حقوقنا بالوظايف

اهداء الى كل خريجة عانت من اتعاب الحياة ماعانيته

يالخدمة وينك عننا بالوظايف = صار الوعد واضح مثل كذبة ابريل
اعمارنا راحت بجهد وكلايف = مثل الذي يبني على جاري السيل
هذي ثلاث سنين والقلب عايف = والرابعة زادت قهرنا بهاذيل
حقوقنا نامت بحضن الحسايف = ترضع غثاء دنياه جيلاً بعد جيل
ضعف العدل واهمال شرع النصايف = في وقتنا يشرب ببيض الفناجيل
وين الذي زعزع سكون الطوايف = اللي يبينا نسوق ونحط ونشيل
وين الذي باح اختلاط الولايف = وين الذي ساوى البنات برجاجيل
وين الذي قصده يحرر عطايف = بالمرجله والعولمه والتحاليل
وينه عن التعيين ماقال شايف = هم البنات اللي تعب منه الحيل
سوالف التعيين صارت طرايف = تبكي لضحكتها عقول المهابيل
الواسطه تلمع لميع الرهايف = والختم جاهز والمطابق تساهيل
والظلم عاج المعتدل بالنحايف = والله توعد كل محتالة الكيل
اما افرضوا حقوقنا بالوظايف = ولاّ على اول طايره للبرازيل
مدام مابالحق مخلص ورايف = وشلون نرضى ذلنا يالغرابيل

بوح راقِّ
من مبدعة
صدقتي ودمتي باجمل حال
ويا ليت من منصت او مطلع او مهتم
دمتي بخير
والله يفرجها بنت العم

صح لسانك ملايين ونسأل الله لك وللجميع التوفيق
ابيات جميلة جداً وفقك ربي ورعاك وأسعدك الله بكل خير يارب.
تحياتي لكِ،،،

شاعرتنا قمرا سماه


ابداع بلا حدود

صح لسانكِ وعلا شانكِ


اغلب الوعود هالايام يطغى على طابع كذبة ابريل الله يخارجنا

مثل كذبة ابريل ماهي جديده..... ناس تضحك وناس دموعه تهله

اقتباس المشاركة الأصلية كتبت بواسطة قمرا سماه اهداء الى كل خريجة عانت من اتعاب الحياة ماعانيته يالخدمة وينك عننا بالوظايف = صار الوعد واضح مثل كذبة ابريل اعمارنا راحت بجهد وكلايف = مثل الذي يبني على جاري السيل هذي ثلاث سنين والقلب عايف = والرابعة زادت قهرنا بهاذيل حقوقنا نامت بحضن الحسايف = ترضع غثاء دنياه جيلاً بعد جيل ضعف العدل واهمال شرع النصايف = في وقتنا يشرب ببيض الفناجيل وين الذي زعزع سكون الطوايف = اللي يبينا نسوق ونحط ونشيل وين الذي باح اختلاط الولايف = وين الذي ساوى البنات برجاجيل وين الذي قصده يحرر عطايف = بالمرجله والعولمه والتحاليل وينه عن التعيين ماقال شايف = هم البنات اللي تعب منه الحيل سوالف التعيين صارت طرايف = تبكي لضحكتها عقول المهابيل الواسطه تلمع لميع الرهايف = والختم جاهز والمطابق تساهيل والظلم عاج المعتدل بالنحايف = والله توعد كل محتالة الكيل اما افرضوا حقوقنا بالوظايف = ولاّ على اول طايره للبرازيل مدام مابالحق مخلص ورايف = وشلون نرضى ذلنا يالغرابيل

صح لسانك مليارات ياقمر سماه
اختي انتي رائعه ورائعه جدا ياقمرسماه
والله لقد ابدعتي وامتعتي ايها الشاعره
الرائعه نعم هذا الصحيح وين اللي يدعون
ان المراه حقوقها مهضومه هل شافوهضم
حقوقهن بالتبرج والسفور والاختلاط وسياقة السياراه
ونسيو حقوقها بالتوظيف يالها من عقول اقل مايقال عنها
انها عقول بهايم لاتعرف مايضر ولا ينفع لله درك ياختي
على هذه المسائله الذي الجمتي بها افوه هاولاالفاسدين

الله ايعينكن والله يسلط على كل متخاذل عن مسؤلياته الموكله له من ولاة الامر
صح السانك قمرا سماه

لله درك وربي شي يقهر امس وحده تشتكي تقول لي 15سنه متخرجه!!! واذا قررو يوظفون يختارون

ويتنقون كله واسطات ومحسوبيات وانظمه فاااااااسده الله المستعان

لكن ليش البرازيل اكيد تبون تحترفون فعلا اهل الكوره هم اللي لاقينه

الله ييسر اموركم ويوفقكم ويغنيكم من واسع فضله

صح لسانك ولاهنتي

صوره / لوزارة الخدمه ووزارة العمل

ياهلا ياقمرا الشعر

صوتك مدوي لكن هل يسمع عذا الصوت !

لاحياة لمن تنادي وهذا هو الحال من تحت إلى تحت ولن يرتقي للأعلى

صح قلبك والله يوفقك لكل خير ويرزقك من خير ماعنده

دمتي بحفظ الله

صح لسانك
كل الشكر

صوت مدوي لمواطنه مقهوره ابسط حقوقها على الدوله ؟؟؟ مهضومه مع الاسف الشديد ... ولاحياة لمن تنادي
شاعرتنا القدير قمرا سمااه
صح السانك الف ..


خالص التحايا لسمو شخصك النبيل