ديوان / الشاعر محمد سوعان الربيع

فـرقـــــاك وهـبــــــــه ..........

لا تحسـب اني زعـلــت اليــوم لغيــابـك
فرقــاك عـنـي وبُـعــدك مـا يــضـــرّنــي
فرقــاك وهبــه وانــا مـن كـان يحيـابـك
وحتــى طيــوفك تطمــن مـــا يمـــرّنــي
وان مُت عــادي أبــد مـامــوت باسبابك
ويـمكن تــرا ســـكرات مـوتك يســـرّني
ما جيت يمـك ولكـن انــت وش جــابـك
ياللــي علـومـك مــن اول مـا يـجـرّنـي

بقلمــــي ...........

--------------( ياذيب وش علمك )--------------

ياذيب وش علمك .....

	ياذيـب وش علـمـك تـتـقـيت ياذيــب = ياللي مـن اول طيب صـوتـك جذبني صوتك يخـفف لـوعتـي والاصاويب = وليــّا ســــمـعتـه خـف جـرحً نـكـبني أقـنـب قنـيبك وارفـع الصوت وآجيب = واللـي اصـابــك يالسـريـحي أصـبني اخذت مـن صدمـات وقتـي تجـاريب = وجـور الليـالــي مــا غلـبتـه غــلبنـي ولا زالت اجروحي بروحي معاطيب = والـحـظ الاقشــر زوّد القـلـب غـبنـي ســـريـت ادوّر طمعتـي والمكـاسـيب = وعـوّدت مـفـلس والنـدم يـصطـحبني زادت علـي ياذيب كٰثــر المطـالـيـب = اقـرب قـريـبً يـالســريـحـي نـهـبـنـي الـعيـن غشــتُني ولامـن مـقــاظـيٰــب = واللـي بـغـانــي للأســف ما عـجـبنـي أمٰـٰــرً يحـيّـر صاحـبـيــن المٰـراتـيٰـب = وعــيّٰـت مـقــاســيم الـزمٰـن لايجـبـني ولولاه انا ماصار في عارضي شيب = وكيـف!!! الذي مـا واطنـه ينـتخُـبنـي يا ذيـب مـن دنيـاي شــفـت التعاجيب = نــوبً يهمـشٰــني ونٰــوب يـحســبنـي

محمد بن سوعان الربيّع

بيت الشرف والكرامه

بعد ان شـدني منظر لبيت الشعر مبني في راس عيطا طويله هنا
تهيّضت هواجيسي ودقت ناقوس الماضي المجيد حيث عادتبي الذاكره
وتفاعلت مع تلك الصوره المعبره
وولدت الفكره وكانت تلك الاحرف والكلمات المتواضعه والتي اتمنى ان تروق لاذواقكم
الراقيه ...

------------------------------------------------------------

بيـت الشرف والكرامـه

	يابيـت . يابيـت الشــرف والـكــرامـه = يالـيـتـها يـابيـت مـا اقـفـــت لـيالـيـك اقـفٰـا معـك يـابـيت معـنى الشـــهـامـه = ولا عــاد تـذكــر بالمـجالس طـواريك ولا عٰـاد لـك مــبنى بــرأس العــدامـه = ولا عٰـاد بـه طــرشً وخـيـلً حـوالـيٰك ولا عـاد ضـوّك يشـتعــم فـي ظـلامـه = ونجـــرً ينــادي وده الـظـيف يـلــفيـك اقـفـيـت عـنــا رافــقــتــك الســـلامــه = اصبحت ماضي واكثـر الناس ناســيك وعـيـنً بكـت لـك مــا عليـهـا مـلامــه = وكل ابلــجً يـا رمـــز الاجــٰواد يبكيـك يبكي عـلى الشــيخان وأهل الزعـامـه = اللــي تحــل المعـضــله والشـــرابيٰـك اللــي عـلــٰى خٰـد التــواريــخ شـــامـه = قبٰل ان يجي وقت الضعٰوف الصعاليك وقبـل الـدجـاجٰــه والـثـعـل والنـعــامه = قبـــل الــذي مـاجـاب لا ذي ولا ذيــك مـتــربـعـيـنً فٰــــوق ذروة ســـــنـامـه = هـذا الـوكـاد اللــي تـدوّن ابمــاضٰيــك مجــدك تـرك عبر التـوارخ عــلامـــه = بصمٰـة شرف يــا بيــٰت تبقى تباريـك وانـت الــذي بالنـفـس عـالـي مقـامـه = ولــو ابـعـدت يابيـت عنـا مشــاحـيـك يابيـت . يابيـت الشــرف والـكــرامـه = يالـيـتـها يـابيـت مـا اقـفـــت لـيالـيـك

محمد سوعان الربيّع

بســم الله الرحمن الرحيــم
اناشــد الاجــواد من كل بديـــده
(( وَمَنْ أَحْيَاهَا فَكَأَنَّمَا أَحْيَا النَّاسَ جميعا ))
نـداء لأعتاق رقبــة الشاب محمد احمد البشير الفدعاني العنزي .
------------------------------

اناشــد الاجــواد مــن كـل بديــده

	وين النشـامـا ويـــن ذربـيــن الإيمـان= اهــل الفعــول المـاضـيه والجـــديـده واعني هل الفزعـات والطيب فدعان=حمــر النـواظــر والســـلوم الحمـيـده يامن لهــم تــاريـخ يـذكــر بالازمـان = صولـه وجــولـه والليـالــي شـــهـيده ولــد وظنـا ماجد هل الصيت والشان= الجــد واحــــد والاصــل والبـديـــده لـيـا قـيل ويٰـن الـروم ياتون شـجعان = مثــل العـواصف لا تصـافـق رعـيده فدعــان يــوم الضيـق يـوم اللغا شـان= ارواحهــم يــوم المـــلاقــــا زهيــــده دون الخٰـوي والجــار ذربـين الايمان= يثـنــون لــو نفـس المعـادي عـنيـــٰده واليـٰوم يالفــدعــٰان يالـربـع. يااخـٰوان = غيثٰــوا ولـدكٰــم واعجـلـوا فــك قيــده المٰـال يذهٰــب والفعــايل لـهـٰا شــــٰان= والأجــر يبــقـى ويـتـٰزايــد رصيــده رّدوه لامـه وارفعـوا عُُـنهــا الاحٰـزان= تكـفـون ثــم تكــفــون فلـــٰوا حــديـده انتــم هــل الفـزعــات مـاهـي من الآن =مبطـي لـكــم منـهـج وكــلــن يجـيـٰـده وان جـيـت أعــــدد بالليـالي والأزمـان = اتـعــب وتتعــبـه احــروف القـصيـٰده يـامٰــا ويـامـا خصمــكم راح خســــران=هــذي حـقـايـــق والتـــوارخ شــهيـــده هــــذا نــدايـا اليـوم صــغـتـه ابقـيفــٰان= انـاشــد الاجـــــواد مــــن كـل بديـــده واقــول انـا تكـفــون مـــن قلب ولسـان= يـاهــــل الهــقــاوي والعـلـوم المجـيـده

محمد بن سوعان الربيّع ...

الصــدق نــور ..........

الصـدق نــور ..

	مـن لا نـشـد عنــي فـلا نـيـب نـشّـاد = ومـن يتـبع المـقــفـيـن مـالـي ومـالـه ماأنـشـد عـن اللي كبره اليوم يـزداد = وابـليـس يـبٰـــرالــــه وجــّود احبـالـه بعض البشر ازوال تـعجـبـك واجسٰـاد = وليّـا بـخصـتـه مـن اقـريّــب حـثـالـه ولـو يـسـتتر بالدّيــن كــذاب وشــعاد = مــا غـــرّنـــا هـــرجٍ يـقــولــه وقـالـه ولــو حـاول يـصـلّـح خطٰـايـاه مـافـاد = واللــي افبـالــي مــا تـصــوّر افبـالــه اقسـمت انا ماهـمـني راح وان عـاد = باللي رفـع فــوق البســيطــه اجبـالـه وكــلٍ على الممشـا وما كـان معتــاد = يشـعـب ذلــولــه ليــن ياصـل مجـالـه الصـدق نــور ومن مناهيـج الاجـواد = والكــذب خيبــة كــل رجـــلٍ عنـالــه الصــدق يُبنى فيه تـاريــخ وامجـــاد = والــزيـف مـثـل الـظـل عـجــلٍ زوالــه

محـمـد بـن ســوعان الربيــّع

الصاحب اللي صاحبه ما يملا......
ابيات مهداه الى جاري العزيز محمد بن خميس العبدي الشمري ابو فيصل
لما لهذا الرجل من مكانه واحترام في نفسي حيث عودنا على قهوة العصر يومياً الا ما ندر
اشتقت لتلك اللحظات الجميله وجلسات الرجال الطيبين وعلومهم الغانمه
فتذكرت تلك اللحظات اثناء وجــودي خــارج الممـلكـه فقلت تلك الابيات ....

الصاحب اللي صاحبه ما يملا

	ســلام يـاجــارٍ علــى القـلـب غـالـي = يامــن وقـــاره بالضمــايــر تـعــــلا مــني لبــو فيصــل كــريـم السـبالي = الصـاحــب اللـي صــاحـبـه ما يمـــٰلا مضـيفـكم يالـقـرم يـطـري افــ بالـي = مـدهــل ارجــالٍ بالمـراجــل تـحـــلا فـي مجلـسٍ تــزهـــاه بيـض الدلالي = وفـنجـال منــه اهــموم قلبي تـجـــلا ديــوان مـفـروشٍ بــزيــن الــزوالـي = وليــا لـفيـــنـا بـــه غـثـا القلب ولاّ مجلـس اقـروم من اقــروم الـرجالي = اللــي لـهــم قــدر ومكــان ومـحـــلا والله ثــــم والله مــانـيـــب ســــالــي = جـــارٍ ايـلامـن جــالــه الجـــار هــلاّ انـا اشــهــد انـك يا محمٰـــد مثـالـي = حـــرٍ يـــدل الغــانـمـــه. مــا ايـــــدلا حــرٍ مــقــره شـــامخـات العـوالـي = ومــن عـــدّ ينـبـوع المنـاعــيـرعـــلاّ ليـا هــــدّ كسـبـه نــادراتٍ اجــزالي = قــرمٍ عــن ســلوم العـرب ما تـخـــلا مــن لابةٍ يحشم بهــا كـل جــالـي = عــز الرفـيـٰق.وعــزوتــه لــو يـــزلا ريـف الضـعيـف اللــي حدتـه الليالي = وســــيوفهــم دون القصيره اتســـلا ونعـــمٍ بشـــمر يــوم جـالـه مـجـالي = شــمرهــل الطــولات زبــن المـجــلا اللابـــه اللـي صــدرت فـــ المعــالي = وكـــلٍ يشـــيد مجــدهــا ثــم يـجــــلاّ حـقـايـقٍ ماهـي جـديــده . اســمالي = تــاريـخها للمجـــد مــــا قــال كــــلا

محمد بن سوعان الربيع

مســاجـلـه بيني وبين :الشاعر حمدان الليفي السرحاني

(( ياقـربها يـابُعــدها يـابـن الاكـرام ))
_________________________________________

مساجله بيني وبين الشاعر حمدان الليفي السرحاني

	وين انـت ياحمـدان غــايـب لك ايــام= مـاشـوف لك يـانســــل الاجــواد عـيـنـه دورت جـــوالــك ودقـيــت الارقــــام=وعــيّــا يـجــاوب يــوم انـا قـلـت ويـنـه نشدت خـلانــك وربـعـك والاعــمـام=ولا احـدن عـطــاني عنـك علم ن وبينه ولو ماانت غالي ثم من ناسً احشام= ما انـشــد وحـق اللي حـرســـنا بعيـنـه مير انت وسط القلب تسكن وبه قـام= وقـــدرك بــذاتــي بـانـيــــلـه مـديـنه مثــل العُضيـد اللـي ذحــرتــه للايـام= لاشــفــت مـن دنيـاي ضــيـم وغبيــنه يـمنـاي انا والسـيف والرمـح واحــزام= لاكشــرت بـقــعــا وشــانـت اســـنيـنــه صـديـق صـادق وافــيً بـيـن الآنـــام=مثـل العـــديــم اللـي يصيـد السـمـينـه وان سلت عنـي عشرة ايام مـا انـام=وانـا الـذي للنـاس مـا ابـدى كــنيـنـه اضحـك بسـني واخـفـي همـوم وآلام= تنـزف جـروحـي والضـمايـر حـزيـنـه اخـشى شـمـاتـت كل عـفــنً ولــوّام= اودعــت آهــاتـي بـقــلبـي ســــجـيـنه اسباب من شالت خفـوقي من العام=واقــفـت وانــا قفّـيـت عنهـــا ابـحـينـه واليــوم ياحمــدان شــوقـــي لهــا زام=زوم الخلــوج اللــي تـــزايــد حـنـيـنـه شــوقـي لها يابن السراحين بـي دام= شـوق الـحـنـون اللـي تـراجي جنيـنه قريبـة ن واشـوفها ابـعـد مـن الشــام= نـحّـت مشـــاحيـهـا حـظــوظً لـعيـنــه مـن دونـهـا حــالت خنـاديـق والغـــام=وان غــيـر مـني لــغـم طـحـت بكمينه احسّــها قـصــة خيــال مـن الاوهـام= مــع ذا غــلاهـا مــا اخلـفنـه اسـنيـنه واليـوم يـامشــكـاي حـــتــى بالاحــلام= مــا شـافـت عـيـونـي بنـومـي ظـنـيـنه يــاقـربهـــا يــابُـعــدها يـابــن الاكـــرام= بـس الــوكـاد القــلــب مـعـهـا رهـــيــنـه

مـحمـد بن سوعـان الـربيّع

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,

فـرد الأخ حمدان بهذه الابيات الرائعه ...
حيـث يقول :

ياهـاتفـي صــابك صــواعيــق والــغـــام= وهــزيـتـتنــي هــــز المحـيــط لســـــفينـه
ولاّ كمـــا هــــز الصـــواريــــخ للشـــــام= وقــريـنـتـــك مـــا عــــاد مثـــله قــريـنـه
يا هــاتفـي لاابــريك من ديـن الاســـلام= خــليـتــــنــي مــا بـيــن شـــــــك ًوبـيـنــه
يا مـحمــد الســوعــان لـي قـطـعـة ايـام=لا دق جــــوالــــي ولا جــــــا ,,,رنـيـنــــه
مــا غيـــر يـافــــرز الـوغـــا يـابـن الاكـرام=مشــــغـول فـكــــري مـــن بــلاوي مـتينــه
اقــرا صــدى بـوحـك على الفيس باحكام=واتبـــــع اخبــارك كــــل شـــــيً ابـحيـــنه
حلــو المثـــايل صــــاغـهـا بـــوح ضـرغـام= بــدع القـــوافـي شــاقـــنــي لــه حـنـيـنـه
يـابـو فهــد يــوم النشـامــا لهــا اســـوام= انتـــم ســــنــام المجـــد . وحـنـا يـميـنـــه
هــذي حـقــايـق كـل فعــلً لــه ادغــــام= والفــرق واضـــح بيـــن هـــزل وسـمينـه
مـاهــي ســـوالــفً بـايـــهً يسـرد اوهـام= عنــوزً لــهـــم فــي قمــة المجــد عـيـنـه
وكـل العشــــــايـر وافيـــه وانــت قــــدّام= حـيـثـــك تســلسـل مـن فــروعً مـتـيـنـه
مـثــل النـــداوي لاعتـــلا كــف عــــــزّام= كــل المـــراجـــل عنــد كـفــك رهــيـنـه
امــا الهنــوف اللـــي ذكــرتــه مـن العــام= مــــا دري غــــلاوة ارض ولاّ خــــديـنـه
كـانــه مــن الخـفـــرات والقلـب لــه رام= ابشــر بهـــا لـــو كان عســـرً عــريـنـه
امــا تـجــــي بـالطيــــب ولاّ بـــالارقــــام=بـس عـلمـــن عـــن سـيّـد الغيــد ويـنــه
مــا يســتريـــح الفكـــر والحُــر مــا نـــام= تســـهر عيـــوني لجـــل تــرتـاح عـيـنـه
وانــا يـميـنـــك لاتـحــزمــــت بـحـــــــزام = مثـــل الفهـــد لاشــاف صيـــده ثـمـينــه
ادوس انــا الـرمضـا على شـانـك اشـمام= واســبي لـك العســرات لــو هـي مشـينـه
وامشــي على شـــوكً ولو حافي اقــدام=ولا هــمنـي ســطـي الجــروح الظـميـنـه
مثـــل الـوحــش آرد علـــى كـل مقــدام=وادغــدغ الفـاطـــر علــى شـــان عـيـنــه
ربـعــي قـــلايـــد لاانـتـخـــا كـل مـهيّـــام= اهــل البـويـضـــا والســـطر مــردفـيـنـه

حمــدان الليفــي الســـرحـانــي

( شـــوق البـــدو عقب المحل للربيعي )

اهــــــــــداء الـى زايـــد بـن ذيـاب الجبري الخالدي
ابو مسير اطال الله في عمره وابقاه .
وهي تعبير عن مدى تقديري واعتزازي باخوته
واشتياقي له ...

شــــوق البـــدو عقب المحل للربيعي

	ســلام يـا رجـــلً لــه القلـــب يشـــتـاق = شــوق البــدو عـقــب المـحــل للـربيعي ابطيــت عـنــا وانـت قــدرك بالاعـمـاق = عــالـي ويـبــقـا بالضـــمـايـر رفــيـعــي زايـد وانـا اشــهـد زايــد المـدح بـه لاق = واللــي مثــل شـٰرواك مــدحــه طبيـعـي مثــلك لــه الفنجــال يُـهـــدى و ينـسـاق = ويقصــر عٰـن اللـي مــا ابـزولـه نفيعي فيــك المـراجـل حـجـمهـا زاد ثــم فـــاق = يــوم الــردي فـيــه الهـقـاوي تـضـيعي مســرد حـكي وسـط المجـاليس لـقـلاق = وبـالضـيـق لـٰــو تنـخــاه مـا يســتطيعي ابــــرم مــع الطفـُٰسٰـات عهـدً ومـيـثـاق = وليــا دعــاه ابـلـيس لـبـــى ســـريــعــي مثــل الـغـراب اللـي عـلـى طـول نـعـاق = وكــلً بـمـوت احسـاس نـفـســٰه يـذيـعـي هـذا يابـو مسٰيّر مـع العــوق لـي عــاق = وقٰــربـــه غثــا مــا ينتـوصّف فـضيـعي مـار انـت للمعـروف والـخــيـر ســـباق = وبـينــك وبـيــن الشـــح ســــدً مــنيعــي حـــرً جـمـع ســـلـم النشـامـا والاخـلاق = والطــيـب مــا يقــواه كــــود الشــجيعٰـي عــون الــذي حـّده زمـانــه وبــه ضـاق = ضاقــت بــه افجــوج الـزمـان الوسـيعي عـانـا القهـرمـن غـبـن الايــام وارهـاق = واصـبح لجـور الـُوقــت عـبــدً امـطـيعي مـاقـلتــهــا لـي غــايـــةً وابـــي الارزاق = ولانــي مٰــن اللــي يشــتري ثــم يبيعـي هـذي حـقيـقــه صـغـتهـا فــوق الاوراق = بـاحســاس عــبــدً لليـٰـالــي صــــريـعـي قــدر ومــوده ليٰــن سٰٰــاعٰٰــات الارمــاق = ولا يخـتــلــف منـهــاجــنــا والـصنيـعي وصــــلاة ربــــي عـٰــــد مــالاح بـٰــراق = عــلــى نـبــيً للبـــــــرايـــا شـــــفـيـعــي

مـحـمـد بـن ســوعـان الربيـــّع

................(( طـعـنــة الوقت ))...............

طــعنــة الوقــت

	الصبـر مـنـي مـلّهــا وانــا بــعــد منـّـه مــلــول = واقـفـيـت وادري واقــعـي مــرً وكبـدي صابـهـا كابـرت لــي مــدّه وانـا محتار واطـمــح للـوصول = واغـظي ابعيـنً تبصـر اطـيـور العنا واسرابها النفس والله داريــه والعيـن شـــافـت بالفـضــول = والقلــب عــانــدني وانـا لي قـصــةً وادرابهـا حاولـت اسير ابركبها واكذب غلى نفسي واقـول = هـاذي امـورً تـافـهـه وارجـع واقـفــل بـابـهــا اغظي ليا شفت الخلل مجبر ومن نفسي خجول = قـصدي شــهـامة يعـربي ورثً وانــا أعـابـهـا اخشى شواميت العرب اخشى يقولون امهبـول =ويلـــومنـي مــن لادرى بالخــافـيــه وألــقابـهـا المشكله زادت معي واستفحلت عرضً وطـول = شــانـت وانـا اخـشى مابقى يلتـف مع دولابـهـا مــريت بظروفً غـدا قلبي من اقـدومه جــفـول =امسي واصبّــح بالغــثا والغــبن روحي شـابـها والكبـت ذابـوح الفـتى لكـن عـلى عـدة فـصول = يـــرمي عـديــمً بالـعـرب لو كان مثـل اعقـابـهـا ودي ابـوح بـمــا حـصل من هـمً وغـم وذهـول = ميـر الحــقيــقـه صــعـبـةً تـنقـــال يــاطــلابـهــا كنــي ابـارضً خـاليــه مـن كل مـخـلــوقً وزول = ويـا شـينها الغــربـه اذا مـاكـشرت عـن نابـهـا عبر السنين الخاليه سافرت وابحث عن حلول = وزودً عـلى خـيلـي ســرت يــم البعـيـد اركـابـها ابحث عـن الحظ الـذي ياللاسف صـار ابنــزول = وانــا اتـحـرا شـوفــتـه يرقـا ابـروس اهـضـابـهـا ماعـاد بــه ذرة رجـا تـرضي امـل قلـبً زعـول = مــات وتــوارا بــالثـرا حــدري عـميــق اتـرابهــا واصبحت نـادم والنـدم شـــرً ولا يـمكـن يـزول = طعــنـه ولا تبـرا أبـــــد ســــمً بــراس احــرابـهـا ولامن احجاب ولا ذرا عن طعنـة الوقت ابيحول = سـهــمً خـطير اليــا انطلـق للكبد قـظ احجــابـها هذي حياةً عشتها كـني عـن الناس امعـزول = ولاحــدً درا عـن حـالــةً عاشـت ابشــد اعـصـابهـا اضحك ابسني والخفا به جـرح ماجاله مثــول = ضاقــت بي افجـوج الفـظــا بـاطـرافها واقـطـابهـا ولوكنت انا مالك سوى من دنيتي كود امخلول= راحــة ضمـيري غـايـتي تســوى البنــوك ومابـهـا ماتنـومن دنيـا التعـب لافـود منهــا وامـحـصول = مـهــرة ســرابً جـامـحـــه نــدمــان يــاركـابهـا واخــذت منـها عبـرةً يامن بهـالـدنيـا جـهــول = انشـد امـجـرب واحــتـرص ولا كلـتـــك كــلابـهـا آمنت انا باللي خلق جمع الاوادم والـرســول = فـي رحــمتــه لــي طمـعـةً ياليـتـني احـظـابـهـا

مـحـمـد بـن سـوعان الربيـّع

(( يــا كبـرهــا ...... ياعبّـرها ))
.................................................. ......

يـا كـبــرهــا ... يــا عبـّـرهــا

	ودي اقـــول وكـــان ودي تـقـــولــون = ونـاضع نـقـاطً ســود فوق الحـروفـي ونبـيّـن الـغـايـات بــالـشـكـل واللــــون = مــن دون لــومً يـعتـريـنـا وخــوفــي نـظـهـر خـفـا شـيً بالاعـماق مـكـنـون = وتـرتـاح نـفـس لغـبنـهـا ما تشــوفـي نرفـع بهــا عـن طامـن الشك واظنـون = وهـرج الحقـايـق ما عليـه الحسوفـي ماهـــمنـا هــرجــة غـشـيـمً ومـفـتـون = ونـفـسه بمسـعـى كـل زيـفً تطــوفـي مـتـجــاهــلً شــيً بـه الـنـاس يــدرون = والشـك غـامـض والـوكـاد مـعـروفـي مايدري ان الصـدق له عضـد وعيـون = والناس لجـل الحـق تاقـف اصـفـوفـي الحــق لــه ســــيفً مـجـرد ومسـنـون = ماهـو كـمـا الباطـل ادعـاتـه اضعـوفي وفـي قـوة الايمان والصبــر مصيــون = وبـالـعـزم يتـحــدا الـزمـن والظـروفـي وش خـانـة اللـي كـل يـومً لـهـم لــون = ادنـــــاهــم اللــي لـلادنــي يـحــــوفــي ويـا كـبــرهـا ياعبـرهـا لــو تشـوفـون = ثــم ينكـشــف كـل خـافــيً لـلالـــوفـي وش عذرهـم واحججهـم وش يقولـون = لابـان وجــه النـورعـقـب الكـســوفـي ومـن يتـقـي ربً لـــه النـاس يـدعـون = مـا خـاب ظـنـه لارفــع لــه اكـــفـوفـي سبحان مـن لــه سـاير الخلـق يرجـون = الـواحـد الـلـي فــي عـبـــاده يـروفــي وصلــوا على المختار ياللـي تـصــلون = واعـداد مـا هــب الشـمـال بـهــفـوفـي

محمد بن سوعان الربيّع