صالات المطار

قبل اسافر كنت جالـس فـي زمـان اﻷ‌نتظـار
ارتشف هم المكـان .. و كـل همـي حاجتيـن*

كنت خايف من يباس .. و كنت خايف من خضار
كنت اخاف انك تجين و كنت خايف مـا تجيـن*

لين شفتك مـن ورا بيبـان صـاﻻ‌ت المطـار
مقبله من كثر شوقك .. كنت اشوفـك تركضيـن*

مرةٍٍ ركضـك يميـن و نظـرة عيونـك يسـار
و مرةٍٍ ركضك يسار و نظـرة عيونـك يميـن*

تايهة .. ما كنـك اﻻ‌ ضحكـةٍ وسـط انكسـار
ساكتـه .. ماكنـك اﻻ‌ دمعـةٍ فيهـا حنـيـن*

خايفة .. وجلة .. حزينة .. يعني كنتي بأختصار
تشرحين لكل جاهل معنـى كلمـة ( عاشقيـن )*

بعدهـا جيتـك ولـدّت عينـك و دار الحـوار
من كفوفـي دمعتيـن و مـن كفوفـك دمعتيـن*

كنت اصد و كنتي انتي ثايـره مثـل الشـرار
ماعلى لتغة لسانك غير كلمة ( وين ؟ ويـن ؟ )*

واذكر اني رحت قبل ابدي لـك ايّـة اعتـذار
رحت حتى قبل اطيّب خاطـرك فـي كلمتيـن*

لكن انتي عارفتني زين واللـي صـار صـار
سامحينـي واذكرينـي قـدّ ماانتـي تقـدريـن*

اذكريني ﻻ‌انتهت للشمـس رحلـه مـع نهـار
واذكرينـي ﻻ‌صحـى للصبـح ورد الياسمـيـن*

واذكريني ﻻ‌ لمحتـي فـي ليالـي البـرد نـار
واذكريني ﻻ‌ سمعتي للمطـر صـوت ٍ حزيـن*

اذكرينـي واذكرينـي واذكرينـي .. بأختصـار
..اذكري فهد المساعـد قـدّ ماانتـي تقدريـن !

فهد المساعد

انتقاء فاخر

صح نقلك لاعدمناك

قصيدة في قمة الجماااااااال

وذائقة رفيعة المستوى

دام عطائك المميز

دمت بسعـــــــادة

اختيار جميل جداً

لاهنت اخوي فهد البلوي

ذائقه فاخره
كل الشكر

..

هطول عذب شٌكرا وأكثر
لآعدمنآك