23-03-2010 | #11 | |||||||||||||||||||||||
زائر
|
سعادة الاخ الفاضل ابن غسلان بيض الله وجهك اخي الفاضل ان اشهد لك بالاخلاق العاليه وروح المحاور واعترف انه وقع عليك حيف كبير سواء من ابناء قبيلة شمر او القبائل الاخرى وهذا هو ضريبة النجاح اخي مت قرائتي للموضوع فهمت منه انك تقدم النصيحه لمن يدرس في تاريخ الامم ومن خلال تجاربك لكن الموضوع تحول الى النقد والنقد الذاتي ما بين مادح ومعارض مما اضطرك للدفاع عن نفسك وتوضيح بعض الامور وانا قد مررت بنفس التجربه في الاعلام العراقي من خلال الفضائيه والتلفزيزن الوطني والراديو وخرجت بنتيجه احب ان ادونها في موضوعك الجدا مهم وهادف اخي الفاضل الشموليه في دراسة تاريخ شمر هي الاساس واعتقد ان مؤرخي نجد ابتعدوا كثير عن الشموليه واعتمدوا الخصوصيه وفي قناعتي خلق تشويش كبير وشبه انقسام او انفصام فنحن نرى ان قبيلة شمر في جميع انحاء الوطن العربي جسد واحد وتاريخ مرتبط بالكل سواء في نجد او العراق او سوريه وهكذا000 ونحزر من الوجاهات ونتفق معك شكلا ومضمونا فيما طرحته في طريقة البحث ونتفق كذلك مع المهندس الراقي ونعلم انك عندك الشجاعة الادبيه حينما تخطي فكلنا نخطيئ ولكن لايمتلك البعض هذه الشجاعه اخي الفاضل الا توافقني الراي ان الشلليه بالمواقع شيئ بغيض ؟ في نهاية المطاف مقالك رائع والاروع النقاش الاكاديمي وربي يحفظك |
|||||||||||||||||||||||
|
24-03-2010 | #12 | |||||||||||||||||||||||
|
اهلا وسهلا اخي الدغيري 00 يااخي العزيز ابواحمد هناك امور تاريخيه كثيره في القبيله وفي الجزيرة العربيه بشكل عام مقلوبه امام الناس واصبح الظالم مظلوما والفاسق واعظا وهكذا 0 وهي مكتوبة ومحفوظة عندي الى وقتها المناسب 0 وان كنت لم ابدأ في نفض الغبار عنها الى الان فهذا ليس لكوني خائفا من شئ ولكني انتظر الفرصة التي تكون افضل لكي يتقبلها الناس بصدر رحب 0 واكثر الذين يطبلون ضدي يعلمون ذلك ولهذا السبب يثيرون الزوابع من الان لكونهم يعلمون ان الذي عندي ليس في صالحهم 0 فمثلا المؤلف فايز البدراني من حرب روى في كتابه قصة ان الشيخ الفرم بارز الجنازه عبدالعزيز بن متعب الرشيد ورماه على الارض ووقف فوق راسه بالسيف فبكى الجنازه وقام يتوسل اليه لكي لايذبحه فقال الفرم لولا العجز اللي وراك بحايل كان ماتشرب الماء عقب هالساعه ثم ارفق معها ابياتا لايخفى على العاقل انها من صنع اليوم وهي ركيكة المعاني حديثة الكلمات ايضا 0 ولم نجد من قدم شكوى ضده او طلب منع كتابه 0 في حين انا اقيمت ضدي ثلاث شكاوي متتاليه كلها من ابناء القبيله دون ان يصدر لي كتاب وبمجرد كتابات في الانترنت 0 فياترى ماهو سبب هذه الصرامه ضد احد افراد القبيله الذي خدمها بقدر استطاعته في حين نجد البرود وعدم الاهتمام فيمن تعمد الكذب على القبيلة وتاريخها ورموزها؟ وهي مطبوعة وتباع في المكاتب 0 لماذا لم يرفع احد برقية الى الدوائر والجهات التي كانوا يرفعون اليها ضدي؟؟ هذه توضح لك بعض الامور 0 لقد نظمت (ملحمة بلاد الجبلين) وهي عبارة عن (600) بيتا من الشعر وتحتوي تاريخ حائل وشمر منذ عهد النبوه الى وقتنا الحاضر وتحتوي على (480) حدثا تاريخيا مهما وفيها جميع الحقائق التاريخيه التي تخفى الناس ويخاف منها البعض الاخر وهذا مطلعها:
راوي جبل شمر بدى في مثايله=تشدى نواوير النفل في مسايله فيها خبر شمر وحايل على النقى=والكذب ماهو خصلة من خصايله يشرح بها تاريخ الاحداث بالجبل=ويفرق جزايل وقتها عن هزايله هاضت قوافيه العذيه وصاغها=وسطر من انواع المثايل جزايله حايل مساكن طي قبل النبوه=وياما كوتهم في لهايب قوايله باسباب جور الوقت نجدٍ تفرقت=وبارض الجبل ناخت نجايب رحايله وقيس بن شمر حامي الجار وسطها=حامى على الشاعر وسدد خمايله جابت مثل حاتم هو الرمز بالكرم=وذبح لضيفه من عرايب اصايله طيبه بقى ***وق من عاش بالجبل=كالمزن لا سالت سحايب همايله وابنه عدي اسلم وقابل نبينا=وقدم له المركى لماضي جمايله ومربى لزيد الخيل فارس زمانه=اللي فعوله بالمعادين هايله اسلم سنه تسعه وراع الرساله=سماه زيد الخير واكمل شمايله وفي ردة الاعراب عقب النبوه=بقوا على دين الاله بكمايله ومنها ابو تمام شاعر زمانه=قافه زهور فياضها لاتمايله الغوش عاشت في طوارف جبالها=وثعل وسنبس هم نوادر جلايله اربع قرونٍ عقب هجرة نبينا=وشر القرامط حاس نجد ونزايله وجاء من ظنى عدنان في درب غربته=بني هلال اللي وطتهم ثقايله في قرنها الخامس تعدوا مع اللواء=وقليبهم بالوصف كالمزن سايله ونار القحط بانت ويبست فياضها=وراحوا شمالي مصر تومي شلايله وطاح الخفاجي في محبة عنودهم=ومشى لاجل عينه وضاعت دلايله والفاطمي قال انهجوا لابن بادس=وان طاح خوذوا ديرته مع ثمايله ساروا لتونس وابعدوا في نجوعهم=وكالوا من انواع المعيشه مكايله ويوم انصف الخامس خذوا زهرة الظفر=وطاحت قصور القيروان بحبايله وبني صخر صارت طوارف جبالها=وترتع بريضان المعزه زمايله وذاقوا عنى شح المطر في مزونها=وصاروا بتيماء عن عداله ومايله ومن عقب ست قرون من هجرة النبي=سار المغول اللي مشوا في غلايله كتايب(ن)راجت وماجت وخربت=وفي ديرة الاسلام شانت فعايله ودولة بني العباس طاحت قبالهم=وبغداد شافت بالليالي هوايله وقام المماليك الاكارم بوجههم=وسلطانها الطيب عطانا صمايله صمم وقاتل دون الاسلام وانتصر=وهزم مغول الشرق واهلك فصايله وعقبه بدى تضييع نجد العذيه=وصارالجهل والجوع يشمل عوايله حتى اللغه ضاعت مبادي دروسها=وقامت تذابح ناسها من جهايله وفي قرنها السادس تكاثر بوسطها=نسل الفضول اللي كرامن سبايله وهم من بني لام العزيزه نبوعها=وقيل المهادي واحدن من جلايله وصالوا وجالوا في نواحي ديارها=واحلافها سارت على الدار صايله مقصودها الخاوه على ساكن الجبل=ومن عال يلقى بين الاقوام عايله وتحالف اللي في جبل طي ضدهم=ونصرهم اللي ماتعدد فضايله ويوم انصف السابع بدى الحلف يكتمل=وشمر غدت بالفعل نقوة حمايله زوبع والاسلم ثم عبده تحالفوا=وبالحلف بانت بالمكارم رسايله وجبال حايل صارت جبال شمر=وكل العرب تخشى صوارم عمايله وعندما انتهيت من ذكر الاحداث عاما عاما وحدثا حدثا ختمتها بوضع العهد ان جميع ماذكرت لدي دليله الدامغ ولم اكتبها بسبب حب طرف او بغض غيره فقلت:
وعقب السقوط بعام شمال رفحاء=ذبحة عيال زميل والناس شايله وياحيف ياغضبان قاله غريب=وغضبان صوب الشام سارت ظلايله وعقب ثمان سنين شمر على السبله=قضت على الاخوان واطفت غلايله ابن مساعد قادهم لاخذ ثارهم=من عقب حرمان العمايم ثمايله وطاح الدويش اللي تقدم جموعه=من زيد ابن عمار ثارت فتايله وبالتسع والخمسين موتة عبكلي=شيخ الشيوخ وشاخ كاسب بدايله وبالخمس والستين جت جمرة القحط=اربع سنين اذوادهم في هزايله وبالتسع والستين جاء كون رفحاء=وعبده وزوبع تختلف في قوايله ويوم الرواويه بسبعين وقعته=وسلطان بن مياح جتنا صمايله وثلاث والسبعين شمر مع عنزه=باسباب ذود الشيخ وخليف شايله ردوهن الشلقان من نسل وايل=وتقابل الجمعين والناس صايله وعادت لهتاش المغاتير سالمه=وعند العويقيله مشوا في عقايله ومات الملك عبدالعزيز الذي بنى=قصرن حمى المسكين عن كل غايله ونرفض تواريخ ابن غنام كلها=في روضة الافكار شانت دلايله وابن بشر مثله بتكفير خصمهم=وصعب(ن)نصدق من يكفر قبايله وجميع ماقلته ثبت لي دليله=ولااجامل احدن خوف حامي فتايله ولا قلتها حب وكراهه لغيري=ودنياك لو طالت لها ايام زايله رواه ابن غسلان بالشعر واثبته=ولا راد مدح الناس والا فشايله مجهود عمره عبر عقدين بالتعب=وزبدة بحوثه صاغها في مثايله كله يبي خدمة تواريخ ديرته=ويدحر هروج اهل الردى مع فصايله يمكن يجي من يشكره عقب مامضى=من نسل ناس(ن)شال عنها ثقايله وذاق المرض فيهم وبانت مواجعه=ولا فيهم اللي فك عقدة حبايله ويسمع هروج تقدح النار بالحشى=وصارت جزاء اللي واضحات فعايله وسقت القوافي من توافيق ربي=فيها جديد اهل الجبل مع سمايله مسكن بحور الطيب واهل المراجل=اللي بوقت الجوع تذبح جلايله دار السعد والطيب مربى هل الفخر=اللي غطت تاريخ نجدن شمايله اللي غلاها في حشى راوي الجبل=عسى سحاب الوسم يروي نثايله وانا احمد الله عد نايض بروقها=واعداد ماطابت بحايل عوايله والايام ستبدي للجميع كل ماكان مجهولا ولكن صبر جميل 00
|
|||||||||||||||||||||||
جرح العرب للي من الجرح داواه=واللي من جروح الليالي يشيله
ان ماوصل للي وصل له وساواه=حط الافاعي بالخفى في شليله |
24-03-2010 | #14 | |||||||||||||||||||||||
|
ابو فهد رآوي الجبل يابعد حيي انت اسطوره الرواة والجبل ماتهزه الريح وانا اجملك انت سيد الإبداع بالقلم والفكر والكل يشهد لك يالنشمي تحياتي واعجابي بك ياكبير |
|||||||||||||||||||||||
قبل امـس رحـت لـشبة (دهام) لآهـان = له مجـلساً فيه الصـخـى والمحبه الشاعر صوت الرعد ويوم أنتصفت وجيت مع طلعة العـان = شفت الخيال اللي مشى بأمر ربه جتنا مـن المنشى تـقل روس ظـلعان = وريـح المـطر جتنا سـريعاً مهبه قـدام عيـني شـفت رش المـطر بـان = بـدايتـه تجيك ( حبـــه وحبـــه ) وفـي حزة المغـرب على وقت الاذان = على الشمال الـبرق للـغيم نـبـه وخـذيـت اتـابع ياجـماعـه وطـربـان = لآجيت لآمـجلس ولآجيت شبـه |
24-03-2010 | #15 | |||||||||||||||||||||||
زائر
|
سعادة الاخ الفاضل ابن غسلان بيض الله وجهك ان مجهودك وغزير معلوماتك لهو فخر لقبيلة شمر وانا جالست شياب كثير من شمر وهم مبدئين يحترمون تاريخهم وكذلك تاريخ غيرهم بل يمدوح ن فرسات اعدائهم بل وينفضون زيقهم حينما يسمع بالفارس الفلاني مما صارت معهم الحروب في الماضي بل يمدحونه شعرا ويذكرون محاسنه سواء بالكرم او الشجاعه او حماية الجار اخي الفاضل ان العصبيه القبليه احد اركان استمرار وديمومة القبيله ولكن انقلب ذلك سلبا في زمننا هذا على القبيله كما ان الصراحه مؤلمه لا احد يريدها وبالذات في تاريخ القبيله وكلن يغني على ليلاه واعتقد ستؤدي صراحتك وشجاعتك الى تحول الاصدقاء ضدك كما هو واقع الحال الان فالناس يا ابو فهد ادمنت على المدح ولا تقبل النقد حبا في الوجاهات والله يعينك |
|||||||||||||||||||||||
|
مواقع النشر (المفضلة) |
الكلمات الدلالية (Tags) |
مايجهل, الانسان, دائما, عين |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
إن جميع ماينشر في المنتدى من أشعار ومشاركات ماهي إلا نتاج أفكار تمثل رؤية كاتبها فقط ولا تمثل رأي المنتدى
(رأيت الحر يجتنب المخازي.. ويحميه عن الغدر الوفاء.. فلا والله مافي العيش خيرٌ.. ولا الدنيا إذا ذهب الحياءُ)
المشرف العام