وش رايكم ياهل الوجيه المطاليق ..!

بسم الله الرحمن الرحيم


وش رايكم ياهل الوجيه المطاليق... ناخذ لنا في اول الوقت زرقه

نبي نعلق في العروق المعاليق...ونشب نار ونعطي الجو حقه


هذه القصيده موجهه للجميع عشان نكشت في هالجو الحلو



الأولة صورة صميل معلّق **** اللي ملوه اهل الغنم حليب
والثانية صورة قعودن والد **** من شوفتة قلب العنا يطيب
والثالثة صورة شبوب ودلة **** والطير كنة فوق وكرة ذيب
والرابعة دلة ونا ومقدع **** العصر قبل شمسنا تغيب
والخامسة جيبن يشابه جيبي **** والجلسة اللي ما بها طليب
والسادسة عيش وفقع يازينة **** يحبة اللي كل راسة شيب
والسابعة يوم استوت حمستها **** قم واشرب الفنجال يا شريب
والثامنة كبسة لحم محبوكة **** لاشافها الجيعان صابة ريب
والتاسعة والعزبة المكتملة **** والكامل اللي عالمن بالغيب
والعاشرة شوف الذبيحة تنقط **** دمانها رمز الكرم والطيب
والا الاخيرة شوف سيلن يجري **** حوَل على الغدران بالشعيب