قصيدة(مع السلامه ياعيال الطنايا)والشمريه المجهولة

في عام 1999م / عندما هاجروا شمر الى دولة الامارات العربية المتحدة
نشرت أول قصيدة لي في صغري وهي ( مع السلامة يعيال الطنايا ) اتوجد على عزوتي الطنايا
وكان العراق في وضع حصار ولاتوجد اي وسيله اعلامية تربطنا مع باقي الدول
فقسم من ابناْ عمومتنا قاموا بنقل القصيدة وحملوها معهم
وكان عبورهم من البصرة عبر بواخر شط العرب
ومن بعدها سافرت الى عمان ونشرت في مجلات البادية الاردنية
وكذلك قام بنشرها الاخ المرحوم
الشيخ شعلان منيف الفيصل الجربا
وارسالها الى شمر الامارات عبر الفاكس ,,
وكان لقبي الشمريه وقسم من عزوتي نزلوها بأسمي الصريح وبعدها
لقبوني بالشاعرة الشمريه المجهوله ,,
وهذا هو سبب تسميتي بالشمريه المجهوله

مع السلامه يعيال الطنايا=يلي على ديار البعيدة تشيلون
قفو ضنى الجربان نسل الشفايا=وشمر هل الطولات معهم يروحون
اقفو ابعاد الصيت رجال المنايا=للبصرة الفيحأ وشطه يعبرون
ليه تتركون الاهل من اجل غايا=والبعد قطاع المنافيع تدرون
ومن بعدكم ادموع عيني سقايا=واغدي يلين الوقت وبعده تحنون
وتمت خليه الدار بليا وصايا=صارت بخت منهم عليها يدورون
وتبكي الجزيرة تقول شالو ضنايا=عافوني البدوان ولاضني ياتون
اعطوني بأرخص سعر بليا رضايا=اول شروني بدم وصارو يبيعون
ولأاغبرت دنياي شمر ذرايا=شمر مع الشدات ليا يجيفون
غلبأ ليوث الارض اهل العطايا=بالروح عن دار المعزه تجودون
وشمر على العدوان سيوفه حنايا=اللي به الهامات عن المتن يرمون
وشمر زها دنياي وشمر رجايا=يانخوتي بالضيق دايم تحضرون
وظلت خليه ابلاد وكل القرايا=بيت(ن) بثر بيت(ن) عنه يشيلون
قامت تباكا عجزنا والصبايا=ع اللي رحلو ياهيه ولاضن يعودون
ومصادفين الخير من دون سايا=بجاه الذي له الخلايق يصلون
لابو ظبي و دبي ربعي سعايا=اطلب لهم توفيق من راعي الكون

وســـــــــــــــــــــــلامتكم
بقلم الشمــريه المجهــوله
اول قصيدة نشرتها لي عند رحيل شمر الرافدين
الى الامارات العربية

ــــــــــــــــــــــــــــــــــــــــــــــــــ

وهذا رد لـلأخ الـشـاعـر فــــواز مـجـبــل الـزوبـعــي
على قصيدة مع السلامه يعيال الطنايا

يحيي حاميلين الوصايا=هلابهم وسلامنا للي يوصون
وجيب القلم وكتاب واكتب ورايا=سلام للي يالقصيده يحضروون
وارسل لابو محمد كثير التحايا=اكلش اليا من قال افرح ترى تهون
( خطر ) شكت لفراق جمع الطنايا=وترك الجزيره وناسها الي يروحون
لايا(شمريه) تبقى الجزيره طنايا=وان راح بعضه بعضة الاخر يسدون
لا(ياشمريه) ياما وردنا المنايا=وشلون يعطونه وبالدم يشروون
حنا تعودنا نكون الضحايا=في كل دار مالنا شي مضمون
الوقت شتتنا بكل الزوايا=ناس بشمال الشام وناس بها دون
صرنا بوسط ديارنا كالسبايا=من بعد ماكنا لفا للي ضيعون
وقبلك (ياشمريه.) ياما فقدنا غلايا=وكل يوم ندعي ربنا بس يردون
شدو ركايبهم وركبو المطايا=ونوو ديار لاقبلوله يهلوون
ملو من القعده وملو رجايا=ملو وفا ملو جفا ملو ذعون
ياما عطو هالدار جزل العطايا=وشو لقو ياكود نكران وطعون
قلته وانا شايل هموم معايا=همي وهم غيري وانا همي بدون
حنا البدون الصمت فينا مزايا=نموت جوع ونقول بكرى يحنون
يادار والله هالصبر له نهايا=والجوع يقلب صايب الراي مجنون
وياما عشانك ناس راحو ضحايا=واليوم بوريقه علينا تمنون
مدري اجاري شكاك وانسى شكايا=والا اشتكي هم على القلب مغبون
قلته وهمي ساكنن بالحنايا=ونسيت وصاة الي لفونا يوصون
وارجو السموحه كان فيها خطايا=وراغ الجواب واختلط رد بشجون

وســلامتكم وصح لسان الأخ مجبل الزوبعي

وهذا رد للشاعر القدير
الشيخ محمد الفرحان الجربا

الله يلي عالم ٍ بالخفايا=يامن خلقت الكون بالكاف والنون
البارحه سهران عيوني شقايا=وتيار صبري بالهواجيس مشحون
النار في قلبي جمره قضايا=كن الحشا بمصقل الهند مطعون
ع الشمريه يوم تبكي الطنايا=وعلى الجزيره يوم عنه يشيلون
قولك ترى يابنت عكر سمايا=وهيض شعور ٍ داخل القلب مكنون
هلا هلابك عد رمل البرايا=واعداد ماناس ٍ على الارض يمشون
لاتذرفين الدمع منتن سبايا=حنا ذراكن والذي خالق الكون
لعيونكن يردون حياض المنايا=ولو المدافع دونهم مايهابون
وتكتب لك الشعار كله معايا=امجاد وحميه عند قولك يحيون
كفي دموعك لايصيرن سقايا=شمرغزو يابنت راحوا يفودون
وشمر على العدوان تمطر شظايا=وشمر جبال ٍ بالعصيبات يرسون
حريبنا نسقيه مر السقايا=الشمري يابنت بحساب مليون
قوم ٍ بثر قوم ٍ راحت عرايا=من ضرب شمر يوم عليه يتناخون
ويشهد لنا التاريخ ماهي حكايا=كل الخلايق من لقانا يعرفون
وشمر شبيه سهيل ماهم خفايا=اسم ٍ لمع مندور طه وهارون
وتطمني لأ .. مانعوف القرايا=ولانتركه للي عليها يدورون
وعلى الجزيره مانقبل وصايا=ام ٍ لـشمر عنها مايتبرون
وديارنا يابنت ماهي هبايا=عنده رجال ٍ ع الموت يمشون
مفدامنا زيزوم نسل الشفايا=محسن صليب الرآي للضد طاعون
الذيب الأحمر مايهاب المنايا=موج البحر لاهاج عنه يزولون
الله عسايحميه من كل سايا=بجاه الذي له الخلايق يصلون

وســـلامتكم وصح لسان الأخ
الشيخ محمد الفرحان الجربا

ـــــــــــــــــــــــــــــــــــــــــــــــــ

وهذا رد الشاعر فهيد الشنو الشمري
على قصيدة مع السلامه يعيال الطنايا

القلب هاض وهاض شعري معايا=وانا الذي في بدع الاشعار مفتون
يوم القلم والقاف يسمع ندايا=لي عادتن اكتب من الشعر موزون
يابنت ماراحوا عيال الطنايا=غيباتهم مثل البدر مايغيبون
راحوا يبون الفود مابه خطايا=لدرب المعيشه يوم راحوا يعبرون
راحوا على بيض النقا موردايا=وان كان ماقسمها ربي يعودون
هذا زمان ٍ فيه كثر البلايا=الذيب الأحمر فيه يابنت مسجون
شمرهل الطولات واهل العطايا=شمرهل الردات لاصاربه كون
كم خفرتن تصرخ وتنعي نعايا=على حليله بيدهم راح مطعون
ونفوسهم يابنت ماهي دنايا=كل القبايل عارف وعنه يدرون
وانتي اصيله من رجال ٍ قوايا=لاعدوا الطيبين لازم تعدون
بنت الأصيل اللي علومه نقايا=بوسط المجالس دايم ٍ له يطرون
الله يوفق ربعنا بالسعايا=بجاه الذي له الناس يدعون
وصلاة ربي عد وابل سمايا=على النبي واعداد ماغرد لحون

هذه الرساله من الشاعر القدير
علي الضيف ابو وصايف
رداً على قصيدة الآديبة الشاعرة / الشمريـة
علماً بأن القصيدة قديمة قمت بإرسالها إلى الأخت الشمرية
ولا أعلم هل هي وصلتها أم لا وعندما وجدت قصيدتك والردود الموجودة
عليها احببت أن أضيف هذا الرد لها وهناك رد للشاعر عباس الربع
على نفس القصيدة ساقول بالبحث عنه ، وإذا وجدت القصيده سأقوم بإرسالها .
مع خالص إحترامي وتقديري لشخصك الكريم

خطـ(ن) لفانا من خطر...بالقرايا=تشكي وتبكي لابته يوم يمشون
تنخى تصيح اليوم محد(ن) معايا=وتجاهلت شجعان بالدار يرسون
تقول تبكي عجزنا والصبايا=ماكن بالديرة سوى اللي يغيبون
وياراكب(ن) من فوق زين الحلايا=جيب جديد مجهزينه على الهون
عليه قرم ينتخي بالطنايا=من لابتي لطامت الضد بالكون
يمشي الغروب ولا التفت بالمرايا=هيمان في حب القرايا ومجنون
عاف ...؟... وأمرها والدعايا=قرر وعزم دون ربعي فلا أكون
وياخذ كتابي في يمين العطايا=بأم الكرم يوصل كتابي وممنون
ويعطيه لإقرب واحد(ن) بالقرايا=ورداً على ردي لزوم يردون
ترى الإديبة مخطية بالرمايا=الدار فيها رجالها مايروحون
فيها الشيوخ أهل الكرم والعطايا=وعيال شمر لرضهم مايبيعون
بادم خذينا دارنا مي هدايا=وكم فارس من شأنها صار مدفون
شمر خذوها يوم دور الحنايا=وعيالهم درع(ن) لها مايهابون
هذي جزيرتنا نجيها سرايا=عند اللزوم ونضهد الضد بطعون
واللي مشوا يبغون زود المزايا=غزو(ن) يجيبون الفوايد ويأتون
شجعان ماينسون دار البدايا=بدبي هوسات الجزيرة يعرضون
وأرجو السموحة وأختمه بالتحايا=للي مشوا واللي بقوبه يحامون
وصلاة ربي عد نجم بسمايا=على النبي إعداد خلق يصلون

صح لسان شاعرنا القدير
علي الضيف ابو وصايف

ــــــــــــــــــــــــــــــــــــــــــــــــــ


وهذا رد للأخ الشاعر
عباس نواف الربع الشمري

ثارت براكين الهواجي ملايا=بالشعر وشعور الاحاسيس يملون
ونة (خطر) خلت جروحي دمايا=يالله تعينه يالوالي خالق الكون
تفرج لمن ضاقت عليه الخلايا=عقب الوناسة والفرح صار محزون
يبكي على ربعه ولابه زرايا=وقبله من الفرقا المشاهير يبكون
يابنت لايهضمك فراق الغلايا=مادامهم حيين لابد يأ تون
وطول الدهر ما يقلب الدم مايا=والبعد ما يقطع وصل من يريدون
يابنت شمر يا ..؟.. لك فدايا=الروح مع مانمتلك لك يهونون
شمر هلك مثل السيف اللضايا=ياسعدمنهم باللقا له يعينون
ياثارت الهيجا وحل البلايا=للرحمة اللي تنذكر مايعرفون
فوق الرمك يردون حوض المنايا=وراس المعادي ينتزع تقل كرتون
لولا الزهد ماسميو بالطنايا=ميقبلون العيشة اللي بها هون
أفعالهم ماتنجمع بالحصايا=وشعاد لو بالكتب قاموا يعدون
يابنت حنا لك اسناد وذرايا=كنك بعيطا لاتقولين باعون
شمر بلا تخصيص اهل الحمايا=بفعالهم يابنت عمى فخورون
من حد سنجار الجزيرة وجايا=لرفحاء وحايل والحفر حدها دون
وكل القبايل بها خيار وسمايا=والكل منهم دون حقه يعيون
وارجو السموحة عن قصور وخطايا=اذا حصل بالقاف مني تعذرون
وصلوا على المختار سيد البرايا=شفييعنا في ساعة مابها عون

وسـلامتكم
صح لسان شاعرنا القدير
الأخ عباس نواف الربع الشمري

منقوووووول

تسلم اياديك بنت السلاطين



وصح السان الشاعرة المجهولة وصح السن الشعراء منهم قاموا بالرد عليها




تقبلي مروري

سلم بنانك بنت السلاطين

وصح السان الشاعرة والشعار اللي جاروها قصائد لها طعم غير صراحه


تقديري لك

أطلت الوقوف هنآ

لآستطيع إلآ آلتمجيد لـ هذآ آلنص آلفآخر

تزين بــ مصدآقية دموع آلشمآليه وألم آلفرآق

لآمسنآ آلتشبع آلشعري من ردود الشعرآء حد الإكتفآء

وإلتبآس آلروعه وآلجمآل في وقت وآحد

بنت آلسلآطين برب السمآء إنتِ رآئعه

شكراً وأكثر ...

قصدية حنان وشوق لأهل وأحباب فقدتهم هذه الشاعرة

صح السانه
وسلم بنان ناقلتها وجمل الله حالها

شكراً لك اختي العزيزه الأصيله الكريمه
بنت السلاطين

نقل واختيار وذوق لله درك يالأجوديه
تسلمين الله يعطيك العافيه ولاهنتي


صح لسان اختي القديره الشاعره
الشمريه المجهوله(شاعرة الطنايا)

اعرفها وسبق وان قرأة هذه الدرر بأحد المواقع
صحـت السنتهم جميع اجــادو بالشعر والشعـور

تحياتي وتقديري

اللهم صل وسلم على محمد
صحـت السنتهم جميع
وتسلمين فاضلتي
بوركتِ

بيض الله وجهك بنت السلاطين

اقتباس المشاركة الأصلية كتبت بواسطة أخو صرخه تسلم اياديك بنت السلاطين وصح السان الشاعرة المجهولة وصح السن الشعراء منهم قاموا بالرد عليها تقبلي مروري

الله يسلمك ويعافيك وصح كلك طال عمرك



على مرورك

ودمت بخير

اقتباس المشاركة الأصلية كتبت بواسطة نواش سلم بنانك بنت السلاطين وصح السان الشاعرة والشعار اللي جاروها قصائد لها طعم غير صراحه تقديري لك

تسلم طال عمرك

وصح كلك عن الشعار



على المرورالطيب

دمت بخير