انجـاز العـرب.....

"بسم اللـه الرحمن الرحيـم"

كان الصفر عند العرب أكبـر أنجـاز=هم اكشفوه وصـار هـو مستواهـم
لوأختراعـات العـرب عـود مـزاز=يمكن يكون افضـل ويجبـر عزاهـم
خمسين عام الصمت للشرق وش حاز=يصـدر قـرار ولاتكـلـم أدنـاهـم
حتى نسوا موضوع غـزه والأهـواز=والفرس وأسرائيـل تبحـث وراهـم
عدونـا دايـم اسلوبـه استـفـزاز=وحنا أنتفاوض وانتجاهـل خطاهـم
نسمع تصاريـح التقـدم والأحـراز=وفي كـل قمـة مالمسنـا عطاهـم
دايـم مشاكلنـا كبيـرات واعجـاز=وقاموسنـا مافيـه حـل وتفـاهـم
يعنـي عبـارة مايناسـب ولاجـاز=مانتفـق جملـة تلـوح ابسمـاهـم
بدل التكاتف صاروا أحزاب وأحـزاز=حتى أنكشف على الحقيقـه غطاهـم
مدري متى نقبـل بعضنـا وننحـاز=مره عسى لأجـل العروبـه نساهـم
نعم سبقنا الغـرب بالعلـم واجتـاز=وحنا أقصانا ماقـرب مـن أدناهـم
هويأخذ الشرقي من الغربـي إيعـاز=يقلـد الموضـه ويتبـع خطـاهـم
طموحنـا كرسـي مذهـب وهـزاز=مـع حفـظ للهيبـه وعـد الدراهـم
أيه العرب في عصر بالطـب تمتـاز=بـس أكتبـو بيدينهـم منتهـاهـم
يعني العروبه حلم ماضـي وبـرواز=واضـح ولايحتـاج نبحـث خفاهـم
الغـرب الأول بالتقـدم والأنـجـاز=وحنـا عربنـا صفرهـم مستواهـم
تاريخنـا يكفيـه مـاعـاد يعـتـاز=بغـداد بعـد الأنـدلـس ماكفـاهـم
السالفـه ماهـي فوازيـر والـغـاز=الواقـع أن القـدس مبطـي عزاهـم
ماجيت أغازل شعلـه النـار بالكـاز=بس التفاوض للعـرب وش عطاهـم
والمشكلـه لونملـك النفـط والغـاز=قاموسنـا مافيـه حــل وتفـاهـم

منقـــــــول.

طموحنـا كرسـي مذهـب وهـزاز=مـع حفـظ للهيبـه وعـد الدراهـم
أيه العرب في عصر بالطب تمتـاز=بـس أكتبـو بيدينـهـم منتهـاهـم
يعني العروبه حلم ماضـي وبـرواز=واضـح ولايحتـاج نبحـث خفاهـم
الغـرب الأول بالتقـدم والأنـجـاز=وحنـا عربنـا صفرهـم مستواهـم

اييييييه ياحزم الضامي

عزالله صدق هالشاعر وصح السانه
كل مابالعرب وضحه علناً وصادق

همهم الكراسي فقط

اختي همس الشمال


تسلم يديك على النقل المميز

وصح لسان الشاعر ملايين والدليل


القمم او الحفر العربيه


تقديري

صح الله لسان الشاعر وسلمت يمينك ياهمس الشمال


لاهنتي

همس الشمال

صح لسانك ولسان الشاعر

الف شكر على النقل المميز

اقتباس المشاركة الأصلية كتبت بواسطة الصاروخ طموحنـا كرسـي مذهـب وهـزاز=مـع حفـظ للهيبـه وعـد الدراهـم أيه العرب في عصر بالطب تمتـاز=بـس أكتبـو بيدينـهـم منتهـاهـم يعني العروبه حلم ماضـي وبـرواز=واضـح ولايحتـاج نبحـث خفاهـم الغـرب الأول بالتقـدم والأنـجـاز=وحنـا عربنـا صفرهـم مستواهـم اييييييه ياحزم الضامي عزالله صدق هالشاعر وصح السانه كل مابالعرب وضحه علناً وصادق همهم الكراسي فقط

نورت الصفحة بمرورك الكريم اخي الصاروخ
كل الشكر على مرورك
ودمت بخير.

اقتباس المشاركة الأصلية كتبت بواسطة فيصل الجبرين اختي همس الشمال تسلم يديك على النقل المميز وصح لسان الشاعر ملايين والدليل القمم او الحفر العربيه تقديري

اخي الكريم فيصل الجبرين مرورك اسعدني
فلك جزيل الشكـر
ودمت بخير.

اقتباس المشاركة الأصلية كتبت بواسطة ريم الفلا صح الله لسان الشاعر وسلمت يمينك ياهمس الشمال لاهنتي

ويمينك اختي ريم الفلا
ومشكورة على مرورك الكريم

ودمتي بخير

.

اقتباس المشاركة الأصلية كتبت بواسطة أبوفهد همس الشمال صح لسانك ولسان الشاعر الف شكر على النقل المميز

ابو فهد ومن قال يسلم
ولك جزيل الشكر على مرورك الكريم
ودمت بخير.

همس الشمال

الله الله على هالقصيده

الحقيقه انها ابداع وصح لسان شاعرها ..

لاهنتي على الإختيار المميز

يا بعد حيي