ونيتك ياطالـب الطولات من خـبث النواياصفه= ياســـــعادة واحدن قلبه من الاحقاد دايم خالي ودف نفسك في عباة اهل الشهامه والرجوله دفه=الحضيض مورث الطــولات للاحفاد ولانجالي ومن خذاله من دلال اهل التواضع والرجوله شفه= استحل المركز المرموق واحتل المقام العالي ترجح الامجاد بالميزان ياوضــعة بوســـــط الكفه= ومتن راع الكبرعمره ماتعود يحمل الا ثقالي وفــيه شـــــــــــــارب تكرمه واخـر لزوم تحفه= لان ماكل الشوارب تستحق انه تصيرطوالي والنفوس اللي مـن التقـوى عـيونه بالكباير جفه= ساقها الجلاب والبايع دفعها فـــي يد الدلالي يالبيب العقل لاتاتـــي كما الاطرش نهار الزفه= تتبع العالم بجســمن بالوصايف كنه التمثالي

بسم الله الرحمن الرحيم
((ابي اتصبروالجم العوج بالصمت))
مشعل عسام التريباني الشمري في 16/9/1439هجري

ابي اتصبر والجم العوج بالصمت

	ابي اتصبّر والجم العوج بالصمت=واكحل عيون اهل الحسد بالسكاتي اخاف يامنــــي زعلــت وتكـلـمـت= يفرح ردي العرف فــي مفرداتـــي انا يابو مشعل عـن الضايعه شمت= ومرج السـوالف تركها من صفاتي في مدرســـة صاف النوايا تعلمت=ان الدوى في تركت الطايشــــــــاتي من شــان عينه بالجوارح تحكمت= وســـــكرت بيبان الغضب بلهواتي والا ترى كاني من الخصم هوجمت= وثارت براكين الغضب من شـفاتي ابطش اليامني من الغير زوحمت=واضرب بسيفن مثل ســـيف الزناتي امنت باللي كون الكون واقســـمت= ماترتفع عن راس خصمي عصاتي خصن اليامني لخصمي تجشــمت=تقضــي علــى روس الافاعي هواتي لكن علــى عوجــى رفيقي تكتمت= يمكـن يقدّر صـدتـــي والتفاتـــــي ويقدر العشـــــره ويجلس الياقمت= ويكرب رسن غوجه عن الانفلاتـي والا الكان انــي بخيلي تجــرهمت=امضــــي وخيله يرجعن مفلساتــي جيشــــي يفوز اليامضيت وتقدمت=وخصمي يعود لسيتي واحسناتـــي

بسم الله الرحمن الرحيم
((جبت بيض الصحايف وابتديت القصيد))
مشعل عسام التريباني الشمري في/29/11/1439هجري

جبت بيض الصحايف وابتديت القصيد

	جبت بيض الصحايف وابتديت القصـيد=وغصت وسـط البحور وجبت مرجانها وانتحــرت الجــزايل بالكلام الجديد=لين روية سيوف الشعر واسنانها اقتحــمت الفــرايد لـين ذاب الجلــيد=والقوافي شــملها عفو ســـجانها للضياغم تلين القاســـــــيه والعنيد=كل جــزله تجــيك تكاظـــم اعـنانــها لابتن بالملاقــــى يتعـبون الضــــديد= فــوق قب المهار تجود فرســــــانها جيت اشارك وابارك في فرحكم واشــيد=واكــتب النادره واتعب علـى شـــانها ياحمات الجهامه بالنهار الشـــديد= يارقص في نفوس القوم شــــــــــيطانها يشهد الســــــيف الاملح بالكلام السديد=وتشــــــــهد العاديات وطــــول ميدانها ويشــهدن المهار مكاظمات الحديد= يوم شــــــح الليال وكثرة اكوانها انتم اللـــــي لكم في كل جزله رصيد= والمــراجل لبســــــــتوها بتيجانها وانتم اللــــي لكم كل الصعايب تهيد=تقحمون الصــعايب وســــــط ميدانها وتاصلون العدو لوكان داره بعيد=عــنوته تقصـــرونه قبل ميحانــها شوكتن للمعادي وســـط حبل الوريد=وســــــــتر بيض العذارى وقت مزبانها سـربتن بالملاقا ماتكل اوتبيد= كان شـــــرس المعارك ثار دخانها يشـــهد الله علي ما قلت غير الاكيد= نلتو الطايلات وجبتو واســـــمانها كم هزمتو جموع وكم ذبحتو عقـيد= وكم ضحيّه جـــدعتوها لســــرحانها فعلكم مايشــــــــكك فيه غير البليد=ســــجلته الصحايف وســــــط ديوانها التواريخ تشـــــــهد والقلم القصيد= وارض حائل وســــــــكانـه وظلعانها وتشــــــهد القاع واللي في صفاهايميد=وســــــــــطوة المرهفات ومدة ارهانها اينعت فيه روســــــــن قدمت للحصيد= لين خضّــب حمرها جـيد قيعانــها

بسم الله الرحمن الرحيم
((ابو مؤيّد لاعدمنا وجوده))
اخوك/مشعل بن عسام التريباني الشمري في 14/9/1439هجري

ابومؤيد لاعدمنا وجوده

	ابومــؤيد لاعــدمنا وجــوده =راع الحجاج الطلق واف الخصايل قرمن مـن الامجاد تقدح زنوده= راع الحمــيّة والصــخا والجــمايل غيثن على الصدقان ترزم رعوده= ريف الضعيف اللـــي به الوقت مايل هداج تيما اللــي تروي وروده= يروي ضما الضميان وقت الصمايل حرن حفض فعله مكارم جدوده= هــلا الــفعول ومحـتمــين الــدبايل يرخص على كسب المعالي نقوده= والـفـعل يـثبت للــرجــال الدلايل نهرن من الطولات بانة شـهوده= ســوى على فعل الجزال الهوايل الطــيب لـوهــو كايدن مايكـوده= دايم علــى الطـوله يحث الرحايل والله لو اكتب فيه وابرز جهوده=ماوفيت حق اللي يشــــيل الثقايل بحر الندى نهر الرجوله وطوده=ياالشـــامخ اللــــي للمهمات طايل جاب الرجوله في رسنها يقوده= لين استوت له باالركوب الاصايل واللي فرض خمسه وعظم سجوده= مانســــاك لين تحط فوقـــي نثايل ياالعمـبر اللـي فاح زاكـي وروده=يالشــامخ اللي مثل ظلعان حايل

بسم الله الرحمن الرحيم
((هل مزن القوافي والبيوت سفحن))
كلمات /الشاعرمشعل عسام التريباني الشمري في 20/12/1439هجري

هل مزن القوافي والبيوت سفحن

	هل مزن القوافي والبيوت سـفحن= وابحرالجاش مني لين فاض المحـــيط والجــوارح بنفـحات العبـير لفحـن= وخافقــي يانخيته بالفــــرايد يشــــــيط والنوادر بحلوات اللحـون لقحن=وانجبن مـن حـلال الشـــــعر مهولقــيط يوم شفت الفرص للمفردات سنحن=ابـــي احـرك جــوادي ثم افل الشــــــريط ابي اسوق القوافي وابي اجراللحن=دام ربي حبانــــي في لســــانن ســـليط روحن شرد القيفان عقب ســـرحن= جابهن هاجســــن يدلي بعزمن نشــــــيط الهو اجس بجــزلات البيوت قدحن=مايجي بين هجســــي والفرايد وســـــيط يوم قامت حروف الشعرتطحن طحن=وكل اصـيلا تقلد بالفـــرايد غبــــيط جت جـواد بن غافل يامجاف المحـن=فوقها اللي يعسف القاف لوهوشــطـــيط تو عـوب القصـايد للجـزال رمحـن=والهزايل حذفناها ببـيرن غـــويـــــط ازدحم فيض شعري والمروز طفحن=واينعن البيوت بشي مهو بســـــــــــيط القريحه بعذب الشعر تشحن شـــحن=كو كبن من هوابه هف هفت مقـــــيط انصح اللـي خيوله بالهزال جمحن=لايحمل خــيوله بالكــلام الخـلــــــيط ياكرمت اشبع الضيفان وامل الصحن=وان ضربت اوجع اللي بالعيا مستشيط اسحن الملح لعيون الاعادي ســـحن=واجرح الخصم جرحن مايســـده مخيط

حي الشعر واللي بقاموسه حواه

	‏‎‎‎حي الشعر واللي بقاموسه حواه=شعرن يحرك خافقي قافيته من شاعرن دايم رفيعن مستواه=ينقش على صم الصخرسحريته يلقط لذيذ( التمر وايطش النواه)=والبير ينهل من مناهل ميته ومنلا سعاء للطايله تبت يداه=يسكن بغارن ماتظلل فيته واللي سكن بالغار لايامن بلاه=اللي جلسبه كيف يامن حييته البوصله تشر على كل اتجاه=اللي ضبطها ماعرف جاهييته خله يضبطها وانا ابي امشي وراه=انكانهو للخير بييت نيته والاترا نا نعرف البير وغطاه=وكلن مثل ماقيل له مرئيته ولسان جزل الشعر ياحك اللهاه=احياه ناخذها وندفن ميته نكتب على المسحوب ونطوع حداه=والخصم في عوب البيوت نتيته

كلمات /الشاعرمشعل عسام التريباني الشمري في 26/12/1439هجري