يامرحبا / انشاء واداء محمد النايف

يامرحبا /
بمناسبة زواج الوالد / نايف عبدالله الشويب السليمي

يامرحبا بضيوفنا=اللي شافوا معروفنا
نشيلهم بعيوننا=اهلاً بضيوفنا الكرام
تو الليالي انورت=واعلام الحفل رفرفت
وكل الخواطر رحبت=مع التحيه والسلام
يامرحبا ويامسهلا=اعداد غيثٍ هلهلا
واعداد مااخضر الفلا=شوفتكم تجلي الظلام
على شرف ابوفهد=وجه المعالي والسعد
والشبل من ذاك الاسد=ابو تركي راع المقام
باسمه نرحب بالجميع=حضوركم مثل الربيع
ومن طاب طيبه مايضيع=له منزلن فوق السنام
اقولها من خاطري=اعبر عن مشاعري
نايف ابوي وشاعري=ابارك له باول كلام
على المكارم علمني=وحبل المراجل سلمني
مافيه يومٍ ظلمني=احب راسه باحترام
والطيب طيب افعالكم=والعود الازرق فالكم
والعاليه تبقى لكم=وسلامنا مسك الختام

كلمات وادا المنشد / محمد النايف

الاخ العزيز / نايف الشويب


الشاعر / محمد بن نايف الشويب السليمي

صح لسانك على الابيات الاجمل والاكمل واقول ماء شاءالله عليك وياليت تشاركنا في اقرب وقت

ونتمنى كل جديد من سموك واشكرك وبيض الله وجهك تحياتي لك

اقتباس المشاركة الأصلية كتبت بواسطة منصورالبخيتان الاخ العزيز / نايف الشويب الشاعر / محمد بن نايف الشويب السليمي صح لسانك على الابيات الاجمل والاكمل واقول ماء شاءالله عليك وياليت تشاركنا في اقرب وقت ونتمنى كل جديد من سموك واشكرك وبيض الله وجهك تحياتي لك

صح بدنك ولاهنت ومشكور على الاطرى الله يسعدك /

تحياتي لمقام سموكم الكريم :