لاخاب ظنك / بقلمي

بعض البشر لوهو من ابوك ومن امك=لاترجي انه يقضي لازمك ويسده
لاصار ماهو معك ويعيش في همك=ماينفعك بالرخاء وفي حزت الشده
ماينفعك لو دمه يطابق لدمك=خيبت رجاء لو تحط يديك في يده
لاخاب ظنك بااخوك وفي ولد عمك=مالك على غيرهم شرهاتٍ تعده
يهب ياذا الزمن في شينته خمك=وخلاك تمشي حافي وانته على خده
وبعض البشر لو بعيدٍ عنك بيهمك=تجيبه النخوه اللي منك وتهده
ياقف معك حزت الضيقات ويضمك=حرٍ يصيد الجزيله حزت الهده

الاخ العزيز / نايف الشويب


صح لسانك على الابيات نعم هذا الحاصل في هذا الزمان


اللهم ياكريم ابعدنا عن الفتن ماظهر منها وما بطن

اقتباس المشاركة الأصلية كتبت بواسطة منصورالبخيتان الاخ العزيز / نايف الشويب صح لسانك على الابيات نعم هذا الحاصل في هذا الزمان اللهم ياكريم ابعدنا عن الفتن ماظهر منها وما بطن

الشاعر/ منصور البخيتان صح بدنك ولاهنت /

تحياتي لمقام سموكم الكريم :