ديوان الشاعر / نهير النمش

ابو زيد الهلالي ..

	تركت لك كل المساحات وافلحت=مالي ومالك ياكثير التعالي كلك على بعضك غلط وين مارحت=مهما بلغت من الثقافه معالي ماينفعك عذرك بعد ماتسبحت=غرك زمانك يابو زيد الهلالي ياما وياما بك تجملت وانصحت=ابي جزاها من عزيز الجلالي سكرت باب وعدت ابواب فتحت=واحذر تكون بوجه باب الشمالي فرقاك عيد وعقبك اليوم ريحت=ماحب شخصٍ بالعرب مايبالي ماطيق من يرضى الكرامه تجي تحت=احب قرمٍ مايطيق التوالي لله درك ياولد يوم لمحت=حملت نفسي فوق كل احتمالي بعض الحكي ماينفعك لو تميلحت=ياصار مالك بالمراجل مجالي مابيك تنقذني ليا شفتني طحت=اذلف تقلع ول مالك ومالي مال المصالح مدخلن لو تمصلحت=الصالح انك تبتعد ياحلالي كلك على بعضك غلط لو تسامحت=غرك زمانك ياكثير التعالي

المرمره .. ..

	ياصاحبي خذها على كيفك وسو=هذي حياتك مثل ماتريد سوه بس انتبه ياصاحبي واحذر السو=احذر غراب البين مابه مروه يمكن يكون احيان عادي وهو هو=ويمكن يكون احيان سفلي علوه لا يازمان المرمره ليت مع لو=هذا زمان مابقابه مخوه خل المراجل ترتفع واشعل الضو=اشعل سناه وخله يشاف ضوه تكفا طلبتك ادفعه واترك البو=ارفع مقامك وازعج الصوت قوه عزز مكانك والمراجل تبي قو=والجمخ ضيع مدعين الفتوه لاتنحني للضيم ولا تكلل الجو=ساير زمانك لايصيبك غبوه متى العقول تفيق يامهنة الغو=ومتى تشوف الناس غاية رضوه وياصاحبي عقلك براسك وبه سو=هذه حياتك مثل ماتشوف سوه

نفد وهضاب .. ..

	ياهوه مالك في مراقيب الأصعاب=خل الصعايب ماله الا الذيابه كلٍ بدوره بالرخاء يفتل اشناب=بس الشدايد ماتبي من يهابه برقٍ تخيله من ورى نفد وهضاب=بالك تخيله في زمان الغلابه بعض السوالف كم قريناه بكتاب=والبعض منها كل شخصٍ حكابه ياصاحبي لاتكثر اللوم تغتاب=خل الحكي ياصاحبي لا تهذابه تاخذ وتعطي يابعد كل الأصحاب=وشبه تغير خاطرك والرحابه تقفي وتقبل بي على كل مرقاب=الله يسعد كل وقت الصبابه خل المعاند بالصدر همس بأدآب=اسرج خيولك بالعتب والمجابه بس انتبه لاتجرح احساس الاحباب=جرح المشاعر انتبه لاتعثابه وياهوه تدري وش مراقيب الأصعاب=ارجوك خله ماله الا الذيابه

سلة أوهام.. ..

	البارحه نومي كوابيس واحلام=منها خرجت افلاس والعلم تخمين ياما جرالي قبلها ايام وايام=ياما حلمت وعود الحلم حلمين صارت ظنوني كنها سلة اوهام=فيها تجمع هاجس الزين والشين ابدي واسولف والخطا عذري العام=راح وتبخر وانهدم حلمي الطين عذري ومنقودي غدت مثل الارقام=لاضاع منها شي ضاعت موازين حنا ابتلشنا في تفاهات الاقلام=سخرية الكتاب صارت عناوين وقت نسانا والاعداء حضهم قام=لازم نعّود يافتي لو بعد حين ناقف على صدر الوطا مثل الاحتام=ناخذ ونعطي والبقا للشياهين الدلبحه ماهي لنا بين الاقزام=حنا شموخ الله جعلنا وصلفين نمشي مع الطيب لياقال قدام=ومانحب حكين بالقفا والرديين مادامنا حيين وحشامنا حشام=نسعد مقام اللي لنا مستحبين واللي يشوف المعجزه مثل الاهرام=خله يقول اللي هدم سور برلين وان ماعرفتو اسألو شعب صدام=ضاعت حقوق الشعب مابين نارين والبارحه غافي على فلم الافلام=وبعده صحيت وعود الفلم فلمين

ضيعت قدرك .. ..

	صبري قضا وأستنزفت كل الامآل=مدري تعود أحيان والا تولي ياليتني لاصرت عارف بالاقوال=أظم صدري للفضاء وأستدلي ياعاذلي ضيعت قدرك والأفعال=وتعبت اجمع من علومك صفاً لي هذا أنت صاير واحدٍ ظمن الأنذال=ضيعت قدرك والمخابر تعلي وشلون تكبر في عيوني والأمثال=قلت سنع والكارثه فيك ذلي هذي علوم البعض حاسد وعذال=وهذي حياة الذل دايم تخّلي مايدرك العليا سوى طيب الفال=والا الردي محدٍ لقربه يهلي ياليتني لاشفت بعضي ليا مال=أسكت على بعضي وادور دواً لي ياشفت صوره تحتوي كل الآطلال=أطلق عنان التجربه للتسلي بالصدر مهرة مجد الأجداد تجتال=صيته يتل القلب للمجد تلي وصدري فضا واستنزفت كل الأمآل=يمكن تعود أحيان ياطير ياللي

طلاع الزميلي .. نهير النمش

	لعيون شـمر تـعال يانـــهير الغالي=ابـي العـب القـــاف لك يالــقرم لاعـبها خابـرك يالهيـلـعي ياماض الافعالي=اخيـول فكـرك على الــــجزله مـــدربها كالصيرمي لاكفخ منـــزاله العالي=لاحام جو الفضي يدمـــي مخالبها شمر طنايا سناعيس اول وتـــالي=غلبــــا فلا غالبـــاً بالغـــــــلب يغـلـبها ومن زعل من مدح شمر يصفق الجالي=نسقيه كاس الحنش بالغصب يشربها **************************=الشاعر طلاع الزميلي الشمري *************************=*************************** يامرحبا ياهلا ياطيب الفالي=اعداد ما نسنس الغربي هبايبها للمدح ياصاحبي مع زين الامثالي=كل الجزيلات في يمناك قاضبها دايم على العز والنوماس تختالي=يا قرم الاولاد يا مدسم شواربها لك با ول المجد مدهالٍ ومنزالي=ياكاسب الطيب والطولات كاسبها سمعتك ياطير شلوى خوش رجالي=تقوم با لطايله لا جاك طالبها لاهنت يامسندي وماهان من قالي=يصح لسان الشعر باحلى عذايبها *************************=الشاعر نهير النمش الشمري ************************=***********************

خلوج البارحه .. ..

	البارحه ذيب السهر عوّد بمن=عوّد بطيفٍ من قديمٍ غدالي ذكرني الماضي وانا منه منجن=جدد علومٍ ذكرني غوالي ياطرق شعري حن في خاطري شن=بنات فكري سربن في خيالي دلت خلوج البارحه فيني تحن=وده تدك البيد يم الشمالي فيني طروبٍ طوّح الصوت هيجن=خلا عقيم الصمت ياقف بدالي حكمت حظي والليالي شرن صن=حريف وقتي صار ضدي لحالي ليلي طويل وحده الظيم ياهن=مات الأمل فيني على كل حالي زيف المشاعر ليتهن روحن عن=بعض النوايا البيض ياهملالي وأثر المخابر قوم والأثم من ظن=يمكن فهمنا بعضنا يالليالي نوق المحاسن ليتهن هدفن جن=بين السلوم الأوله والتوالي واليوم ذيب البارحه عوّد بمن=عوّد بشيٍ من عيوني غدالي

ابيات كانت تعليق على صوره وهي ناقه وولدها ميت بجنبها
وطلبت الأخت هيام التعليق عليها من شعراً من الشعراء
في احد المواقع وكان هذا تعليقي

صوت وصدى .. ..

	ياهيام ياوجدي وانا أخوك وجداه=وجد الخلوج اللـي تناجي ولدها مالــه جـدا ياكـود تـرثيــه برغاه=من حر مابه والزمان اضدهدها ترفع بصوته للولي عــالي الجاه=عساه يفــرج كربتــه مــن لهدها أما أنــا يــاخــوك ويــلاه ويـلاه=من حاجـةٍ ابطــت علــي بمددها

وبعد فتره كنت حاط الأبيات اعلاه توقيع لي وشافتها وردت علي


هذا الصدى من الشاعره هيام الشمري

	ويلاه من شخصٍ عسى الروح تفداه=لوهي بكيفي مايعاني نكدها ولو كان ضنّي بالقصور المبناه=ياخذ وياخذ لين ياجد رغدها حنا لهم فيهم ومنهم خذيناه=وحنا لهم بسنين يجهل عددها لكن بلا قلبي وصوتي معه آه=لصار له قصّه ولأحد,ن سردها عنوانها ياهيام ويلاه ويلاه=متى سنين الوقت يرزم رعدها

القمه .. ..

	لا ياردي البخت والجاه والذمه=مثلك وشرواك عنه النفس نحشمها ربي خلقني سنافي واعشق القمه=ماني من اللي عن الجزلات يحزمها ربعي هل الطيب والطولات والهمه=نضرب على الكود واللي شذ نخزمها لامن وردنا شربنا صافي الجمه=عاداتنا راس نبع العز نلزمها اللي نخانا نجيله والعرب لمه=مايهمنا كثرهم وان زاد نعدمها والله انك مضيع وجهة اليمه=ماتدري الشرق وينه من معالمها اترك الثرثره واللكز والنمه=جنب الناس خله ماتقيمها البحر كم تجيه اشكال ماتغمه=ماتعكر صفاه ولا تشيمها ولو ردي البخت والجاه والذمه=عارفٍ قدر نفسه كان نحشمها

ردي البخت.. ..

	بعض الشوارب مايطول الكوايد=بين المجالس يزبعه طافي النار مامن صحيح ولا علوم ووكايد=مهبد حكي من يسمعه قال ثرثار حكيه كثير ولا كسبّه فوايد=تقول حاكم من تعز لين سنجار لو كان حاسب للردى والنقايد=ماعنّه الشيطان مع سبق الصرار وبعض الشوارب نال كل القلايد=المرجله والطيب مع حرمة الجار ياحل ذكره قيل نعم وسنايد=نعم الرجال اللي لهم صيت واذكار احدٍ على الطولات نال الشهايد=طيب وطيبه شاع في كل القطار الكل يعرف مرضي الناس كايد=والطير لو لا هالجناحين ماطار الناس يفرق سلمها والعوايد=والطيب يبقى لو بعد صار ماصار احدٍ ظهر وقت اللزم والشدايد=تبقى علومه للبشر كل الادوار رجلٍ على الهزلات يعطي وعايد=انا اشهد انه بالردى دوم ظفّار الوقت له تاريخ عز ومجايد=للفلسه ناسه وللشعر شعار وبعض الشوارب لو يطول الكوايد=ماجابلك من طولته شبة النار