ديوان / الشاعر محمد سوعان الربيع

ويــن العــرب ......؟؟؟؟

ويـــــــــن العــــــــرب

	ويـن العـرب ذي شـامكم مستباحه = والـذبـح والتدمير فـي كل الاركـان الجـرح ينـزف بالمســا مـع صبـاحـه = والــدم يجــري كل يــومً ابـوديــان في كـل بيـت اليـوم تجــري منـاحه = افضـع جـرايم ترتكب ضد الانسـان خلـــوا بيـــوت الله للـــذبــح سـاحه = والحقد الاسود صار واضح للاعيـان وهتـك الاعــراض اليـوم زاد ابوقاحه = وين انت ياللي تنتخي .يا كحـيلان وشـــــلون تـرقــد واتلـــذذ ابــراحـه = والـذبـح بالغــوطه وادلـب وحــوران وحمص العـذيـه جردت من اوشاحه = داســـوا كرامتهـا عديمين الايـمان بالحقــد ســـووها ســـواة الفـلاحه = كـنــه تـغشـــلاهـا زلازل وبـــركــان وديـرة حلـب والديــر نـوحي اصياحه = والـرقه اللي شافـت الظيـم بالـوان والكلــب نـوحـي كل سـاعه نبـاحه = على جراح الشعب يرقــص وفرحـان يسعى الى تسويع حجم المساحه = بامــرً وصـل من زمـرة الشـرّ بايـران وان كان حلــم الفـرس حقـق نجاحه = والهــالكـي واللــي ينابــح بلبنــان لا والله الا العـــز قـــرب .. طيـاحـه = ورحـنا تبع لاحفـاد كسرى بطهـران هــذا الـوكـــاد المعتـمــد والصــراحه = وحلم الروافض ساد والمختفي بان ويـن الشـريف اللـي يجـــرد ارمــاحه = ويفـزع لشعـبً شنعت فيه الازمان زودً علـى عــاميــن تنــزف اجـــراحه = والــدم يجــري والجنـايــز بالاطنـان تكفون ياهل الدين يا اهـل السماحه = شـــحذ الهمم تكفــون في كل ميـــدان على المنــابر فـي لســان الفصـاحه = دعــوة جهـاد الشرّ فـرضً للاعيـان حــرب الــروافض ياجمـــاعه مبــاحـه = مفـروض نقطـع دابر الشرك وكـدان الصمـت عــار وعيــب واكبــر فــداحه = وصـمة خـزي بوجيـه يعـرب ونكـران ولا احـدً بمنئى عن محيـط الضحاحه = ولابـد ياهل الصمت من دفع الاثمان قبــل يتـمــادا الشـــر لازم ازاحـــه = ولاّ تــراكـــم وســـط فتنــه ونيــران حيث الفطـن دومـ البصيره اســلاحه = ومن لاحسـبها صح خاسر وندمااان

بقلمي ......

بـحـــــر الاوهــــــــااام

بحر الاوهاااام

	يابحر الاوهام جيتك حـدني يمـك = حـظ الندامات يالله تقسـم الخيره مانـي ولـد خـالتـك ولاّ ولد عمك = ولاني من اقرابك الدانين والجيـره وفصيلة الدم عنـدي فاختت دمك = والكـل منـا جلبــه الحـظ مـن ديـره وش لك بقربي وانا يا بحر من ذمك = واتركني بحالـي تكـفا فضها سـيره دوّر عن اللي يبيك ويسـبح ابيـمك = ويصبر على موجك وثـورة مخاطيره ابحـث وتلقـى بديـلً يحتمل هـمك = حـظنً يدفي ويستوعـب مساييـره جزره ومده ايلامن صحت له زمك = وانـا عسى الله يبــدل حظـي ابـغيـره روّح عسى الله يبيح ابوك مع امك = شـوري عليك ابنصيحه واتـرك الحيره

بقلمي ........

وضــــح النقــــااا .....

وضــــح النقــــــــــــــاااااا ,,,

	يامغيّـر السرحان ما شــفت خلّـــي = الصــاحـــب اللــي يمـــكـم يــذكـــرونــه وانا الـذي عـن موقـعه ما اسـتدلـي = وعيـــوا مــراســــيل العـرب ياصـلونـه حبـه غــــزا قـلبــي وثــــم اســتحلي = واصبحت اســـــيره والسـبايب اعيـونه واصبـح افــراقــه ياجمــاعــه يعـــلّي = يــركـــى علـى كبــدي مكـاوي اطعونه غــروً مــلك قـلبـي وعقـلي وكـلّي = اللـــي أبـــد بالبيـض مـــا صـــار لــونه يـاشـين حظـي كانه اخطى وزلّـي = وخيّــب اظنــونــي ثــــم خيّـــب اظنــونـه وابعـد محــله وانتحــى عــن محلي = وخــلاّ اضعــوني مـا اتوافــق اضعــونــه يامغيّـر الســــرحان ماشـــفت خـلّي = اللــي بـــه القيـفـــان زانـــت اللحــونـه وانـا على وضــح النقــا قلـت خّلـي = وانـا الــذي درب الــردا صــار دونــه

بـقلمـــي ........

هذه قصيده قلتها بقبيلة السرحان اهل البويضا الاكارم بمنطقة مغيّر السرحان عندما سألني احد الاقارب من الرياض قائلاً وين انت وكان جوابي عليه بتلك الابيات حيث اخص من خلالها فخذ العاصم الاعزاء دون قصور وتجاهل لباقي عشائر السرحان الاعزاء حيث حللت ضيفاً على سليمان الجلال ابوفرحان اخوانه الكرام ابو خالد وابو رياض وابناء عمومتهم وجماعتهم واشكرهم على حسن ضيافتهم لي واحتفائهم بي لحد اني كدت اشعر باني بين جماعتي واهلي وكأني واحدً منهم مما هيض شعوري وكتبت تلك الابيات المتواضعه تعبيراً بما اكنه من موده وعرفان نحو هؤلاء الرجال الكرام .
القصيــــــــــــــده :
(( يـزيـن بالسـرحان قـافـي وفنّـي ))

يزين بالسرحان قافي وفني ,,,

	بمغيّــر السـرحان وان سـلت عنّـــي = مـع لابـةّ يحشـم بـهـا الجـار والضيـف معهــم تــراي بـراس عيـطا وكــنــي = وســط الجمــاعـه والاهـل والمـواليـف كـنــي حـديهــم واصبـح الكُـل منـي = حيــث النـــوايــا بيـنـتـهـــا المـواقيــف اهــل البـويـضـا مــابهـم خـاب ظنـي = واعني بها العاصم هل المير والسـيف القـلــب مـعهـــم دالـــهً مــرجـهنـي = والقــرب منهــم خـفف الهــم تـخفيـف ادنـاهــم اللــي لا عطــى مـا يمنّـي = وعـن طيبهـم تعجـز جميـع التـواصيـف مثـــل الحـــرار النـــادره مـــا تـكنّــي = اليّــا حصــل بالـوقـت ميـل وصــواديـف يــزيــن بـالســرحـان قــافــي وفنّــي = مـدحي بهـم نـومـاس ايضـا وتشـريف مثـايـلــي والقـــاف مــا يســـتحنــي = لاروّحــن مــن كـــل صــوبّ مــراديــف اليّــا دعيــت اركـابـهـــن مــا عصنّــي = دايــم علــى مـدح النشامـا مـلاهيف مـا قلتـها مـن شي عندي شـــحنّي = ولا قلتـها ارجــي غــايـةً أو مصـاريـف احــرص علــى كُـل غـانمــه والله انّي = اســـعالهـا والخـوف نهــج الضـواعيـف ضعــوف الهقـاوي طبـعـهـم مـا فـتـني = بعيـد عنـهـم بُعـد صنـعـا عن طـريـف تــم الجــــواب اللي اهجـوسـه غـزنـي = عبـرت انـا عن ما بقلبـي ولاشــيـف

بـقلمـــي ......

----------------(الحـــــريــــم انـــــواع )------------------

تـــرا الحـــريـــم انـــواع

	تــرا الحــريــم اصنـــاف واشــكال يا ذيــاب =مثــل الــزهـــر مـــن كـل نـوعً لقــوبــه فيهــن عـفيــفه خـيّــبت كــــل نـصــــــاب = عــنـيــدةً واقنـــاعـهـــا بـــه صـعـــوبــه ديــن وعقــل واســلـوب وافـــي وجـــذاب= صـانـت شـــرفهــا والعــرب مــا حكـوبــه وفيـه الـذي فـي راســهــــا بـليس لعــاب = مـلقــوفـةً مــرجـــوجـــةً ثـــــم كـــذوبـــه غشـــاشــةً فـي ضـحكــة السـن والنـاب = هـي بالشــــمال وتــوهمــــك فـي جنــوبــه مـغـزا . هـواهـا وعشـقها ملــي الاجنـاب = خــداعــــةً لـــو جـــا بـقـولــه اعــذوبـــه تـقــول : احـبـك لـكــن الحـــب بحســاب = واهــدافـهـــا مـكشـــــوفــةً ومحســــوبـــه جــوالـهـــا يـبـغـــي رصيـــدً مــع اجـــراب = وتـبـغـــى مـن العـطـار نـادر اطيــوبـــه الحـُـب فــي مـفـهـــومهـا لبـس واثـيــاب = واهـــم شـــــيً مـــا تـكــــون مــغـلــوبــه وليـــا تـحـقـق مــا بـغــت وقـتـهـا طــــــاب = طـابــت ليـاليــهـا وصــافـي شــــروبــه ومـن عـقبـهـا شــعر الـغـزل فيـك ينســاب = مــن مـنبــعـه لين ان ياصل صبــــوبـــه وتخشـى عليـك مـن الحسـد فيـه تنصـاب = وتـغـــار حتــى مــن نســــايـــم هبـــوبــه زود الـرصيــد يـــزّود الشـــوق يــا ذيــاب = وليـّــا قـطعتـــه تـنـقطعبـــك ادروبـــــه ومــن عـقبــها تنـكـــر وحـــذراك تــرتــــاب = لاشـــك ؟ ذا طبــع اللئـيـمــه وثـــوبـــه تشــناك مابين الادانـــــي والاجنــــاب = وتصــير لك عنـــد النهـــايه اعقــــوبــه ويــامـكثـــر اللــي واقفيـــنً علــى البـــاب = يــوخــذ مـحــلك وانـت تـصبـــح جــلـوبه وان طـعتـنـي يـاذيــاب جـنــب عـن الـدّاب = تكســــب ســــلامه ثــم تكســب مثــوبـــه تـكسـب رضـى وغفـران مـن رب الاربـــاب= واللــوم يـبـعـــد واتـــلاشـى اعيــــوبــــه واختــامهــا مــا قلـت شـــيً بـلا اســباب= وعســى انــا احظــى بالصــدور الرحــوبــه

بقلمي .......

(( ما انساك لو طويق يرحل لبانات ))

مانساك لو طويق يرحل لبانات

	لاتحسـب ان الـود فـي خافقي مـات =رغــم المشـاغل وانقطــاع الرســـايل القلـب مـاينسـى من يحـب هيـهات =لــو ان شـــمّر تـتــرك بــــلاد حــــايـل مانسـاك لو طويـق يرحـل لبـانـات =ونـجــد العــذيــه تجحــد عيــال وايـــل مانساك لو ينسى الجنوب الحويطات=ويـرحـل جبـل سـنجار لاقصى محـايل مـانســاك لـو زايـــد نسـتــه الامـارات= حــبـــه علــى كــل المقاييـس طـايل اسـمك حفـرتـه بـأوسـط القلب والـذات = ومـن شـــان مـاننسـى فتحنـا فـوايـل هـذا الــوكاد ولاش بـالهــرج شــــكّات = والصـدق يبقــى دوم والـزيـف زايـل

بـقـلمــي ......

ما بين حيره وهوجاس

ما بين حيره وهوجاس

	حـبيـتـهــا فـعــــلاً وهــــي بـادلتـنــــي = نفس الشور ونفس مابي من احســاس ســـرا بـروحــي حبهـــا واشـــغلتـنــي = ثــم اصبحــت اقــرب قـريبً مـن النـاس ناديتـهـا .. وبشـــوق ميــر اســـألتنـي = تقــول منهــي : طـوّعت شـامخ الراس هـذيــك عشــــقي لـو شــقا حمــلتنـي = حطـت امل في ضامـري من عقب يـاس حــبيـتـها واحلــف بـــربــي بـلتـنــــــي = فـي حبــها اللــي مـالـه اليـــوم مقيـاس بنــتً بطيـــب اخـــلاقـهـــا هــولتـنــي = عـفيـفــةً تصعــــــب علــى كـل بــــــلاس يصـعـــب علــي البـعـد لــو زعــلّتـنـي = وافراقها اصعب حيل من طعن الامـواس بــرّيـتــهـا بالـحــب ليــــن اهـبــلتـنــي = واصبحـت انا مـــا بين حيره وهـوجـاس تبـــرا جـــــروح القلــب لا غـازلـتـنـي = وتـرتــاح نفسي عـقـب مـانيـب محتاس يــفــرح افـــوادي وانـقهـــر لاســلتـنـي= هــاك العنــود اللـي لهـا القلب مجـلاس

بـقلمـــــــــــي ,,,,,

وشــفيك مــا تنشــد ....

وشفيك ما تنشد

	وشــفيك ماتنشـد ولا ترســل اعلـــوم = وانـا اتـحـــــرا كل يــــومً اعلـــومـــك خـلك علـى خبـري ومـاكان كل يــوم = لا تخلــف اصـدوف الليـالي رســومـك خــلك علـى مـاقيـل واضـح ومـفهـوم = وشــين النـــوايا لا تـــردّي اعــزومـك اتـبــع رضــا مـغليـك يا صاحبـي دوم = اللــي تحـــرا طــول عمــره اقــدومــك رجــلً تحـــدا كـل مــن جـــالــه يلــوم = اللي اخصـومه يــوم ياصـف اخصـومك ودنيــاك مــا تخـلا من ابـروق واغيوم = وارعـودهــابالصيـف تجلــب اهمـومــك لاصـرت لاتـنشــد ولا تـرســل اعـلـوم = احتـار بامـرك حيـث ماهــي اســلومـك خـليتنـي مـابيــن حيـــرات وواهـــــوم = وادخــل علـى الله لا يغيـبــن انجــومــك

محمــد بن ســوعان الربيّـع

قلبي معــك غاب ....

قلبي معك غاب

	انت الذي وان غبت قلبي معك غاب = وانت الـذي قلبـي معــاك انتـحـابـي انـت الـذي مـالك شـــبيهً بالاحبـاب = انـت الســـعـاده والامــل والعــذابـي كنت احسب ان الحب راعيه كذاب = وكنت احسب انه كـ بحور الســـرابـي واليوم عشته دون ما احسب له احساب = واصبحت مثل اللي شرب سـم دابـي وان مت انا ياصاحبي فانت الاسباب = وان عشــت اعيـش بعـلــة واكتـابـي انت اتحمـل ذنـب واحكـامه اصعــاب = نــويــت تـذبـحنــي ولا احــدً درابــي كانـك نـويـت اتصـك من دوني الباب = قـلّهــا بــوجهــي لاتـقــول ابغيــابــي انت الذي وان غبت قلبي معك غاب = وانــت الــذي قلبـي معــاك انتـحـــابـي

بقلمي .......

روس العرب واذنابها ماموا ابغار
..........................................

،،،،،،،، كيــــــــري وربعــــــــــه،،،،،،،،،،

يــوم العرب توحـدوا ضـــد بشار،= طقـع لهـــم بوتـن وثبـت وجــوده
خيال وكبار العرب تركب ****، =ينخـوا بـــأوباما وزمـرة يهــوده،
وهاذي هي الايام عثرات ودوار، = واميركا ترغي وبادت جهــــوده،
اليوم دور الروس والكرت فرار،= والشيخ بوتن مسـتمر بصـعوده،
وبوتن اذا ما اشتهى يطفي النار،= وان ما شهى بالحيل زود وقوده،
وكيري وربعه يلهثوا خلف الاخبار = والغرب كله كاذبـــاً في وعوده،
،
،،،،،، محمد فناطـــــل الحجــــايا ،،،،،،،

جاريت الاخ ابـو ســـــــــــامر بهـــذه الابيــــات
على امل ان تفـــي بالهـــــــــــــتدف

روس العرب واذنابها ناموا ابغار

	روس العــرب واذنـابـها نامـوا ابغار= والكــل منهــم منعـــــــدم مـن وجـوده اللي ورا البـومـه ركض ميّت النار = واللـي ورا بــوتـن ويلطـــم اخــــدوده هـذا هـو الـواقـع ولا عـاد اسـرار =هـذي حقيـقة زيــف زادوا اشــــــهوده رضيـوا لنـا الفشلات والذل والعار= ونبـع الخضـوع اليـوم وردوا اعــدوده بــاعـوا كــرامـتـنا بيــوروا ودولار = وكلن سـهج عـن عمــد ماضـي اجـدوده غالوابـنـا الغيره وشيمات الاحرار = وكلـن علـــى الثـاني يحشّـــد احشـــوده وليا حكيـنا شلهبــونا علـى النـار= ولاّ ســـجـــــن تحكـــم عليـــنا اقيــوده هذي حقيقه ما على وجهها اغبار= هــذا هــو الــواقـع وهــــذي ابنــــوده المشكله ماهـي على دور بشــار= ولا علـى الســيســي تـوقـف احــدوده مبطي ترا وان كنت تفطـن للاخبار= ارجــع الــى بلفـــور واقـــرا وعـــوده ينبيك عن ما يحدث اليوم وش صار = ضلــع الكــرامـه مــا قـدرنا اصعــــوده وكل يــوم تـاتيـنا المواعض والاذكار = من فــم واعـــض ما خشـع في سجوده ودام الحبـل ياصــاح يســناه جــرار= صبـح الامـل ما عـاد يظــهـر عمـوده

بقلمي ........