الثري والناس

هذه القصيده لـ الشاعر / عبد العزيز البليهد اعجبتني ورديت عليها


قصيدة عبدالعزيز البليهد

لو يقول الشمس غابت للشمـال = قيـل جايـز كــان شايفـهـا ثــري
الحقيقـه تختـفـي تـحـت الخـيـال = الشيوخ ابخص ونا حظي بـري
وش يخلـي منقـع الصبخـا زلال = ويودع الجلمـود مطـواعٍٍ طـري
غيـر عـلـمٍ بالمـحـرم والـحـلال = مــع ظمـيـرٍ يعـلـم الله مـفـتـري
واســـع الـذمــه وطـمــاعٍٍ وذال = والذليل ليا اوجس النعمه جري
زينـة الدنيـا حـواهـا واسـتـزال = بالعـواقـب مــار كـنـه مـــادري
وش يرد الغيث والمنشى خيـال = غير ذنب المسلميـن الظاهـري*
مايواخذ مـن لبـس عقلـه هبـال = المـواخـذ كـاتــبٍ خـطــه قـــري
ولا يعاتـب بالمشاريـه الـزمـال = دام مانجنـيـه مـــن رده شـــري
دام عز بموت الاحباب الوصال = وش لـنـا بــه كلـهـا يـاخـاطـري

هذا ردي عليه بهذه القصيده

((الثري والناس))

اشهد إن بن بليهد يوم قـــــــال = قال شي ٍ صح و لسانه جـــــــــري
البشر تتبع كثيرين الحـــــــلال = والضعيف يموت محدً بـــــه دري
كان معك ريال تسوى لك ريال = ويافضـــــى مخبال قل المشتـــري
والضعيف صار مدحه مستحال = وإن تكلــــم فيه كلٍ يــــــــــزدري
والغني ياقال هرجه كالـــــزلال = وهرجة الطفران مرّه كالشـــــري
لو كثير المال من ظمن الحثــال = نسيو انه كان لص ومفتــــــــــري
اشهدوله بالكمال بكل حـــــــال = يوصلونه يم نجــــــم المشتـــــــري
بالمديح يصعّدونه للجبــــــــــال = قالو إنه بالمديح الاجـــــــــــــدري
نسيو انه كان مايسوا نعــــــــال = وجهلو ماضيه لو هو سرســــــري
وصار يضربه مثل بين الرجال = وصار مابين الرجال مقــــــــدّري
ولو يقول ان الهوا هز الجبــــال = قالو إنه صح مافيه هـــــــــــذري
والضعّيف لو تكلم بالعـــــــــدال = قالوا إنه كاذبٍ لو هـــو بــــــــري
قالوا إنه ماصدق في مايقـــــــال = من هزيل الهرج تر ماهو صــري
خابرينه مايصدّق في المقـــــــال = الفقيّر مايقــــــــــارن بالثــــــــري

الشاعر القدير / مشعل التريباني
صح لسانك ملايين يالغالي وبيض الله وجهك ابيات رائعة جداً جداً وفقك ربي ورعاك
وصح لسان الشاعر/عبد العزيز البليهد ابيات رائعة جداً
بيض الله وجيهكم إبداع رائع جداً.
تقبل أطيب تحياتي،،،

صح لسانك الشاعر القدير عبدالعزيز البليهد
على القصيده الرائعه والجزله حقاً ولاهي غريبه
عليه اعرفه شاعر غني عن التعريف بلا شك

وصح لسانك ياأبو عبدالرحمن على المجاراه
الرائعه والجزله وماهي غريبه عليك الجزاله
شاعر فحل ومتمكن كل التمكن حفظك الله


لك تحياتي

هلا اخوي ابو كادي شكرالك على المرور والاطرى الله لايهينك اخي الفاضل

الاخ الشاعر نهير نمش شكرالك على المرور والاطرى الله لايهينك اخوي الغالي على هذا التفاعل الغير مستغرب منك

صدق بن بليهد صح الله لساااانه

وأنت ياأبا عبدالرحمن رديت رد صادق وااافي والصبت الهدف صح الله لسااانك الى يوم الدين

لكم مني جزيل الشكر والتقدير والاحتراام

ايوالله صدق ابن بليهد

صح السنكم بايو عبدالرحمن

بيض الله وجهك يابعدي


ودي قبل ردي لك

صح السان الشاعر الكبير عبد العزيز البليهد

أبو عبدالرحمن

بيض الله وجهك على نقل القصيدة لنطلع عليها وأمتعتنا بردك الرائع
سلم بنانك وصح السانك مدد بلا عدد


تقديري لسمو شخصك الكريم ؛؛؛

عميد الشعراء مشعل بن عسام

صح السانك مليون بعد حيي


تقديري لك

اياحبيبي انت هالوجه بيض الله وجهك وصح السانك


اااااااااااااااااااالف