ياخليف ماصابك جرالي قبل عام

هذه الأبيات قلتها بالاخ العزيز :خليف نهار الحسيني الشمري حفظه الله امين بعد وفات ابنه رحمة الله عليه؟
الذي جاه يومه المحتوم في أخر اياام شهر رمضان المبارك عام 1431هـ انصحه فيها بالصبر واذكره؟
فيها ان سبق وان حصلي نفس هذا الموقف وهذا شي لا محال عنه

البارحة يـوم الـمـخـالـيـق نـيـام = أقـالـب الجنبين عدي عـلى نـار
ليلي سرى مابين هاجوس وأحلام = كلن رقد وانا على الكوع سهار
فواز عطنا البوك مع زين الاقلام = اكتب وانا ابعطيك من صدري اشعار
مثـلي ومثل خليف ماظن يـنـلام = مـحـدن يـلـومه لو فـقـد عقله امرار
ياخليف ماصابك جرالي قبل عام = نفس الشهر ماصار عندك معي صار
اكبر عيالي راح يانسل الإكرام = جـاه الـقدر من ربنا وقـت الأسحار
فوق النعش شلناه والناس صيام = وانـته تـخبره واكـثر الربع حضار
دنياك هذا طبعها كــل الايـــام = يومن تزين ويوم تسقيك الامـرار
دنياك مدامت إلقاده وحـكـام = كلن ذكر ياخـليف قصاف الاعمار
ماجنبت ياخليف عن عود واغلام= لاشك خلك يا ابيض الوجه صبار
اصبر واقر سورة تبارك والانعام= واطلب لهم ياخليف علام الاسرار
انه يــثبتهم عـلى دين الاســلام = ويجعل منازلــهم بســاتين ونهــار
تمت وصلو عـد مايلبس إحرام =وما طب مكه من حــجيجن وزوار
على النبي الهاشمي خير الانام = شـفيع الامـة سـاعـتن مابه اعـذار
اشرف نبي يمشي على القاع بأقدام =عند الولي فضّل عـلى كل الابشار

عوض مخلف الحسيني الشمري

الشاعر الأخ الكبير/عوض مخلف الحسيني

صح لسانك ياأبو عيد والله يخلف عليكم انت وخليف
في عيد وفارس واسأله ان يصلح لكم الموجدين ويجعل فيهم بركه
والله ماهي باليدين لاكن مانقول الا لله ماأخذ وماأعطى وهو ارحم الراحمين

شكراً ايها الشاعر الرمز وشاعر الهيافا الأول بلا قصور بشعراء الهيافا

تقبل تحياتي واحترامي

صح الله اللسانك يابو عيد والله يجزاك خير

والله يخلف على الجميع هذي سنة الحياة

وانا لله وانا اليه راجعون

الله يجعله اخر الاحزان

ولك تقديري وحترامي

صح لسانك

وجزاك لله خير

(وبشر الصابرين)

وأنتم صابرين أن شاء الله

شاعرنا الكبير القدير عوض مخلف الحسيني الشمري

أبو عيد

صح السانك والله يجزاك كل خير ويعظم اجركم

والله يخلف عليكم جميعاً وهذي هي سنة الحياة


والله يجعله أخر ألاحزان

تقديري لسمو شخصك الكريم ؛؛؛

ياهلا وياغلا بابو عيد

وعظم الله اجركم انت وابو سامي،،بـ عيد وفارس

ابيات مليئة بالايمان والحث على الصبر

الحمد لله انكم مؤمنين بقضاء الله وقدره

فلله ما اعطى وما اخذ والله يثبتهم عند السؤال ويلهمكم الصبر

الاخ الشاعر عوض المخلف

عظم الله اجركم كلكم والله يربط على اقلوبكم بالصبر والسلوان

صح السانك

تقديري لك

اشكر جميع من مر على هذه القصيده
ولي الشرف بمروركم جميعا
وجزااكم الله عنا الف خير
تقبلو خالص التحايا والتقدير

عمي عوض

خلف الله عليكم وعظم الله اجركم

وصح السانك 1000

صح لسانك ياخوي عوض والله يرحم الميت ويبقي الحي ويخلف عليك وعلى الاخ خليف وهذه حال الدنيا ماتخلي احد شكرالك اخوي ابو عيد على هذا النصح بيض الله وجهك