طي

عسى المطر يسقي شوامخ جبل طي= يضفي على روس الجبال المنيفات
دارٍ به الإكرام لعرضه تلاطي= على الجبل يضفي جميع الممرات
مداتهم من المال ماهو ورق طي= طبع لهم بعسر السنين القديمات
عاشوا بجبل طيٍ وماتوا بجبل طي= ولاذم خلق الله بحور ومحيطات
لهم كفوف بغالي المال تسطي= له سطوتٍ تنفد رصيد الريالات
غزل الكرم بيته من الجود منطي= نطوه ناس ينطحون المهمات
وحاتم عطاء من قبل الإسلام يعطي= قبل نزول الفاتحة والتحيات
الفايز الأول ماهو خرط خرطي= يقال راع الأوله فاز بالذات
مايقارن اللي بالعطاء قبل مبطي= له شهرتٍ ضفت بعيد المسافات
أيه واللي من زايد المال يعطي= لا تقارنه من سابع المستحيلات
من زاعمه بالمد يتعب ويبطي= مهما عطاء مع مد حاتم هلالات
لكن البشر صحايفه تنطوي طي= وتاريخهم يبقى رصيد السجلات
تسمح لبعض الناس ياصار مخطي= وبعض البشر خطاه يبقى ولو فات
وبعض البشر يركب على الخيل ملطي= عليه محسوب الخطاء عشر مرات
مهما تكلم في كرم حاتم الطي= وذمه لشبل قبل الإسلام به مات
ماهو حكم قاضي ولا نظم شرطي= مثل الذي على الصخر يزعج أصوات
طيارته في مدرج الأرض توطي= مهما أرتفع ماله وقود ومطارات
تأقف وتجثم فوق سود الجنوطي= ولاله موظف خدمةٍ ولا محطات
ولاهو الممثل الأبته يوم يخطي= أخطاء ومن ربعه يجودون ميئات
يامن قريت النص وفهمت خطي= الذنب له توبه ولناس عفوات
تر الخطاء يغفر والأجواد تعطي= أفهم مقاصيدي وخل النعارات
قبل من الجهال يقال يا ---= شوري تراجع وأقصر الرجل خطوات
يطوى الملف وفيه الورق ينطوي طي = وتموت هفوات البشر والخرافات

الشاعر بهلول الزميلي
صح السانك
تقبل مروري

اقتباس المشاركة الأصلية كتبت بواسطة الغرريب الشاعر بهلول الزميلي صح السانك تقبل مروري

أخوي / الغرريب صح بدنك وشكراٍ لمرورك دمت ,,,

الشاعر بهلول الزميلي
صح السانك
تحياتي لك

اقتباس المشاركة الأصلية كتبت بواسطة الشيخ منحاش الشاعر بهلول الزميلي صح السانك تحياتي لك

أخوي / الشيخ منحاش صح بدنك وشكراٍ لمرورك دمت بخير,,

صح بوح منطوقك ولسانك

اقتباس المشاركة الأصلية كتبت بواسطة سراب الكحيلة صح بوح منطوقك ولسانك

أختي / سراب الكحيله صح بدنك وشكراٍ لمرورك دمتي بخير,,,

شاعرنا الكبير مقاماً القدير بهلول الزميلي
ابو نواف
صح السانك مدد بلا عدد
.. .. . .
خالص التحايا لسمو شخصك النبيل
??¯?ـ?ابو غازي?ـ?¯??

اقتباس المشاركة الأصلية كتبت بواسطة المشرف العام شاعرنا الكبير مقاماً القدير بهلول الزميلي ابو نواف صح السانك مدد بلا عدد .. .. . . خالص التحايا لسمو شخصك النبيل ??¯?ـ?ابو غازي?ـ?¯??

أخوي / المشرف العام ( أبو غازي سلمه الله ) صح بدنك وشكراٍ لمرورك وردودك اللي هو أساساً الدافع لنا بالتواجد بهذا المنتدى 0 حفظك الله ودمت بخير,,,

عمي بهلول صح لسانك ياحيي