يابوفهد لامن عوى الذيب للذيب

اهدا الابيات للاخ العزيز النقيب / عبدالله فهد الحقباني الدوسري

يابوفهد يامسندي جتك الابيات = من اقصى القريحه ماتبي زود ترتيب
فيها الغزل والحزن عقب المواسات = وطبيعتك ماتعرف الشك والريب
يابوفهد صيتك مع الوقت مامات = حي ويحي من غزاء راسه الشيب
حطو سجلي في سجل الوفيات = يابوفهد لامن عوى الذيب للذيب
عندي خبر فيك الوفاء والطموحات = وفيك الهقاوي تشعل النار وتهيب
يالدوسري جيتك معي سرج الابيات = ماتختلف فيها المعاني ولاتغيب
مثل حياة اللي وراه امتحانات = خايف يدور الوقت هو والدواليب
جيتك ياعبدالله من الوقت بشتات = ماظنتي طيبك يرد المواجيب
دامي نصيتك ماعتقد عقبه سكات = عبدالله الحقباني يشد ويصيب
مركا فخر يشبه جبال السروات = مركز ذراى للي عليه اللواهيب
راعي الوفاء معروف راعي مهمات = عزالله انك تدي العلم وتجيب

اخوك / منصور ظاهر البخيتان الشمري