ديوان الشاعر / مشعل عسام التريباني

بسم الله الرحمن الرحيم
الشاعر\ مشعل عسام التريباني الشمري
((اخو جوزا عريب الجدود))في8\5\1434هـ

البيض ترفع لاخو جوزاء عريب الجدود = جديع مقدم هلا العصلا وبحر الندى!!!

	البيض ترفع لاخو جوزا عريب الجدود=جديع مقدم هلا العصـــــــــلا وبحـــر الندى جديع ياشــــــحّو اللــــي يحفظون النقود= لوتبذل اهل المكارم مالحـقوله مـــــــــــــدى جديع هــــداج تيما شــــــــيخ كل العدود= يعرف بفعله ولاحدن عـن طريقه غـــــــدى يشـــــــبه لهداج جمه كل يومـــــن يزود= لعل يفــدونه اهل الكـــبر واهل الــــــــردى ايه ابو مذود عـريب الساس نسل الاسود= شـــــيخن لفعله طلع بين القبايل صــــــــدى شـــــــيخن بفعله جمـعنا جعل خيره يزود= شـــــيخن شـــــــهر بالفعول الطيبه وابـتدى شيخ الفعل كان حك العود في راس عود= شــيخن تحدى الصعاب وكل فعله قـــــــدى بن لغيصم ســــــليل الجود حــــيد الحيود=ابا امدحه بالشـــعر منكوس والا حـــــــدى شـــــــعرن يقصّرعنه با المدح مافيه فود= شعرن يقصّر عنه باالمدح يذهب ســــــدى شــــــــيخن بفعل العلوم الطيبات محمود=عمــــيد الامجاد كان المجد فيه عــــــمدى حــــــرن تعليت للامجاد تصعد صـــعود= واليا صعدت بصعودك كل صعب يهدى شـــــــــــــرفت شمربفعلك ياسليل الفهود= من يكـــــــنزون الدراهم جعلهم لك فدى انا اشــــــــهد انك محيطٍ مال لبذلك حدود= تغرق به الســــــــفن لو ربانها يجهدى عن كل شــــــــمربجاهك يابو مذود تذود= وعــزالله انك حســـامن با اليمين اجردى وعزالله انك على الطوله قوي العضـــود= دايم خيولك علـــــى الجزلات تحدى حدى شـــــكرا على بذلك اموالك وبذل الجهود= عساك تسلم وتبقـــــــــــــــــى يابعيد المدى ندعي لك الله با التوفيق وقت الســــــجود=عســـــا مقامك رفيع وجعل عمرك مدى

بسم الله الرحمن الرحيم
الشاعر\مشعل عسام التريباني الشمري
((الهيافاء))8\5\1434هـ

دعوني مزبنت الجلاوي وانا لبّيت (بمناسبة حفل الهيافاء لمزاين الابل تشرفت بالقائها في الحفل ) !!!

	دعونـي مــزبّنت الجــلاوي وانا لبّيت= وانا رغبتي تسبق تحرّ ك خطاواتي اجـــي للهيافا وافتخـــــريمهم ياجــيت= والمــوهــبه تظهــــروتـبرزمهاراتي اجـــــــي يمهم وبذل لهم كل مــاْوتيت= وافخربهم واكـتب جــزيل العباراتي سلامي سلام اجلال ياذايعين الصــيت=عددما نقش خشم القلم با السـجلاتي ابا اكتب الجزلات فيكم واصوغ البيت=والبّســـــــــه تيجان فخرن جديداتي هـــــيافا هـــــيافا يزبنونك لـكان ابليت=هم مــــــزبن الجالين في فايتن فاتي ضدالعنيد اللـــي براسه رقص عفريت= ياشـــا فهم تصيرعشـــــــره ثلاثاتي ياشـــا فهم يقول يالــيـتنـــــــي يالـــيت= تركت المكاسب والفتن والحــيالاتي لي الفخركاني لهم با الفعول اطـــريت= يشـــهد لهم با الفعل عهد البطولاتي وانا ماكتبت ابيات شعـــري بلا تثبيت= كــتبت شــــــيّن له براهين واثباتي ربعي هلا المجلا بنو با المعالــي بيت= نفخــــــــربهم ياجا نهارالمثاراتي من صلب علي مشتت المعتدي تشتيت= الشايب اللــي له بالامجاد صولاتي وابيوتهم تلقا بها مـــــــرحــبا حــيــيت=يكرم بها العاني ويلقا المســــراتي يلقا هلا بك مــــــرحبا كل مــــاحلـّيت= ويقلط علـــى حيلٍ جلال وسميناتي ومجالسٍ تســـــــــــرعينك اليا راعيت= يفرح بها اللـي جا يقوس المسافاتي به ريحت الجاوي ينعنشك ياشــــــمّيت=وفنجال كــــــيفٍ في دلالٍ ربيباتي يقعدخوى راســــــــك مذاقه اليا شفـّيت=يقعد خـــــوى راسن له ايام ماباتي بدلال من لا دونهـــــن صك باب البيت= فيهن لعشّـــــــاق القهاوي علاماتي تقول مـــــن لون الجـــواهـــرالياحلـّيت=مـــــن غالي الالماس فيهن اماراتي لو افني الاوراق في مدحكم ماوفيت=ابي السموحه يا كان هي شحت ابياتي

بسم الله الرحمن الرحيم
الشاعر\مشعل عسام التريباني الشمري
((سلام ياحفاد حاتم ياسلايل عدي))في12\5\1434هـ

سلام ياحفاد حاتم ياسلايل عدي (بمناسبة مزاين الغرير)!!!

	ســــلام ياحفاد حاتم ياســلايل عـدي=يا اللاّبة اللــي يشوش الراس با افعالها ربعن على المجد دايم تقل تقدا قــدي=حازوعلى الطيبات وجــابو اجــــزالها الكل منهم يجي للطيب يحدى حــدي=كلٍ يقول اعشــــق الجـزلات واشـتالها انتم للامجاد معلم مثل نجم الجــــدي=ذروت ســــــنام المــراجـل فعلكم نالها وانتم لكم با المـكارم كل كــــفٍ ندي=وانتم كـــبار المـــكارم وانتم جــــلالها صغيركم للمكارم تقل يهــــدى هـدي=وكـــــبيركم كل جـــــزله يحمل اثقالها وانتم كبارالصحون انكان شح الردي= اهل بيوت تســـــــر اللـــــــــي تعنالها ونتم اليا جيت اعدد فعلكم ســــرمدي=بحرالمكارم وكيف ابي احصي افعالها اباكتب الشعرفيكم وابا اسوق جهـدي=حتـــــــى يقولون صح لسـان من قالها وعدتكم با الحضور وجيتكم بوعـدي=فيكم كتبت الجــــــزال وجيت مشتالها جواد الافكارلارضاكم تجــي تحـتدي=يالله تجمّل جـــوادي هـــــــي وخيالها يامهرتي جعل في سعيك يقوم سعدي=واكســب رضــا الله ثم ارجالٍ عنينالها الله يجمّل جـــوادي للطــــريق القدي=وترضـي رجالٍ جزيل الطيب يزهالها يعيال عدي بن حاتم جيتكم مقصــدي= اســــــــوق الابيــات بافعالٍ ولهنا لها افعال الاجداد كل الناس به تشــــهدي= امجاد حــــــزتو عليها قل مـــــن نالها انتم هلا البل وتحمونه مــــن المعتدي= ياجــــا نهارن رجف بالارض زلزالها تحمونها با الرهيف الصارم الاجردي=يامــــــن بيض العذارى طوحت شالها تفدون بارواحكم دون العشايرفــــــدي=مـــــــن فعلكم كم هنوفٍ راحو رجالها عــــــــدوّكم ماتطيق اعيونه المرقدي=عـــــدوانكم جعــــل فـــال الله ولافالها

بسم الله الرحمن الرحيم
الشاعر\مشعل عسام التريباني الشمري
هذه القصيده مجارات لشاعر\قديم اسمه ابو تمام وهوشاعر معروف من سلالة طي وهو يقول طبعا باللغة الفصحى وانا جاريته باللغة العاميه يقول
ابو تمام من عرض القصيده
قال أبو تمام
نقل فؤادك حيث شئت من الهوى ما الحب إلا للحبيب الأول
كم منزل في الأرض يألفه الفتى وحنينه أبدا لأ ول منزل

وانا اقول000 ((مجارات ابو تمام))

مجارات لقصيدة ابو تمام !!!

	يقول ابو تمام مــــن سطــــوة الهوا = يشكــــي غلا راع العيون الكحّلـي يقول ماينســى الفتـى حب ماضـــيً = ترا قديم الحب صعـــــبٍ ينجلـــــي وانا اقـــر ماقاله واجــد د مـــــقولته = ماينجلــــي حبٍ بقلبٍ تغلغلـــــــي ترا حلات الحـــــب يحفـــظه المـــلا = يحفظ غلا خلٍ به القلب ممتلــــــي الاياغصـــــين البان قلبـــــــي ملكتهٌ = وعيني على فرقاك يازين تهملـــي الاياحبيـــبـــي يوم اوصّف محاسـنه = هوضامر السرجوف والردف مثقلي الى طرا خلي تمنيت مامضـــــــــى =حيث ان قلبي من غلى الزين ممتلــــي ثلا ثين عـــــــــــام وحبها مانســـيتهٌ = شبنا وناره داخل الجوف تصتلـــي الـى طرا طاريه هاضة قريحتــــــي =حيث ان له في داخل القلب منزلــي من قال حب الرجل للبيض واحــــدٌ = اقول هذا في هوى البيض يجهلــــي شوف الكتابه يوم تنقش على الصخر= لوطالة الازمان ماهــــــي بتنجلي احســــــنت ابا تمام ما قـــــــلت زلّه = ما لحب الاللحـــبــيب الاولـــــي

بسم الله الرحمن الرحيم
الشاعر\ مشعل عسام التريباني الشمري
((القطيبي جايسوق الطافحات))في 28\4\1434هـ
بيات شيله مع نياق بنيه بن نحو القطيبي الغريري الاسلمي

القطيبي جا يسوق الطافحات = كنهن مزنن من المنشا نشا !!!

	القطيبــــي جا يســوق الطافحات=كــنهن مــــزنن من المنشا نشـاء جلجلتهن يوم جــــــن مــروحات=جلجلت وادن من السيل احـتشاء واحـــــدتهن كنها قصّــــــة فتات=فارعن عمهــوجتن ضامرحشـاء تذبح العشــــــاق واتغيض البنات=وان نظرها الخل يبطي مامشـاء وبالوصايف يوم اوصف عايزات=الموصف بالوصايف يبلشـــــاء النحـــــورســـــوات بيبان النجات=باب قصرن بالرجاجيل انحشاء وسنمها فوق الحجب متنكـــــسات=تقل طعسن عقب وسمن رشرشاء والســــــبال اللـــي مثل كم العبات=جل من سوى الجمال المدهشاء جابهن رجلن يحـــوش الطــايلات=هيلعن كفه يبشـّـــر با العشـــاء نادرن دايم يروم المــعجــــــزات=دايمن مع درب جـــدانه مشـاء حــاتميّن مـــن زحازيحــن دهات=ابلجــــن للطـــيب يفعل مايشاء للصــــــديق الذ مـــن نهرالفرات=وسم ثعبانن على الاعدى غشاء

بسم الله الرحمن الرحيم
الشاعر\ مشعل عسام التريباني الشمري
(العقال المقصّب مازها كل راس)في 5\6\1434هـ
والله مدري لو بها اخطا املائيه انا استعجلت بنشرها لكن اذا وجدتو اخطا علموني وارجو المعذره

العقال المقصّب مازها كل راس !!!

	يازمان التطـــــــــــــوّر وين دورالســــباع= لــــــيش معظم ميولك للثعل والبساس ليش تفرس بســـــــاســــــك والذيابه جياع= وليش نزلت روس القوم تحت المداس وليش سمّي كـــــــــثيرالمال شيخ وشجاع= ماتصــــــــيرالجواهرمثل سعرالنحاس وليش عاشـــــــة رجالٍ بالحيل والخـــداع=وغــــيّروفي حيلهم كل خمس الحواس وليش قل الصحــــــيح وحان وقت النزاع= والـعـقــول الذكــــيّه صار فيها انتكاس ماتســــــــيرالســــــــفينه كان ماله شــراع= تنغمس وسط عات الموج شر انغماس ولايكــــــــبّرصغــــير الجسم لبس الوساع= لو يفصل علــــى جسمه وسيع اللباس مســــــــتقرالدراهم فـــــــي يدين الوضاع= والمراجل تبــــي رجلٍ براسه عطاس مـــاخـــــــــبرت الدراهم به يعــــزالرعاع= ولاخــــبرت المراجل بالدراهم تقاس كل مابالبســـــــــــــــــــيطه للاوادم متاع= والمراجل تبــي حنكه وفتل وحماس كم ثريّن عـــــــن الطولات قاصر ذراع= وكم فقيرٍ لــبس بالطيب درعٍ وطاس يندفع كل حـــــــرٍللجـــــــــــزال اندفاع= والعقال المقصّــــــب مازها كل راس داربين الرجــــــــوله والدراهم صراع= وافترسها كـثيرالمال شــــــــر افتراس القمرفـــــــــــــي زمناصارماله شعاع= يقتبس ضــــي من ضي النجوم اقتباس يفرسن الحصاني والاســـد ماستطاع= ذا زمان الحصينـــــي مع زمان البساس اعتلوفوق عال الطـــود ناسٍ وضاع= يوم نورالصـــــــراحه صارفيه انطماس والحقايق عليها الكـــــذب سوّا قناع= كــيف تمـــــــــش البواخرفوق قاعٍ يباس كل باطل ظهرللناس واصبح مذاع=غاب ضــي الصحيح وحان وقت الدماس بس لوراح مال الشـــيخ قالو وداع= فــــــي مقام المهـــــــند ماتعوّضــك فاس والحرارالجوارح دوم تهوى الرفاع= والكـــــــــــــلام الموثّق ماعلـــيه التباس

بسم الله الرحمن الرحيم
الشاعر\ مشعل عسام التريباني الشمري
((العقارب))في 12\6\1434هـ

العقارب روحت من كل صوب= جت على متن الشبث مشتالها !!!

	العقارب روّحــت مـــــن كل صوب= جت علـــى متن الشبث مشتالها لــين حلت بالشـــــمال وبالجــــنوب= نزّلت وســـــــــط الديار رحالها الشـــــبث ســــــهّل لها كل الدروب= قال حـــلـّو والصـــــعاب انا لها مـــــايهم الظـــلع لو زاد الهــــبوب= والهــبايب مــــاتهــــــــــزجبالها فارسن واركب علــى العوبا ركوب= والفرس ماله ســــــــوى خيالها شـــــال حمله عمد ماهو بمغصوب= روّج الـفــتـنه وهـــــــــو دلاّ لها فــي يمينه سيف والراس معصوب= والعقارب زغــــــرتت مـــوالها يضمرالاشرارمايخشــــــاء الذنوب= جـــــاب دق المشـــكله وجلالها خــايب الذمّه علــــــى العالم لعوب= قلـّبانــــــي والفــتن يســــــعالها لويروب المــــي والله مــــــايتوب= عم كل المشــــــكلات وخــالها ايتبــسم نوب مـــــار ايكـــش نوب= والحقايق دايمــــــــن مـا قالها يبني الاشــــرارطوبن فوق طـوب= ضــــيّق الدنيا علــــــى نزّالها ياعدالعالم وهو والله كــــــــــذوب= ليت لوخـــــلا العـباد بحــــالها مار شـــــب النار بالعالم شـــبوب= وصال فـــي كل الديار وجالها يوم حط الجدي في وسـط الجيوب= والثريّا فـــــــــــي يمينه طالها قال احط الملح با المـــــي ويذوب= واتســـــــــيّد والطـوال ارقالها وازرع البذره من اصناف الحبوب= لين اخالط هــــــزلها بجزالها وانشرالقمره على عيون الشعوب= لين ترقـــــد ثم نســـــحب مالها الشبث له باالحيل عشـــرين ثوب= قال مــــــن له حيلـتن يحـــتالها يا اله الكـــــون عـــــلام الغيوب= رجّع الحيله علــــــــــى محتالها

بسم الله الرحمن الرحيم
عذرا ايه الاخوان ماكان بودي انه كذا لكن جبرني عليها واحد كاتبن رساله لاحدالمشرفين بمنتديات شمر يقول هل عينت راع العقارب والخشاش يقصدني على شان قصيدتي (العقارب روحت من كل صوب)وكاتبها بشكل استهزى وبسريه تامه وارسلت له رساله قلت رد علي ليش كتبت كذا ولم يرد والله كتبت له بعدة مواقع ابيه يعتذر او يرد ولم يرد علي
الشاعر\مشعل عسام التريباني الشمري في\19\6\1434هـ
مابال ناسن تدس السم وسط العسل؟

مابال ناسن تدس السم وسط العسل !!!

	مابال ناســـن تدس السم وســــط العسل=هم مايخافون مـــن ســطوت شديدالعقاب قولولهم بان بعـض الهـــرج ينتـــج زلل=وان اللســــان الادائه للقـدى والصـــواب وان الكلام الكــثيراحــيان يحــــدث ملل=خصن اليا صارمـــن حاضربناسن غياب وان العقرعيب مااهو من صفات الرجل= وان الهوى مايحـــرك راســيات الهظاب وان الرجل كان من شـذب القفا مايخجل= ينقص مقامه ولا يحســـب له ايّا حســاب وان الرجل من ســـباب الناس قلبه وجل= نفســــــــه زكــــيّه وتاْبا النمنمه والسباب وقولوله انه علـــــى متنه يشـــيل السجل= ويشـــــيل كتاب للــــرحمه وكاتب عذاب وقولوله ايعــــيش واقع لايعـــــيش الامل= لايفتخــــربا الكــلام ويعـــترض للشهاب وقــولــوله يطــالع العــالم بعــين الــعـقل=وايكلم الناس بالواقع وحســن الخــطـــاب لبست ثوب الجزاله وانت منت بجــــزل= فعلك يخالف فعول مطــــوعين الصعاب ونزلت وكـرالحـرارالشــــــقروانته نزل= بغيت مشي الحمام وصبت مشي الغراب وتســـكن عرين الاسود ومنظرك لايزل= ينبـــي باْنك فصيله غــيريعنــي ســـراب وش فيك تبني بويتك من نســــيجن هزل= ماتدري ان النسيج الهزل ساس الخراب؟ داء النميمه مـــــــريضه كود يعزل عزل= ويغســــل انائه سبع با المي هو والتراب

بسم الله الرحمن ارحيم
هذه القصيده اهدا للمقدم سعد الدوسري امل ان تحوز على رضاه كما اني ارجوالمعذره عن التقصيرحيث ان هذالرجل قدم لي خدمه عظيمه فهويستحق المزيد ولكن ارجومن الله العلي القدير ان يوفقه ويجزاه عني خيروكما يقال من لا يشكرالناس لايشكرالله0
الشاعر \مشعل عسام التريباني الشمري

( اهدا للمقدم سعد )

اهدى للاخ الفاضل المقدم سعد الدوسري !!!

	ياسعد يالدوسري جينـــاك حنا = طالبينٍ فزعتك يابـــــن الاسودي يابن زايد فيـــــك للعاني مظنا = ال زايد هــــم عريبيــن الجدودي فعلهـــــم مشهود من كانووكنا = كل خلــــــق الله لفزعتهم شهودي بــــن زايد يانصيته ماتونــــــا = فزعته تـروي عطيشات الكبودي مزنةٍ منها الفيافــــي خضّرنا = واكتست منهـــا بزينات الورودي شجرةٍ فيها ظــــلال وبـه مكنا = شجرة الكمبود تنتج ريـــح عودي فعلكم يوم الفعايــــل يذكرنــــا = فعلكم بيـــــن وانا مانــي جحودي جاركم يحمل عصاه اللي تحنا = واردٍفيها على كــــل العــــــدودي لازمٍ نذكرفعـــــولٍ يذكرنـــــا = كل طيب من فعـــول اهله يجودي وانت يومن الفعايـــل يكتبنـــا = وارثٍ فعلة قديميـــن العهــــودي وانت تزهى كل مدحٍ بـك يغنا = اطلب الله ياعسى عمرك يزودي ياعسى الدعوات مني يقبلنــــا = اطلب الله لك بحزات السجــودي

بسم الله الرحمن الرحيم
الشاعر\مشعل عسام التريباني الشمري في 28\6\1434هـ

(زاد كيد المعادي والعرب في سبات)

زاد كيد المعادي والعرب في سبات !!!

	زاد كيد المعادي والعرب فــي سبات = ماحصل للعـــروبه ينتهــــي نومها عــالمن تتبع الموضــــات والملهيات = سلـّمة عــزّت الاســـلام لخصومها بدلوعــــزّت الاســــلام باالمغــريات = والعداء لعن ابوها زادة اعـــزومها ياعرب ليش ابحتوحــرمة المهلكات= واتبعتم هــــلا الطغيان وســـلومها وليش بعتو حقوق الله با المنكـــرات=واشتريتو لباس الكفـــرواهــدومها وليش دســتو كرامت دينكم بالحذات=والتحفتو عباتن تقـــصـر اكمومها العـداء طــوقونا مــــن جميع الجهات = فوق خــد الشهامه جـرت وسومها يالله انـي دخيلك عــــن ذميم الصفات = انعكس عند بعض الناس مفهومها ياشــــباب العـرب هبّولدرب النجات = انهضـوباالنفوس اللي نزل حومها ماتبعتوصفت من سوو المعجزات= وين سيرت هلا التوحيد واعلومها وين سيرت رجالن با اللوازم دهات=سيرتن فاح بالتاريخ يشـــــمومها وين سيرت رجالن تنطـح النايبات=تسقي الخصم من كاسات يحمومها مالكم عــن طريق الحق والله غنات = دين الاســلام عـزالنفس وسهومها افخروياشباب بصومكم والصـــلات= ورومو العزبا التوبه وبعــــزومها وافخــرو في شهادتكم واداء الزكات = ماتباع الكـــــرامه لو غلي سومها وحجو البيت وادوســـــايرالواجبات= روم روس المراجل بالتقاء رومها وافخــــــروبا القلم والنوروالذاريات = احفظـــومحكم الايات وقســــومها واطلبومن عزيز الجاه حسـن الثبات = عزكم وســط غبّه مارسو عومها