ديوان الشاعر / مشعل عسام التريباني

بسم الله الرحمن الرحيم
الشاعر\مشعل عسام التريباني الشمري
((يارب انا عبدك وبن عبدن ورزقي في يديك))في 6\5\1438هـ

((يارب انا عبدك وبن عبدن ورزقي في يديك))في 6\5\1438هـ

	يارب انا عبدك وبن عبدك ورزقــي فــي يديك=ورزقي مقدرمنك واجلي في يدك ياذا الجلال انا الفقير لرحمتك وحدك ولاغيرك شــــــــــريك=وانت الكـــــريم ونعمتك عظما ولافيها جدال ارجيك من فضلك وعطفك وارفع الشكوى اليك=انت المــهيــمــن والجليل المنفرد ياذا الكمال اســـــــتغفرك واســـترحمك يارب يامنج الدريك=واطمع بعفوك يامجيب اللي رفع كفّه يســال عـــبدك ومملــوكـك رفع كــفيه لك وانت المليك=يرجي ثوابك يامعيش الطير من كسب النمال يارب منك الــعفو وانت اللــــــــي توكلـنا علـيك=ومنك الشفا والامرلك يامحصين حب الرمال ربــــــي ومعبودي ومقصودي ولاحـــدن يعتليك=ارفع كفوفـــي لك بدعواتــي واعيد الابتهال يارب انا لـــــــــي مطلبن عـــندك ولايخفا عليك=وانت الكريم اللـــــي اليا مديت مداتك جزال اشـــــهد بانك واحدن فردن صمد مالك شــــريك=واشـهد بانك نعمتك عظما علي في كل حال ســــــــبحانك انت اللـــي تفرجها لعبدن يرتجيك=يامن تحب الحاح مملوكك وتكرير السـؤال

بسم الله الرحمن الرحيم
الشاعر\مشعل عسام التريباني الشمري
((ياحايف الليل فكر قبل تبدى تحوف))في 12\5\1438هـ

((ياحايف الليل فكر قبل تبدى تحوف))في 12\5\1438هـ

	ياحايف الليل فكّــر قبل تبدى تحـوف=وش لـــون تـبدى تقــدّم ماتعوّد ورى راحت حلب فـــي يدين مفرقين الصفوف=كلن خذا حقه المقســــوم منها وســـــرى كنا نفكّر نبـي منهم نحصل خــــروف=وجـــونا وركــبو جملنا والاوادم ترى ركبو جملنا وراحو والاوادم تشـــــــــوف=وحنا لبســــنا لباســـــن مايســـــد العرى شوفوجيوش الخميني وســـط دجله يطوف=يبسط نفوذه وشــــبحه يم حد انقرى راحت عراق العروبه مع عراض الكتوف=عـــبادة اللات فيها مــن يرد البرى وين العـرب وين جمع مــزبنـين الضعوف=احفاد من باالعــزايم حــرر (ام) القرى ارض العروبه تنادي قاطعين الشـــــــفوف=الفــرس فيها ولا من شــاف والّا درى تكاتــفـو واقـلعـو هــم جـعلهـم للـــذلـوف=لاتتر كون ارضكم مندون بيع وشرى مــاجـت كبار الغنايم بالطــرب والدفوف=ولاخير فـي خيمتن ماله ظلال وذرى لا لاتخافون غــير الله مافـــيه خــوف=العمر مكتوب من ربــــي ولايقصرى الذيب يفرس وعدوانه ميئات الالـــــــوف=ماقصّروله عمريفرس ورزقه جـرى قومو على المعتدين بكل عــزم وعزوف=هبو لنصرة هلا الســـنه بمدن وقرى تشــــــــــــــــــرّد اطفالهم ماكن حنا نشوف=وعيوننا كيف تهنــى فـي لذيذ الكرى مهــو عـــذرخوفكم من عســـــكرة لافروف=الخوف من واحدن يقهر ولايقهــرى

بسم الله الرحمن الرحيم
الشاعر\مشعل عسام التريباني الشمري
((مهو مثل ماقيل شلّق وعلّق))في21\1438هـ

((مهو مثل ماقيل شلّق وعلّق))في21\1438هـ

	خطن لفانـي باالبيوت الرواقـــي=مهـــو مثل ماقيل شـــــــــلّق وعلّق مهو قصيدمكســّــرين العراقــي=اللـــــــي قصــايدهم كــثــيره مفلّق عســاك دايم يافتى الجود باقـــي=انعشـــــت فكـــرن عقب مهو مغلّق فتحت عـنهن مبهمات الحلاقـــي=واطلقت فكرن با اجمل الشعر حلّق رقيت مع دربن عســير المراقـي=وقامــت هماليل الضــماير تطلّــــق واحرقت نفحات العبير احتراقــي=والجا ش باالقـــيفان قام يــتدلّـق طيري اليامن حان وقت التلاقـــي=مضــراب كفه للجزيلات شــــلّق خصن اليا وصلت حبال التراقـــي=يســـطـي اليا هابت يدين الخملّق اخذمع الشـــــــعار جزل احتقاقـي=شــرواك فــي نظم القصـيد متاْلق قصايدن لبست عن الضعف واقي=لبســــت من الديباج ثوبن تزلّق هذا الصحــيح اللـي للاجيال باقي=لاكــــبريا قلته ولاهـــو تملّق

بسم الله الرحمن الرحيم
الشاعر\مشعل عسام التريباني الشمري
((انا اليوم صدري ماتريوس به الذره))في22\6\1438هـ

((انا اليوم صدري ماتريوس به الذره))في22\6\1438هـ

	انا اليوم صدري ماتريوس به الذره=عســــا الله يزيل الهم ويوسّــــع الصـدري الايا عليمن باالدهــر خيره وشــــره=ياكافل طعام الحــوت فــي غبّة البحـري تزيل الهموم وتفرح القلب وتســـره=يامـنزل الاحــقاف والــنور والفجـــري ياشـــــافين يعقوب يامذهبن ضـــره=ياذا الجــلال وعــزت الــذات والكــبري منك الشـــفا ياموجدن با البحـردرّه=يافارج الضــيقات يامجـــري الــنهـــري افرج لقلبن ضــامه الدهــر واجـتره=علــى غير مرضاته حــداه الدهـــرجــبري اصبرعلى الاقدار في حلوها ومـره=وارجيك ياربـــي وافــوض لك الْامـــري واثنا الســـجود ادعيك مره بعد مـره=وانت الكــريم اللــي تخفف علــي ازري لياضــاقت الدنيا علـى العبد واغـبرّه=رفع لك كفوفه وانت يسرك مع العسري وان صكةابواب المقادير واســمرّه=مفتاح باب اليسرفـــي حكمة الصبري

بسم الله الرحمن الرحيم
مساجلات خفيفه بيني وبين ولدي

مساجلات خفيفه بيني وبين ولدي

	يالله انـــي دخيلك يامغيث الدخيل=ترحم اللي لجالك عن جميع الانام انت وحدك دواي وفزعتك سلسبيل=تنســــي اللي همومه كدرن المنام يالله اني ضعيف وحمل متنـي ثقيل=عــبدك اللــي متونه ماقون الزحام اشحذك وافتخربك ماشحذت البخيل=وحدك اللي علاجي في يديك الكرام طلبتك رفعت الطالب وعندي دليل=ان عــبدالقوي فـــي عزته مايظام كلمات الشاعر\ عبد الرحمن بن مشعل التريباني ماعلـى ربك الخلّاق من مسـتحيل=من شـــحذ غير ربه ماينال الجسام ياكـريمن عليمن ياعظيمن جليل=يامجيبن تفــرّد فــي حلول العظام ظلني فـي ظلالك بالنهار المهيل=يوم حشـــــر النفوس وشدة الاحتدام يوم تدني لروس الخلق مقدار ميل=شــمــس مقدار حره يلتهب مايهام في نهارن تســـاوا به كريم وبخيل=واســــتوا به عزيز القوم هو واللئام يوم ينكر خليله كل من له خليل=ماتفيد الاقارب من خوال وعمام

كلمات \الشاعر مشعل عسام التريباني الشمري في 5\7\1438هـ

بسم الله الرحمن الرحيم
الشاعر\مشعل عسام التريباني الشمري
((ايطلعون الشعيره من فم الحمره))في 13\6\1438هـ

((ايطلعون الشعيره من فم الحمره))

	انا ادري ان العطا الاْولــى به الاقربون=لكـن عـطا الاثريا عــند البعيد ثـمـره ام اليتاما تطـوف وتشــحــذالمحســـنون=وارباب الاموال من شـــافه وقف ونهره تعطا مــن اهــل التـقاء والاثـريا ينهبون=ليمونتن كل مــن قــدّم عشــــــاه عصره الاْولات الــروابــح والصـعايــب تـهـون=اهم شــــي المكاســـب خمســها بعشــره من راس مال الفقارى يترسون الصحون=وايطلعون الشــــــعيره مـن فم الحـمرَه ياْرباب الامــوال عــفّـو لـيش ماترحمون=سقتو حلال الضعوف لســاحة المجزره اموالكم ســــــحت بيس الجمع لوتجمعون=زرع الفقارى اليا ازهـر تقطفون زهره المصـــرف اللي بوســـطه دايمن تكنزون=خلوه ينفق علـــــى اليتمان بعض درره مصرف هلا المال يعطي مار هم يمنعون=الا اليا شــــــاف محتاج الغريب نصره والقارب اللــــي علـــى متنه كبار البطون=وايلقــَـي الجـايعين المعوزيين ظـهره بيــعه وبــع قــيمــته بــبـلاش لاْول زبون=ياصـــار ماينومن وقت اللزوم خطره والناقة اللــــي علـــى اهلها بــدرّه مـنـون=ودك تســــــوقه لقصابن يســـد نحره ياصـــار مـــن درها رعــيانها يحـرمــون=ولايلحق الاقربون من الخريش وبره

بسم الله الرحمن الرحيم
الشاعر\مشعل عسام التريباني الشمري
((اصحا تقرب للحنش والحنش حي))في 15\7\1438هـ

اصحا تقرب للحنش والحنش حي

	خلو غراب البين ينعق ورى الري=وش عاد لو كثّر من الهــــرج هيهات اللي يبي ياصف كرم حاتم الطـــي=يصعب عليه الوصف واتشـــح الابيات والعازمي لو قال هـــرجه ولاشــي=محدن تسمّع فــي هـروج التفاهات الريح ماهـــزت جبل والبحر مـي=ومــي البحــر مالح والانهار عـــذبات يالي ياحكـــي الفراغات يالـــــي=يقضــي مع الايام طــيب الفـراغات ياعابد الـــدرهم كليت اللحم نــي=وبانة عليك اعراض غي وسـفاهات لبست ثوب الكذب والكـــبر والغـــي=وعرّضت نفســــك للبحـــور الغزيرات ودخلت في دربن بعيدن عن الحــي=فــــي ســــكَتن كله ظـلام ومتاهــات الظلم ياحامد ترا مســـــلكه ســـــي=عــــواقبه دايم تراهـــن وخـــيمات حاتم كرم لوكان هــو مامعه شـــي=ذبح جــواده بالســنين الشـــــحيحات ومحمد المكتوم يكـــرم ويعطــــي=من راس مالاٍ به تضيق الســــجلات وانته نعرفك مهنتك دايمـن هــــي=عـــباد مــال وبايــعن للـــكـــرامات ياجاك حاتم يطلبك تمــدحه عـــي=شـــــــرواك مدحهه عيب مهو مبرَات وحاتم عطاه المصطفا تاج وحلــي=شـــــــــــهادتن فاقت جميع الشهادات ياحامد الدعوى مهـي ضحك ياخــي=جنـَب طريق اهل الصخا ولبطـولات اصـحا تمـر النار وجـــيوبك مــلــي=با الجــبخان وتحــــدث الانفــجارات لاتحسب الدعوى سهالات وســعــي=ماتكرم الاحيا على حساب الاموات احــذر تفكر هاكذى ماهـــي بهــي=تصـير عــــرضة كل حاســد وشمات اصحا تقــرب للحنش والحنش حــي=سم الحنش يقضي على العمربسكات خلك مؤادب والزم الصـمت ياصـبــي=لاتاكلك ســــــــــحم الذياب المجيعات

بسم الله الرحمن الرحيم
الشاعر \مشعل عسام التريباني الشمري
((نظرتي غيره با البر بيت الشعر))في 24\7\1438هـ

((نظرتي غيره با البر بيت الشعر))في 24\7\1438هـ

	نظرتي غيّره باالبر بيت الشـــــــــــعر=اذكــر الباديه واذكــر كـــراماتها واذكر الشايب اللي له فعولن تســــــر=واذكـــر العز با افعاله بحــــزّاتها شايبن جعل قبره فيــــه ورد وزهــــر=وجعل مســـــــــــكانه الجنه ولذاتها وجعل من تحت رجلينه يفجّر نهــر=وفوق راســـــه ظلال الخلد واياتها يسكن اعلا النعيم ويقطف اغلا الثمــر=وايتخــــيّر بســـندســــــها وحلّاتها وحــورها ينطحنه في حلــي ودرر=ويتهنا بصحبتها وبســــــــــماتها الضحوك البشــوش الواقعــيّ الاغــر=نهر دجله ونهــر النيل وافــراتها الحــنون اللطــيف العاطفـــيّ الاّبــر=مايقــيس الرجال بكــثر ثرواتها مايقــــيس الــرجال الا ببعد النظـــر=وفـــي فعول الرجال وقو هقواتها شــــايبن يوم قل الشــي جاد وصـــبر=وارتكا للــوازم وقــت حـزاتها ارتكا للـــوازم يوم وقــت العســــــر=رغم ضغط السنين وكثرصكاتها يرتكــــــي للثقايل با الليال الغـــبر=يوم بعض الرجال تقل ميزاتها ماكتبت القصيده من غــرور وكـــبر=واقعن هزني وارهـيت با ابياتها

بسم الله الرحمن الرحيم
الشاعر مشعل عسام التريباني الشمري
((تغص الحناجرفي هروجن بعضها عوج))في 5\8\1438هـ

((تغص الحناجرفي هروجن بعضها عوج))في 5\8\1438هـ

	تغص الحناجرفي هروجن بعضها عوج=وتضايق بنوك الصبر من كثر ماجاها خيول الســـوالف يركبونه بدون سـروج=عليها من الفريس مايتعب اخطاها فريس حكين وان بغيتاالصــحيح علـوج=خيالتن باالصدق ماتنطق اشــــــفاها رصاصت المركا ووقت اللوازم هـوج=تقضــــي بحــــزات اللـوازم حكاياها يبنون فـــي صف السوالف فلل وابروج=واليا بغيت الصــدق مقرب معشـــاها يجيدون فن الغوص داخل عنيف الموج=على ظهور سفنن عاتي الموج يشعاها تجار فـــي قالو وقيل وســـــمعت هروج=يجيبون هسات الســـوالف من اقصاها لكن مــدام الله جعل للــديار فــجــوج=لاتجبر الانفس على غير مشــها ها ســــــج القدم وابعد عن اللي يشـد الغوج=ورجلك على الطولات عجّل بممشـاها واغسل غضبك بزاكي العمبر الممزوج=باالمسك مع صــفو النفوس ونواياها

بسم الله الرحمن الرحيم
الشاعر\مشعل عسام التريباني الشمري
((ماخسرت الامحبة هل الطبع الدني))في 11\8\1438هـ

((ماخسرت الامحبة هل الطبع الدني))

	ماخسرت الامحبة هل الطبع الدني=ولا ربحــت الا برفــقة زحـازيـح الــرجال ولا لبست الّا لباسن على قد بدني=وادري ان ثياب غيري على جســمي ثقال فقرين في راس مالي وبا الشيمة غني=ولاكسبت من السوالف سوى روس الجزال والاَ انا من ظمن ربعي ولاني بمعنــي=مار حبـــي للشــــــهامه دفعنـــي للمقال يفرحن مدح بن عمي وافاخر واعتني=فـــي فعايل ولد عمـــي اليا جاله مجـــال واغلي اللي با المراجل بنا العليا بني=هيلعن مــاينزل الّا علــــــــى روس الجبال مربحي في قربة اللي جنا الطوله جني=خير لــي من مربحن راس ماله بالهزال واكره اللي للهزايل حنا راســـه حني=لابســــــن ثوبن يجـــره بفخــرن واختيال كل ماجاء ذكر طيبن لابن عمه طني=يحســـــــــــد بن العم حتى على برد الظلال كل هلباجن على الطيب مجهـوده وني=دافنـيـنن عشــــرته تحــت كثبان الــرمال ماخبرت انـي مع اللاش مديت رهني=واعتبر قـــربه خســـاره وبعـده راس مال خابرن من ينثر الحب باالواد السني=مكسبه من بذرته صار مـن حض النمال ماطلبنا من حلال الردي (حق)(وثني)=اتكالي في معاشـــي علـى منش الخيال بس لله المهـيمـن نمـيل وننثنـــــي=ذوالجلال المنفـــرد باالصفات وباالكمال هاكـذا ربــي خلقنـــي وهــذا ديدنـــي=اْعشـــــق العليا واقدَر كريمين السبال