ديوان / الشاعر منصورالبخيتان

هذي الابيات موجهه للاخ العزيز والشيخ / عبدالعزيز بن نواف الوجعان

عبدالعزيز بن نواف الوجعان

	يامن يدلن قبل مادلي على الذيب = وقبل الثريا وشمسها ماتغيبي في نجد اعرف اشيوخ نجد المعازيب = الي لهم بالطيب كسب الرطيبي ياجاهل في عرفهم ماهم بغيب = اشيوخ للفايد ونعم العريبي مرجانهم يسبح بحر والبحر ذيب = اشيوخ نجد محصنين الاديبي شيوخ من الوجعان شيوخ معاطيب = كل على الثاني مخاوي لبيبي جيت المجالس عندهم وشفت انا الطيب = وشفت الكرم في مكرماته تطيبي نظراتهم للظيف قبل المعازيب = وشلون لو اني دخيل واديبي احرار عاشوا بمنهج العلم والطيب = وعبدالعزيز موجهه للطليبي خذابها راعي الوفاء والتجاريب = طيبه على طيب النشامى ينيبي رجل من اللي يكرمون المواجيب = ماهو قليل بحق ذيب عطيبي ميزت ذاك الشخص من بين اجانيب = وشلون لو ان الاجابه تجيبي نظراته اللي تودعك منصب الطيب = طيب وحرر طيب طيبك بطيبي ياخذ على المعنى دواهي وتجريب = ذيب عوى مثل الذيابه تنيبي من يجهلك مهما كسى وجهك الشيب = طبعك بساعه عن سنين تطيبي الخبره اللي فيك ماهي بترتيب = عزالله انه من جسدك العطيبي ذيب مع الجمهور ذيب بثر ذيب = جماعتك لو تنصى ماتغيبي لو القمر والشمس غابن عن الغيب = وشيوخ شمر كل ابوها تغيبي ماغابو الوجعان عن منهج الطيب = اخباركم من قبل اناسب نسيبي واليوم عمر اعيالي يناوش الشيب = اكبر دليل ماشهد له غريبي

الشاعر / منصور ظاهر البخيتان الشمري

اهداء هذي الابيات الى الاخ العزيز / محمد بن سوعان الربيع

ابوفهد

الى ابوفهد محمد بن سوعان الربيع

	يابوفهد قم واتصل بي وانا حي = قبل العمر ينهار بارض الجزيره يابوفهد مستقبلي كان في في = واليوم له فرعين كل يديره نضره اساسيه ونضرة بعد حي = عجزة احلل سالفه مستديره بالعسكريه من عقب حاتم الطي = الذل شفته عقب لبست حريره وانت افهم بواقع حياتي مع الضي = صبرن صبرته ماصبرته الجزيره الارض ماعادة لجمهورها شي = كل يجمهر بالحياة المغيره الصقر لوهو عايش مثل ماني = حلق وصولات السماء ماتديره

بقلم / الشاعر منصور ظاهر البخيتان

هذه الابيات اهدا للخ العزيز / مشعل بن عسام التريباني

عميد الشعراء ابوعبدالرحمن

عسى ان تنال اعجابه واعجاب الجميع واليكم الابيات

عميدنا الغالي ابوعبدالرحمن

	سلام مني ياصلك يابن عسام = من منطق المفهوم علم النشامى دام المدير مطيب الخاطر العام = ماعاد ينقصنا الحكي والسلامى نبي ندون ضحكنا بصمت ابهام = ونبي نسلم امرنا للغرامى ان كان ماعندك من المانع اشمام = اببتدي واللي بداها يلامى عليك مني لاتهاون ولاتضام = والحب مهما طال عمره غلامى ان قلت لك حبيت بنت من الشام = والحب الاقشر حازمن بالحزامى وان قلت لك ضيعت عمري بالاقسام = ماحدن يلوم القلب لو استدامى الحب شرق من الحساء لين ابن يام = وجانا من اجبال اليمنى واستقامى ابنشدك عن من تطوع ولاصام = وسوالفه كله هذاري صيامى واللي عشق من دون رويا ومقدام = منه يلقيه السهم بالسهامى ومنه لبس بالكون تدبير وحزام = واليا نشدنا عنه ماهو حزامى الحب مهما صاب الانسان ماقام = اصبح طريح فراش بارض المنامى ولاني محسب لليالي والايام = وكل يحسب الفايته والمقامى ويش فايدة كتب القوافي والاقلام = مادام معميها البصر والهيامى اقولها بشجاعة مثل صدام = ماني مثل حسني يقوم وينامى

الشاعر / منصور ظاهر البخيتان

اهدا هذي الابيات الى العقيد الركن

الاخ العزيز / مذود بن مذود اللغيصم

الاخ العزيز / مذود بن مذود اللغيصم

	جبت القلم والشعر بدع قوافيه = على ماظن احساس عيني يراها راعي الوفاء باخلاص ماحد يجاريه = سر ياقلم واكتب حروف براها من مهجة بالقلب تسمع بطاريه = حتى الضروف القاسيه ماقراها مذود بن مذود تعرب معانيه = مايلحقه بالشك نسبة رضاها صقر وبالهقوات مبعد هقاويه = مالاحقن فيه أي شك وراها ياما توسط لاكبر الناس بيديه = وانا جليس عند منه خذاها وقالوا ثمانين الف نعم تكفيه = وحاول توسط بالقصيد ان قراها يستاهله مذوذ بفعله وماضيه = قلت ابن عمي وفزعته وش وراها قالوا ترانا من الطواله ونغليه = قلت ابن عمي واسطه في كراها مذود مع اخوانه امارات تكفيه = الشيخه اللي له موده سقاها مذود بن للغيصم ابوهم نبديه = ونعطيه حق الطيب بطيبة ثراها عزالله انه جاب الاولاد بيديه = الكل منهم طيبته مانساها الكل منهم عن ثمانين ماخطيه = جاهات بالعسرات كل راها فزعاتهم كل ذكرها بمعانيه = بالقول والابيات ماحدن خفاها الشاعر بشعره يضيع قوافيه = عند الرجال اللي مزاجه مداها

الشاعر / منصور ظاهر البخيتان

اهدا هذي الابيات الى الاخ العزيز / العقيد الركن

مـنيـف عـبـدالـله اللـغيـصـم

الاخ العزيز / منيف عبدالله الغيصم

	هات القلم ياهيه وهات السجلات = وانا علي معنى القصايد ابديه بكتب حروف والمعاني بالابيات = لبوفهد يسلم وكل يبديه بالطيب لك يامنيف صوله وجولات = منيف عبدالله له الطيب يكفيه لك ياعريب الساس مني تحيات = من تشرق الشمس لمغيبه تحييه عقيد قوم بالسنين الصعيبات = وعقيد ركن اليوم كل يحييه خذيتها يامنيف مابه مراوات = ابن اللغيصم الف نعم يوفيه يابوفهد لاشك فيك الف نخوات = والمنتخي يلقاء مجالن يكفيه يامسندي ماني بصاحب روايات = انا اشهد ان العلم فيكم علم فيه يالغيصمي ياذرب الايمان هي هات = انت الوفي يامنيف والقاف يكفيه كل المعاني يابيض الوجه لك شات = وشاشات تلفاز على الرقم تاتيه

عبدتبي ياصاحبي سبعة اصنام

	عبدتبي ياصاحبي سبعة اصنام = والسابع اللي قمت اعبده واصليه خليتني لمسفه الخلق ضرغام = وخليتني فنجال للي مخليه ديني في هالدنيا تره دين الاسلام = مهما يطول الوقت خلي بخليه مابيع مهجة دنيتي لجل الاحلام = واللي يبايع ملتي لازم اغليه للحب عندي مهرجانات وايام = وللود عندي لريش العين كافيه الحب عربه السنافي بالاحكام = من دون ليلى قيس حكم معانيه واللي ذبحه الحب ماظنتي دام = هذاك بن حران والناس تطريه

----------- منصور البخيتان --------------

المرثيه السابعه للاخ المرحوم ناصر ظاهر البخيتان ( ابوهزاع )

المرثيه السابعه للاخ المرحوم ناصر البخيتان

	ياخوي ماتدري بحالي وانا اخوك = بيني وبينك منوتي والعلاقه انت بحياة وحالتي بالف ماكوك = بيني وبينك يشهدالله اشراقه ليته تغيب وتشرق الشمس بتبوك = وتشرق علينا في زمان الرواقه حيث انها عندي تساوة وانا اخوك = وفرقاك عندي تل قلبي فراقه من دون شوفك يابوهزاع مدكوك = ونفسي مع الاجيال زاد احتراقه ياخوي هذي منوتي وانت مبروك = وعقبك ترى شانت علي العلاقه مادام هذي حالتي مابه شكوك = راح الخليج وراح حتى عراقه ياما دعيت ودعوتي دوم بالبوك = ياسف عليها اللي قراها وفاقه ماني بناسي حضرتك لو تناسوك = اخو وعزيز وبين ربع ورفاقه

اخوك : منصور ظاهر البخيتان

هذي الابيات مهداه للاخ العزيز النقيب / خالد بن خضير الرشيدي

النقيب/ خالد بن خضير الرشيدي

	ان كان تنشد يالسنافي عن الذيب = الذيب وافي والخصايل كثيره راعي الوفاء موجبه بالمواجيب = خالد ولا غيره من الناس غيره ياما نخوه الناس بكل المطاليب = وافي ونعم الجار في كل ديره عزالله انه مايقصر ولايغيب = عزوة بشر ماهو بعزوة عشيره ماشيدته حروفنا بالمكاتيب = مشيدن نفسه بكل الجزيره ابوجهاد معربه دون تعريب = نعم الخوي في كل دوله وديره هذا بني عبس وبني عبس مايغيب = عنتر بن شداد رايد مسيره ياللي تنشد ماتعرف المناجيب = المنجب الله والوفاء بكل جيره

الشاعر / منصور ظاهر الشمري

هذي الابيات موجهه للاخ العزيز / النقيب / خالد بن خضير الرشيدي
في مشاركته الثانيه في حرب الجنوب والحمدلله على السلامه واليكم الابيات

خالد بن خضير الرشيدي

	يالله يامحيي العظام الرميمه = ابطلبك يالله من بين الاقواس تقبل دعاي ودعوتي المستديمه = على الذي له مجهرن بين قرطاس شارك بحربن بين غيمه وديمه = من طيب طيبه مايقصر مع الناس له مرجله ضد الحكي والنميمه = من يذكره يذكر ابودباس لدباس مراجله له الف معنى وقيمه = حي الرجال اللي تربت على ساس مجدك ياخالد بالقلوب وصميمه = شاركة بالحربين مع رفعت الراس ومثلتنا بحرب الجنوب السقيمه = خليتنا مضرب مثل كله احساس وانا عليك ارسلة بيوتن حميمه = واقبل عذر منصور في كل الارماس

الاخ العزيز النقيب / فيصل بن سليمان الدغيم

فيصل بن سليمان الدغيم

	حيالله اللي لطف الجو تلطيف = من عقب ماهو معكر بالعجاجي حيالله اللي شرف اليوم تشريف = عن الغلط والله بعيدن مزاجي يامرحبا بالضيف ومقلط الضيف = افداك انا في صدمتي وارتجاجي من يوم جانا العلم ومبهر كيف = كيف النشامى شاربين المزاجي من عهد كنات الشتاء لكنة الصيف = وحنا نجاهد في مقص وتاجي عليك مني كل يوم مراديف = ابيات شعر يرفعن الحجاجي يافيصل انت اللي وصفته بتوصيف = ماهو انا اللي موصفه باندماجي عزالله انك عالي فوق ومنيف = ومن طيب طيبك قمت اضيع حراجي لاتلومني ابوصف الحال توصيف = من عقب ماني مستقر صرت لاجي يابعد ليلي عن ليالي المواليف = اسمع بهم والبعد عقد حجاجي يشهد على قولي ملفي بالارشيف = لين استوت واصبح صعيب علاجي

الشاعر / منصور ظاهر الشمري