05-04-2015 | #1 |
|
أهل حائل ..( أهداء لأهل حائل خاص ،، )
اخواني وخواتي الله يسعد جميع اوقاتكم بكل خير قصيدة للشاعر سعد المسعودي العتيبي عنوانها إهداء لأهل حايل حبيت اطلعكم على فحواها
الفكره اللي ماتجي حسب ظنّي = عنها الهقاوي للعشم فالسمينه أسرجت خيل القاف يوم أسرجنّي = بنات بكر الفكر من كل عينه سلام يادارٍ لها الشعرحنّي = وشوق الفؤاد ألها تزايد حنينه اللي عليها وجهتي يوم أغنّي = وألها من الإبداع أسوق الثمينه ثنتين لامرن علي ذكرنّي = بهداج وأبـ/برزان ومشيدينه حايل غلا هلها وغلاها سكنّي = هي من تشارك بالغلا والدينه حايل عليك الوصف من كل فنّي = أم الكرم كان الكرم له مدينه يمك على ركاب الوفاء ياخذنّي = أشواق حبٍ وسط قلبي دفينه وعلى النظاء جيت ولفيت متعنّي = ورجعت وأحلام البقاء وسط عينه ودي أخذت أيام وسطك لاكنّي = غديت للدنيا وعناها رهينه وإن طال عمري والليال أمهلنّي = لأجيك جية غالي ألـ / مغليينه وأزور ربعٍ طيبهم ماجهلنّي = طيبٍ مع الأيام متوارثينه تاريخهم وأفعالهم خلدني = ماينجحد وأهل الوفاء خابرينه روسٍ رست مرسى رواسٍ رسنّي = هذا الصحيح ورب راع السفينه ولاتنجب المعروف كف التمنّي= والشح مايدحم جنوبٍ متينه فخري لمن لايلحق المد منّي= بالذات من ديني يطابق لدينه عدٍ وروده لاوردن يرتونّي = وعلى الكرم تندا مقابض يمينه نايف فعوله كلها ماخفنّي = مثل الجبل فالوقت عسره ولينه ذخر الجهيلي مايكل ويونّي = وعلى الفخر تضحك مبالج جبينه والرأس طيّب والمجاني وفنّي = يالله عسى شرواه تبطي سنينه زحل الطنايا رمح موتٍ مطنّي = فنحور عدوان الوفاء وحاسدينه هو محزمي كان الليالي حدنّي = سليل سيفٍ للزمن ذاخرينه هذا الصحيح وردوا العلم عنّي = للعز مجدٍ ماخلوا ساكنينه من نبع فكري والحروف خدمنّي =وبحر الجزل ماغاض من غارفينه والرأس طايل والفعول أحتمنّي = رأسٍ على طيبي وساسي ظمينه سعد بن نايف المسعودي |
|
05-04-2015 | #2 |
الإدارة
|
رد: أهل حائل ..( أهداء لأهل خاص حائل ،، )
شاعرنا القديرعبدالعزيز بن حشيان ابو خالد بيض الله وجهك ووجه الشاعر الكبير سعد المسعودي العتيبي صح اللسانه مدد بلا عدد .. .. . . خالص التحايا لسمو شخصك النبيل ??¯?ـ?ابو غازي?ـ?¯?? |
لن يضرك ان ترد على زميلين او ثلاثه في كل مره تزور المنتدى
رحم الله من أهدى لي قبسا يضيء لي عتمة المكان من حولي |
07-04-2015 | #4 | |||||||||||||||||||||||
|
رد: أهل حائل ..( أهداء لأهل خاص حائل ،، )
ابو ديم تسلم على كل هذا وصح بدنك يالنشمي وانتم تستاهلون اجمل كل العبارات |
|||||||||||||||||||||||
|
07-04-2015 | #5 | |||||||||||||||||||||||
|
رد: أهل حائل ..( أهداء لأهل خاص حائل ،، )
ابو غازي ووجهك ابيض يالنشمي وانتم السباقون بالعلوم الطيبة والله يديم لكم السمعه الى ترفعكم اكثر |
|||||||||||||||||||||||
|
07-04-2015 | #6 | |||||||||||||||||||||||
|
رد: أهل حائل ..( أهداء لأهل خاص حائل ،، )
عمنا الشيخ ولاعليك زود يالنشمي والله يسلمك اسعدني مرورك الرائع |
|||||||||||||||||||||||
|
26-05-2015 | #7 |
|
رد: أهل حائل ..( أهداء لأهل حائل خاص ،، )
ابيات جميله ونادره بهل حايل لشاعر سعد المسعودي العتيبي
وتسلم اخونا عبد العزيز على النقل المميز بارك الله فيك |
|
09-12-2015 | #8 |
|
رد: أهل حائل ..( أهداء لأهل حائل خاص ،، )
صح لسانك ابدعت يالمسعودي
ونعم بالمادح والممدوح تقبلوا مروري والشكر مقرون ايضاً لاخونا ابن حشيان على ايراده لتلك الشامخه صحت انفاسكم . |
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
إن جميع ماينشر في المنتدى من أشعار ومشاركات ماهي إلا نتاج أفكار تمثل رؤية كاتبها فقط ولا تمثل رأي المنتدى
(رأيت الحر يجتنب المخازي.. ويحميه عن الغدر الوفاء.. فلا والله مافي العيش خيرٌ.. ولا الدنيا إذا ذهب الحياءُ)
المشرف العام