بقعاويه تكسب الثناء والمدح والتمجيد لها ولقبيلتها واسرتها

بسم الله الرحمن الرحيم



اللهم صلي على محمد وعلى آله وصحبه أجمعين


اخواني @ اخواتي @ الأفاضل
اعجبتني هذه القصة ونقلتها لكم كما هي والصراحة تستاهل صاحبتها من ينقل لها


القصة كما هي

بقعاويه تكسب الثناء والمدح والتمجيد.......



وفعلها الطيب يتسبب في مدح قبيلتها وبديدتها
واسرتها التي اشتهرت ( ***ق الرحم ) حيث انهم ذوي قلوب رحيمه وحانيه
وضرب بهم مثل ( معدية الراس ) على شاكلة (جربوع الشلقان )
حيث انه في عصر الفقر والطيب كان من عائلة العمرو خمسة ابناء عم متجاورين
ووصلت لاحدهم ) طعمه) راس شاة مطبوخ
فآثر ابن عمه على نفسه الذي بجواره فعداه ( اي مرره ) له
والثاني اثر ابن عمه الثالث على نفسه واستمرت العمليه حتى وصلت للخامس
فاعاده على الاول دون ان يدري ان الاول مصدر الطعمه
فلما وصل الى الاول قام وجمعهم واكلوه سوية ،
وتتجلى بقصتهم مدى التراحم بينهم ومدى مبدأ الايثار السائد بينهم وبعصرهم
ونحن في عصر يولم الرجل وليمه وتكب في برميل النفايات ووالدته على مرمى حجر من بيته
لم تذق هذه الوليمه .


والبقعاويه حفيدة هذه العائله
تولت مسئولية تربية ابناء ولد زوجها عندما تركتهم امهم ،
وهذا الموقف يسجل لبنت الرجال واخت الرجال
اللي يندر في زمننا المعاصر وجود مثلها .
والقصيدة تشرح نفسها

يالله يالمعبـود ياخـالـق الـنـاس=يارافـع سبـع السمـوات الثقيـلـه
انك تقدرني على فيـض الاحسـاس=في مدح منهـي تستحـق الجميلـه
اللي علومـه دايـم ترفـع الـراس=عز الله انـه مـن عـروق اصيلـه
اللي لها موقـف بطولـه ونومـاس=وتعيـن بالشـده وحملـه تشيـلـه
اصله من عتيبـه عريبـة السـاس=قبيلـة(ن) ياطيبهـا مــن قبيـلـه
اساعده شجعان طيب علـى سـاس=فيهم كـرم ومـن كاسبيـن النفيلـه
من نسل (عمرو)اللي لهم بالكرم باس=يـوم الفقـر كـل يقـدم حصيـلـه
فيهم مثل يوم انهـم عـدوا الـراس=كل يقول الراس لابن عمـي نحيلـه
جاها قريب وقال انا اليوم محتـاس=واطفالـي صغـار ولالـي حليلـه
واصبحت ضايع بين هم وهوجـاس=واعانـي همـوم عسـى الله يزيلـه
يوم امهم راحت وقفت مـع السـاس=ولاحصلت غير الخجـل والفشيلـه
راحت وخلتهم بلا شعور واحسـاس=ولافكـرت فيهـم وكـنـه هبيـلـه
عوضهم الله باللـي مالهـا اجنـاس=تفرش لهـم كبـده ولاهـي بخيلـه
يوم حضنت محمد وريـم وريمـاس=وقالـت ترونـي لهـم ام بديـلـه
هذا تحطه فوق كتفه علـى الـراس=وهـذا بيدهـا ماسـك فـي شليلـه
ماهم عياله مالهـا غيـر الاتعـاس=ولا ترجـي الا الاجـر والفضيلـه
قامـت بواجبهـم بفخـر ونومـاس=مع طيب نفـس ماتحـرى الجزيلـه
لوهي رديه كان قالت مـع النـاس=ماهـو بشغلـي جعلهـم للمليـلـه
ادعوامعي ياناس في وقت الادمـاس=الله يجازيـهـا وهـمـه يزيـلـه
صحيح من قال العذارى به اجنـاس=فيهن ذهـب وفيهـن اللـي رزيلـه
وصلاة ربي عـد رمـل الاطعـاس=على شفيـع الخلـق يـوم الهويلـه

زوج البقعاويه/ فرج التركي العنزي

ابيااات رااائعه ويااارك الله فيك

جدا مميزه لاهنت اخوووي

ويعطيك العاافيه

الله يجزاها الجنة هالأجودية ويكثر من امثاله

عزالله وجهه أبيض وتستاهل هالمدح والثناء


تسلم على نقلها لنا مشرفنا العام


مشكووور

تسلم ويعطيك العافية اخي


ابيات جميلة وكلك ذوق وكثر الله من امثالها



تقبل مروري وتقديري


الجنوبية

اخي ابو غازي سلمت على نقلك واختيارك الجميل

فعلن تستاهل البقعاويه

وصح لسان شاعرها

تسلم ياابوغازي على ايرادك الطيب والثمين 00

وهذي معروفه لنا هي وعايلتها الطيبه الله يسلمهم 00

تحياتي العطره

اللهم صلي على سيدنا محمد وعلى آله وصحبه وسلم

ماهم عياله مالهـا غيـر الاتعــــــاس
ولا ترجـي الا الاجـر والفضيلــــــــه
قامـت بواجبهـم بفخـر ونومــــــــاس
مع طيب نفـس ماتحـرى الجزيلــــــه
لوهي رديه كان قالت مـع النــــاس
ماهـو بشغــلـي جعلهـم للمليـلــــــه
ادعوامعي ياناس في وقت الادمـاس
الله يجـــازيـهـا وهـمـه يـــزيـلــــــه

الله يجزاها الجنه ... أصيلة وبنت حمولة ونعم فيها وبلابته ~~

مشرفنا وأبونــــا {{ أبو غازي }}

قصة مشرفة.. لاهنت طرح قيم من رجال شهم وطيب,,

يوم امهم راحت وقفت مـع السـاس=ولاحصلت غير الخجـل والفشيلـه
راحت وخلتهم بلا شعور واحسـاس=ولافكـرت فيهـم وكـنـه هبيـلـه
عوضهم الله باللـي مالهـا اجنـاس=تفرش لهـم كبـده ولاهـي بخيلـه
يوم حضنت محمد وريـم وريمـاس=وقالـت ترونـي لهـم ام بديـلـه
هذا تحطه فوق كتفه علـى الـراس=وهـذا بيدهـا ماسـك فـي شليلـه
ماهم عياله مالهـا غيـر الاتعـاس=ولا ترجـي الا الاجـر والفضيلـه
قامـت بواجبهـم بفخـر ونومـاس=مع طيب نفـس ماتحـرى الجزيلـه
لوهي رديه كان قالت مـع النـاس=ماهـو بشغلـي جعلهـم للمليـلـه
ادعوامعي ياناس في وقت الادمـاس=الله يجازيـهـا وهـمـه يزيـلـه
صحيح من قال العذارى به اجنـاس=فيهن ذهـب وفيهـن اللـي رزيلـه
وصلاة ربي عـد رمـل الاطعـاس=على شفيـع الخلـق يـوم الهويلـه

انشهد انها بنت أصل وفصل بيض الله وجهها هالأجودية

لاهنت يابعد حيي

والله والنعم بالبقعاويه
تسلم اخوي ابو غازي
على هالقصه المشرفه
عسى الله يرحمنا

تسلم ابو غازي

بنت رجال وأخت رجال

ايراد ثمين وطيب يحسب لك فاضلي

مشرفنا العام

تقديري