:: قصه وقصيدة المطيري في (( برزان )) ورد شاعرنا نهير النمش عليها ::

السلام عليكم ورحمة الله وبركاته... وبعد

أيها الاخوه في الله.. يشرفني ويطيب لي ذكر هذه القصة المشرفة واللي ترفع الرأس حقيقه
وهذه القصة يرويها لي شخصيا ولد العم الشاعر/ نهير بن نمش الحسيني ويقول فيها مانصه:

في عام ١٤٢٢هـ : كان الشاعر/ بشيَّر مناور الهجله المطيري ذاهبا للبر وجد لوحه باسم هجرة اسمها (برزان) وعندما مرها لم يجد فيها ضيافة فرجع مباشره للوحه مره أخرى وربطها بالسيارة وخلعها لقناعته بالفرق الشاسع بينها وبين(برزان حايل).

ومن ثمَ قال هذه الأبيات

:

برزان ماهو بانت لو قيل برزان=واللي سكن بك مايطابق فعوله
برزان في حايل على دور الازمان=قصر الرشيد اهل الكرم والبطوله
اللي لهتاش الخلا صوتهم بان=قولة هلا قدام تبرك ذلوله
سجل لهم في صفحة المجد عنوان=نعم الرجال ونعم هاك الحموله

:
:

وبعد سماعي لهذا القصيدة المشرفة رديت عليه بهذه الأبيات

:

سلام ياشخص(ن) بدع زين الألحان=سطر بيوت الشعر باحلى مقوله
مشكور يابشيَّر على فعل الاحسان=عسى حياتك مايصيبه ملوله
هرجك صحيح وزبدة الهرج نيشان=ودايم رفيع الساس يصدق بقوله
عز الله انك يالمطيري بليهان=اصلك شريف وكل طيب(ن) تنوله
دايم وعنده كل الاوقات ضيفان=وكل الرجال الغانمه سيروله
ضاري على كسب الطويلات شفقان=انشهد انه من كبار الزحوله
من لابت(ن) بين القبايل لهم شان=مطران بالطولات واصل الرجوله
علومهم وقت المعارك والاكوان=يثبت له التاريخ يامن قروله
مطير ياركبوا على الخيل فرسان=ياويل من حمر النواظر ثنوله
عدوهم من فعلهم دوم منهان=وخويهم من كل طيب(ن) حسوله
يردون حوض الموت في كل ميدان=ياشبت الهيجا ثنو وارتكوله
رد الثنا واجب على الناس يافلان=ومن لايرد الطيب تزري فعوله
ابمدح اهل الطيب ذربين الايمان=واخذ مع الاشعار صوله وجوله
مطران ياقلنا على العز مطران=كل القبايل وقعو واشهدوله
ولاسب انا الاجواد حضر(ن) وبدوان=كل(ن) على حقه تسابق خيوله
ومشكور يابشيَّر بأسم قصر برزان=قصر الشرف والطيب وارض البطوله

:
:
أخوكم
نهير النمش

::.....................................::

وللعلم أيها الأحبة انه تم ذكر قصيدة بشير المطيري... ورد شاعرنا قبل انتشار هذه القنوات في ديوانية شعرية معروفه كانت تبثها قناة الكويت لكن لا يحضرني اسمها وهذا على سبيل المثال لا الحصر!! وهذا كذلك يدل على انتشار هذه القصيدة المشرفة ورد شاعرنا نهير..الله يعطيهم العاااافيه جميع

....أتمنى أن تنال على استحسانكم يالعزوه....

ابو سراي

الله يعطيك العافيه وسلمت يمينك على نقل القصيده

وصح لسان الشاعر/ بشيَّر مناور الهجله المطيري وصح لسان شاعرنا المميز دائماً / نهير بن نمش الحسيني

وتحياااااتى للجميع

والله والف نعم بحمران النواظر


تسلم يابو سراي على ايرادها لنا بارك الله فيك ونفع بك
وصح السان الشاعر المطيري وصح السان شاعرنا نهير ابن نمش الف




تقبل خالص التحايا

اخوي سلطان


بارك الله فيك على نقل القصيده والرد

ماهو مهايط او نفاق لكن الرجال الي مثل

هذا وانا اخوك يستاهل المدح الرجل الحقاني

ينحط على الراس حنا بزمن المجامله والمهايط

وانا سويت وان فعلت وماعندك احد

لكن الدنيا تبقى بخير والطيب بعيون الاجاويد ماضاع


تقديري

اقتباس المشاركة الأصلية كتبت بواسطة أبوفهد ابو سراي الله يعطيك العافيه وسلمت يمينك على نقل القصيده وصح لسان الشاعر/ بشيَّر مناور الهجله المطيري وصح لسان شاعرنا المميز دائماً / نهير بن نمش الحسيني وتحياااااتى للجميع

صح بدنك ومرورك الدائم يابو فهد زادني شرف

والله ينفع الجميع

اقتباس المشاركة الأصلية كتبت بواسطة المشرف العام والله والف نعم بحمران النواظر تسلم يابو سراي على ايرادها لنا بارك الله فيك ونفع بك وصح السان الشاعر المطيري وصح السان شاعرنا نهير ابن نمش الف تقبل خالص التحايا

ومن قال سالم يابو غااازي

وصح كلك

وشاكر لك مرورك الطيب والدائم جزاك ربي الجنة

اقتباس المشاركة الأصلية كتبت بواسطة فيصل الجبرين اخوي سلطان بارك الله فيك على نقل القصيده والرد ماهو مهايط او نفاق لكن الرجال الي مثل هذا وانا اخوك يستاهل المدح الرجل الحقاني ينحط على الراس حنا بزمن المجامله والمهايط وانا سويت وان فعلت وماعندك احد لكن الدنيا تبقى بخير والطيب بعيون الاجاويد ماضاع تقديري

وفيك بارك الله اخي الغالي فيصل الجبرين

شاكر لك مرورك وتعليقك الطيب ياطيب وهو كما ذكرت في ظاهر منتشره في هذا الزمان

دمت بخير

الأخ العزيز سلطان بن سراي

تسلم يمينك يالغالي والله

ما ذكر المطيري الا الصحيح بيض الله وجهه

وسبعين الف نعم بالحميع

احترامي وتقديري لك

لاهنت يالعزوه على نقلك المميز والرائع دائما


دمت بود وعافيه



الف شكر

لاهنت اخي سلطان

على نقلك المميز والرائع دائما


دمت بود وعافيه



الف شكر