قصيدة مدح في محمد حمدان المنيس المفضلي الشمري

بسم الله الرحمن الرحيم..
اعضاء وزوار هذا المنتدى الكرام..
السلام عليكم ورحمة الله وبركاته
هذه القصيدة وصلتني من الخال مطر عبدالله المشعان المفضلي الشمري
وطلب مني ان انزلها في هذا المنتداء الشامخ ولا شك ان ابن العم محمد حمدان المنيس
يستاهل المدح وقليل بحقه هذه القصيدة حيث له مواقف مشرفه ومساعدات مستمره للمحتاجين
جزاه الله كل خير..

سبحان من هو كون الكون وابداه= اللي خلق خلقه وفيه اختلافي
أحد مثل نارن تطاير شظاياه = يمكن يصيبك بالمرض ونت عافي
وأحد مثل طش المطر ياذكرناه = طش الثريا باول الوسم دافي
محمد بن حمدان يعجبك ممشاه=عزالله إنه بالمواعيد وافي
محمد بن حمدان يا حل طرياه= عساه دوم بصحتن ومتعافي
وليا حضر نعطي سلام وتحياه= لله دره الشجاع السنافي
ماهو من اللي شوفته قد ماطاه= معروف نفعه للرجال الضعافي
عسى ابوه ابجنة الخلد ملفاه= في ظل ربه آمن ما يخافي
ترا المنيسي فزعته ما نسيناه= رجل المواقف بان ماهو ابخافي
ورد الثناء واجب ليا صرت تقواه= رد الثناء يستاهله كل وافي
فضلان يا حدت رجالٍ على اقصاه= يا حصلت القالات ماهم خفافي
تاريخ اهلنا الأولي يا ذكرناه= الدويلة اللي تشرب المي صافي

الشاعر/ مطر عبدالله الزبده الشمري

شاعرنا القدير ثامر عقيل الدعسان
صح السان الشاعرمطر عبدالله الزبده مدد بلا عدد
من حصل شي يستاهله والف نعم بك وبالمادح والممودوح يالنشمي
.. .. . .
خالص التحايا لسمو شخصك النبيل
??¯?ـ?ابو غازي?ـ?¯??

اقتباس المشاركة الأصلية كتبت بواسطة المشرف العام شاعرنا القدير ثامر عقيل الدعسان صح السان الشاعرمطر عبدالله الزبده مدد بلا عدد من حصل شي يستاهله والف نعم بك وبالمادح والممودوح يالنشمي .. .. . . خالص التحايا لسمو شخصك النبيل ??¯?ـ?ابو غازي?ـ?¯??

المشرف العام لمنتدى نشامى شمر
كل الشكروالتقديروالاحترام لسموشخصك النبيل
على ردك الرائع واقول ماعليك زود طال عمرك

كفو بالجميع وبيض الله وجهك على نقلها لنا يالنشمي
تحياتي لك

اقتباس المشاركة الأصلية كتبت بواسطة ابوعبدالله الشمري كفو بالجميع وبيض الله وجهك على نقلها لنا يالنشمي تحياتي لك

هلاوغلا ابوعبدالله
شكراًجزيلاً الله يعطيك العافيه

ثامر عقيل الدعسان
والنعم بك وبخالك وبالمادح صح لسان الشاعر الف
تقبل مروري

والنعم بالمادح والممدوح
ومشكور على النقل يابو عقيل

صح لسانك
مما لاشك فيه الطيب يفرض نفسه ويكسب النعم
ومن حصل شيً يستاهله لو ماهو اجودي لما امدحوه الناس
والنعم فيك وفيه وبكل طيب
لاهنت وتقبل مروري .

اقتباس المشاركة الأصلية كتبت بواسطة الشيخ منحاش ثامر عقيل الدعسان والنعم بك وبخالك وبالمادح صح لسان الشاعر الف تقبل مروري

هلا بالشيخ اللي ماهو منحاش الى فرسك بأول الخيل
وماعليك زود طال عمرك والعذر من التاخير البحث عندي
صارله نص ساعه وهويبرم يالله مسك اشكرك جزيل الشكر

اقتباس المشاركة الأصلية كتبت بواسطة نداء المفضلي والنعم بالمادح والممدوح ومشكور على النقل يابو عقيل

ماعليك زود يا ابومشاري
تتحياتي وتقديري لك