من مواقف كريدي ابن سعدي

بسم الله الرحمن الرحيم قال الراوي على لسان الفارس كريدي ابن سعدي راعي الحيزا يقول حنا بابو قله ومجاورين الخرصه ومعنا العلوان من العفاريت وغزوا الصايح على العلوان ووخذت باعرهم وعبده والصايح هاك الحين قوم وجاء المفزع وتجمعت عبده عند بيت العلوان ومنهم ابن علوان ومخلف ابو الميخ وانا يا كريدي وعددنا حول الخمسين فارس يوم جت عجوز تصيح وين ابوســعدي وين كريدي ابن سعدي قالوا لها قدامك واقتربت مني وهي تصيح وطويت صميلي عقب بله قلت وراكي يا حرمه مار انها حبتني من ركبتي وانا على صهوة الفرس وقالت وين راعي الحيزا قلت بنفسي قلعتن هالعجوز ويقول كريدي اطلبنا الضحى وابطينا والخيل قامت تقطع ومن مشينا قاضبين الاثر والعصر وصلنا المتياهه يمار هذولاك هم ويوم جيناهم يمار نسور ذابحين لهم بعير وشواينن منه واعجلناهم وخلوا بعض الشوايا على النار والنسور على تالي البعير ويوم ارتقينا شوفناهم يمار بينا وبينهم شعيب ولقينا كسر وشربن الخيل واطلبناهم واطلعناهم من الابل وانعزلنا واطلبتهم انا يا كريدي يمار مسويلي فخه وانفرد منهم فارس ولحقته واسمع مخلف ابو الميخ يصيح يا كريدي ظهرك وراك الرجال يوم بحرتا لا هم جادعين مديح الجورس وجادعينه كز يكزون كز وانتبهت على صوت ابو الميخ يمار الفارس من وراعي وضربن بالرمح من ظهري وطلع من صدري ووقعت بالقاع والفرس وقفت علي اريد اركب مار اغمى علي ووقعت وردوا الصايح على ربعي واسمع مخلف الميخه يتنخى وطلعهوم ربعي من الابل ومروا علي الصايح وخذوا فرسي الزنوه وخذوا ملابسي ما خلوا علي شيئ بس ثوب رقيق ومشوا الصايح وان مديح الجورس عندي ويقول الحين يذبحونا يا كريدي قلتله تعرضهم وهات كيسي وشخاطي بجيب الصايه اللي خذوها وتعرضهم مديح وقال كريدي يبي كيسه وشخاطته ويقول قال ابن بقار اعطوه وقال واحد منهم خلونا نذبحه وقال ابن بقار يذبحه الله اعطوه كيسه اذا ذبحتوه الدغيرات ما يخلوكم تنامون واعطوا مديح الكيس وقلت لمديح يا مديح اطلب ربعك ولا انا الله اعلم بي يقول وراح مديح ونطحه مخلف الميخه وقاله وين كريدي قال كريدي يطلبك الحل قال مات قال نعم مات وقطع نفسه ابو الميخ وطلبوا ربعهم كريدي يقول انا بغيبوبه مرات اصحا ومرات اغفي يقول غابت الشمس ويوم غابت اسمع حس العجرج باذني ومع الحس ومع الحس لما وصلت الماء يقول شربت وغسلت وزعت ويقول بهاك اللحظه اذهبن شيئ الخنفسان الاسود على صوابي ياكل من الدم والجلد يقول ظليت على الماء لنص الليل وقلت ابعد عن الماء خاف يجيني احد يرد عليه وطلعت الشمس واذهبتن الحمره والخنفسان على الجرح ويقول الضحى العالي جو اثنين عابرين سبيل راعي ذلول وراعي فرس ويقول البددت اسمع حسهم ولا اقطع عليهم يقول واحد منهم قال الرجال الرجال واموا علي وبحر واحد منهم وقال كريدي قلت كريدي قال والنعم وقال راعي الفرس ولعنة الوالدين وقال راعي الذلول انا انقذك يا كريدي وانصرف راعي الفرس وراعي الذلول زوبعي من الرموث وقال مابك خلاف يا كريدي واركبن وما تحملت وهو ينزلن ويسويلي حفره بالقاع وهو يقيسها على نفسه ويتنقح بها ويجيب من هالرمث ويشبه بداخل الحفره ويفره بعصاه لما حرت القاع وهو يعاضدلي وقال لي تنقح بالنقره ويوم تنقحت اوجس ليان من الحراره وتلمسن من عند ظهري وقال وين مضرابك قلتله مدرن فوق الديد وحط بشته على عيوني ويتلمسن بعقب رجله مقابيل المضراب وضربن بعقبه وعلمي بنفسي هاك الحين ويوم صحيت يمار الدم متعدي جنوبي يمار انا مابي خلاف وقومن وقال تقدر تركب هالحين قلت مابي خلاف اركب وقال وين اوديك فقلت له ودن للشيوخ بعين طلاوي وهم يوصلوني هلي وفعلا وصلن للشيوخ وارسلوا لهلي وجابولي بعير ويوم جيت هلي يمار رامين البيت وحالتهم حاله وربعي عدوا على اخو اللي ضربني ولا حصلوه وعقبها بسنه صرت زين وشاخ حميدي الباشات وقام يدي ونزل بشنقنا بعد سنه جيته وقلتله ضربني ابن فلان من الصايح وقال الشيخ امشي معنا حنا رايحين يم ديرة العيث ورحت معهم يمار هذا ابن فلان اللي ضربن قلت يا طويل العمر هذا اللي ضربن وخذا زنوه فرسي فقال له الشيخ هات فرس كريدي يقول وراح جابله مهلوبه وقلت ياشيخ ماهي الزنوه فقال الشيخ اهو كريد يريد اقوال وافعال يقول سكتت وعقب الغدا كلن راح لهله ويقول وانا عيني له وهو يروح على بيت باقصى العرب يقول وانا اتقنع بعباتي وانا الحقه الناس مقيله ودخلت عليه برفته وسلاحي خنجر وكلنك وانا اندهه وادغهه وقلت له وين فرسي الزنوه الحين اذبحك وقال اذخر قلت اذبح كاو تجيب الزنوه واعطاني عهد يجيبه والعصر فعلا جابه وقال الشيخ ويش سويت يا كريدي قلت ما سويت شيئ وجاب الزنوه وقلت ياطويل العمر هذه فرسي وحولوبه العبيد وقال الشيخ صدق هذه فرس كريدي قال صحيح قال الشيخ خذوهم اثنينهن يا كريدي هي واللي جابه الصبح وخذيتهم وروحت لهلي نشكر الاخ ابو احمد الدغيري للتعاون في صياغة القصه وكتابتها اخوكم ندى حمود المشلحي من ابناء الدحيله الكرام

ماقصرت على هالقصص الحلوه ينطيك الف عافيه

تحياتي لك

والله سبع انعام بك وبنقلك الطيب

تسلم يمناك وانا اخوك هذي العلوم ولا فلا وعلومهم تبيض الوجه الله يرحمهم


احترامي لجنابك

رحمهم الله واسكنهم فسيح جناته

اخي العزيز @ ندى الحمود
سوالف الأولين وقصصهم فخر ومفخره لنا حنا ياأبناء هالجيل ومدرسة ليستفيد منها الجميع
لاهنت على هالإيراد الجميل الرائع
الشكر موصول للأديب الرأوي الكاتب @ ابو احمد الدغير
ولكل منهم متواجدين بديوانيته العامره جزاه الله كل خير

خالص التحايا للجميع

يعطيك الف عافيه اخي

ع هذه الصيااغه بارك الله فيك لاهنت

والله والنعم بكريدي وبولدوه ابو عراك

الله يغفر للميت ويبقي الحي

مشكور على القصة يبناخي

شايب 81
السيارة هايلكس قرنبع لاتغركم الصور بالتوقيع

لاهنت على هالنقل الحلو


بارك الله فيك

رحمة الله عليه شجاع


مشكوووور ع الايراد اخوي

العراقي


رحم الله والديك اخوي


شرهان