ديوان / الشاعر محمد سوعان الربيع

صــوره من واقع المسلميـن ,,,,,,,,,,

صوره من واقع المسلمين

	ويـن الكـرامــة والقـيّــم ويــن الاخـلاق = ويـن ,,,الشــهامه ويـن ؟ يالـمسـلميـني شـــفنا الجـثث في بـورما تُحرق احـراق = وامــة مـحّـمـــد عــنّـهــــم غــــافـلـيـني مـأسـاتـهـم مـن شــــينها حـجـمهـا فـــاق = كـل المــآســي مـــن يســــار ويـمـيــني غـطـت عـلى مـا صـار بالشـام واعـراق = عـلـى يــد الارهــاب فـي كُــــل حـــيـني بعـــراقـنـا ,,, والشــام تقـطـيع الاعـنـاق = واهنـــاك,,,تـُحــرق جـثـتـه ,,مـرتـيـني تصـويـرهـم بالـذاكــره قـبـــل الاحـداق = ذبــح ودمــار يشـيـب منـه ,,الجـنـيـني اللي نشـوفــه يــرهـق انـفـوســنا ارهـاق = هـجـمــه عـلـى الاســـلام يالـمخلصيني

محمد بن سوعان الربيّع

معناي خيلـه تجتوّل
------------------

معنــاي خيـله تجتوّل

	افـرح انـا لاشـافتـه عـيني .يراقـب مـن بعـــيـد = ولــو ما تكلـم خــابـره . واللي بقـلـبـه خـابـره اقـرا مـلامح غـايـةً فـي نـظـرة عيـون الفـريـد = وللحُـر بالنظـرة هدف مــاهيب نـظـره عـابـره أبحـرت انا فـي نظـرتـه وأذعنت للموج العنيـد = ومابيـن مـدّه والجــزر نفسي ضرت ومـثابـره وليا شــطحبي مركــبي يرتــده الـراي السـديـد = واردع شـياطـين الوهــم بايـمان نفسً صابـره اشــب ناري للـدفـا ما اشـبهـا حرب او وعيــد = وبالعقل اعالج ما حصل والصبر كسري جابره واطرد شياطين الوهم وابـدا معٓ نفسي واعـيـد = وانسـى محطــاتً التعـب عبـر السنين الغابـره والبــوح لامنــه حضــر فـجّـر ينابيـع القـصيـد = هجسي تهـيّـض وانتهـض والشـك نقـطع دابره معنـاي خيلـه تجــتوّل مابـيـن مصدار او وريـد = جلجل بصوتـه وانتـهى صمت القهر وامكابـره والصبـر مـفتــاح الفــرج والله يفـعـل مايــريــد = والحــق لـه صــٰوتً قــٰوي بــه تحتفل منـابـره

محمد سوعان الربيـّع

المترديه ,,, والنطيحه .

في مثــل هذا اليوم 13 سبتمبر، 2012 ‏م‏ ·
‏الرياض‏

المترديـــه والنطيـحــه

	عسى الـذي مـع من يحبـون كـذاب = ما يـموت لكن يـنبـلي بـالفضيحـه وعساه في يـوم مـن الايام ينصاب = بامراض مـاتقـوى الاطبه تـزيحـه آميـن ياللي نــزٌل الـديـــن بكتــاب = وعساه من طيحه تصيبه ل طيحـه الكـذب داء لكل نفس ً بـه اتصـاب = وايقنت راع الكـذب مـالله يـبـيـحـه وجرح الخيانه لو يـداوون ما طاب = يبـقى نـــزيـفـه مسـتمر ونـضيـحه ومن خان مره يمكن يخون لو تاب = تبـقى ابدمه ليـن ياصــــل ضريحه ومـن بـاع نفسه ما تحراه لـو غـاب = بـاع وشـرا واقـفا بعـيـنً وكـيـحه هـذا الــذي ينـصك مـن دونـه الباب = ودي ابفـرقــا سـاهجيـن النصيحه لا ضاق له صدري ولا الدمع سكّاب = مـوتي ؟ ولا المتـرديه والنطـيحه وشــلي بعشـرة كـل خايــن ونصـاب = الله ,ولا قـرب والـوجيه القـبيحه عسى الـذي مـع مـن يحبــون كـذاب = ما يمـوت لكن ينتبـلي بالـفضيحه

محمد بن سوعان الربيٌع

,,,,,,,,,راعي الحــزم وسـنامه ,,,,,,,,,,


إهـــداء الى اخواننا وابنائنا صقور الداخليه الابطال العيون الساهره على أمن الوطـن
وابنائه ومقـدراته وحمايته مـن عـبث العـابثيـن واطماع الطامعـين الى تلك النفوس المتفـانيه نرفع لهم ارقى التحـايا والاعتـزاز والفخــرفــوالله لو كتبنا مجلدات من الشعر والاطراء
فـلن نوفيهم ما يستحقون من شكر والتكريم ,,,,

راعي الحـزم وسنامــه

	ياصقـور الداخـلـيـه يا مقابيس الظــلام = يا حُمـاة الشـعب كله والعيــون السـاهره الوطـن ينعـم بأمـنً تحـتمـونه بالسـلام = ياسـيوفً ضـد غـايـه للنفـوس الفـاجـره نرفـع اجـزال التحيايا والمحبه واحترام = من فئات الشعب كله بــدوها والحــاضره والفخـر فيـكـم ومنكـم ما يـوّفـيه الكـلام = ولا توصفه المعاني لو يصوغـه شـاعره بالشجاعه والجساره تستحقون الوسـام = شــوكـةً بحـلـوق ناسً بالضمير امتاجره ومن يخون الدّين هذا يعـدم بحد الحسام = ومن معاه ومن يؤيـد منهجه وايسـامره تحت راية سيد الاوطان سلمان الـهُـمام = راعـي الحـزم وسـنامه ذاك كـلً خـابـره والاميراللي وصوفه قد ورثها من الامـام = جـده معـزي وانا اشهد بالمكـارم غامره ذا ولي العهـد فارس للحرايب والسـلام = بالسياســه ,,والقيــاده تتـقــــد بصــــايره

محمد بن ســوعان الربيّع

,,,,,,,,,خلفـة هـل العوجـا ,,,,,,,

خلفة هـــل العــوجـــا

	يالله تعــز الممـلـكــه واتّحمـاها = من كـل شٰـر وكــلً فـتـنه وخـوّان اهـل الحسد واللـي بحقــده نـواها = يــالله عليهم تنصر القـرم سـلمان اللي بحزمه والعزيمه شٰــراهـا = خلفـة هل العوجٰا سلايل كحيـلان نسـل الـذي في حنكتـه ورد ماها = عبد العـزيـز الفيصلي راعي الشان بحكـم الشريعـه والعـداله ولاهــا = بالسيف طـوّع كٌـل فاسق وشـيطان من شرقها للغـرب وحـد. ثـراها = من طريف وحدّها الى حـد نجران ليــن أعلنت كـل القبائل ولاهٰـا = اهــل البحر والبــر حضرً وبـدوان منــا اخــذ صدق النفــوس اوفـاهـا = وارواحنا ترخص الى خير الاوطان بيعــة وفـا شعـب الجـزيره عطـاها = وهبــه لآل ســعـود ماهي بالاثمـان مــن اول الدنيــا لـيــا منتهــاهـــا = نبقى لهــم جنـدً على طـول الازمـان ما هـمـنا اللـي يشـتغـل في خفـاها = اللـي يـجــازون المــــوده بنكـــران ومـن باع دينه والوطـن وانتـواها = هــذا ومـن مثله طــعــومً لشـــامــان عـصابــةً يــالله ,,, تقـــلـع مـداها = لاديــن لاذمــه ,, ولا ذرة ,,, ايمـان يــالله تعــز الممـلـكــه واتحـمـاهــا = بقيــادة ال ســعود والقــرم سـلمان ومحّـمـد الســـلمـان فيـه انـتـباهــا = ولـي عهــد الـممـلكــه طير حــوران

محمد بن سوعان الربيّع

حشــد النـدامــه

حشــــــد النــــــدامـه

	يالـيتــني جــنـبـت بعـض المخــاليٰـق = وعـن مـنـةّ الانـذال كٰــرّمـت دقــني واللي هـقيت ابـه الفـرج حـزة الضيـق = خـيّـب مُنـاي وبـالـملامــه صـفـقـني حـشـد الندامـه ضيّــق الصدر تضيـيق = ومنـيـن مـا صٰـديت طٰـيـفــه لحـقـــني المـوت .ارحـم للـحٰــرار المطــالـيـق = وليت القــدر من قبل اجي له سـبقـني

محمد بن سوعان الربيّع

انشــد احســاســك ,,,,,,

انشد احساسك ...

	يامن سـكـن في خــافـقي واسـتقرا = لالا تقول ان كل مـطرود ملحـوق كــم لـي وانا فـوق الجحـيم اتحـرا = والصبر قاسي والزمن صارلي عـوق الحـظ بــدٌل خـيـر الايـــام شـــرٌا = والغبن ناره تكوي القلـب بحروق ارفــق بقلـــبً للجفــا مــا تضـرا = وراعيـه دايـم ترتفع هـامتـه فـوق قـلبي من اصحاب الوفــا ما تبـرا = ومن عادة الخفاق يعشق هل الذوق ولا احب انـا اللي بالحـديـث يتزرا = القلـب عيٌــا لايــدانـي هــل البــوق عطني وعد واعطيك هرجً يسـرا = وآتيك انـا لـو قالوا الناس مطفوق آتـيــك انــا لو كنـت فـ بــلاد بــرٌا = وافرش لك افوادي وجفني مع الموق اجلـس لحـالك بالخـفــوق وتــذرا = وقبلك ابـد ما صار به كل مخلووق يـذريــك عـن هـمً وبـردً وحــرٌا = وانت الـذي به بالغلا غيـرمسـبوق وابحث احساسك وانشده وش أسـرا = ينبيــك عن مـا يكتـم القلب يا شوق

محمد بن سوعان الربيٌع

ظعــون المقـفّـيــن ,,,,,,,,

--------------------------------

ظعــــون المقفّين

	ياقـلـب لا تـتبـع ظعـون المقـفّـيـن = ‎اللـي ســعـوا بجحـودهم يطعـنونك عقـب الوفا حـل الجفـا والقسا الشين = ‎باعـوك فجـأه واحسب ان يشترونك اللي تنكرلك واهــو حالـف ن ديــن = واقســم وعـاهــد للابـد مـا يخـونـك يقول اموت ان غبت عن ناظر العين = ‎وصدّقت ياقلـب العنا . من جنونـك واليــوم انا بنشدك هـم وينهـم ويـن = ويـن العهـد كـان انهــم. يحـتـرونك ويـن المسامـر والـولــه والتلاحـين = ويـن القصـيد اللي يهيّض اشـجــونك والشوق وينـه ! مـا بقـالـه عناويـن = ناره طـفـت.. والحـظ خـيـّب. اظنونك اقـفـا وعــنا ,,قـد نحـوه الشـياطـيـن = وحالــت مسـافـات المُـقـآسـيم ,دونـك واليـوم انا اعـزيـك في مـوت حييـن = ماتــوا عسـى رب الخـلايـق بعـونـك يا قلـب ,,,لا تتبع ظعـون المقـفّيـن = لا تحتــري يا خـــافـقي مـن يخــونـك

محمد بن سوعان الربيّع

الكي آخـر طـب ......

الكي آخــــر طـــب

	الـهـــرج لامــن زاد قــــلّ اعــتبــاره = وراعـيــه مابيـــن المخـاليـق ملــقـوف ومـن لايـحشـم النفـس يـذهـب وقــاره = يعيش عمــره فــي مـلامات واحسوف وحـقـران بعـض النـاس فــن وشـطاره = والحُــر قـالـوا عـادتـه يـبعـد الشـوف والصبـر عــاده للاصيـل ,,و نـمــاره = وترى ا لتغاظي نـوب مـايـعتبـر خـوف وحسبي عـلى اللي يشـعـلون الشراره = فـتـنة وكذب وزيـف والحقــد مردوف مـا خـافـنـي يـااخـوان ضــبـع المـغاره = وغـربـانها لـو جات من يـمي ارفـوف مــا هــزنـي كــوبـان لــو شــن غــاره = لاشـك تـراه مـن الحسـابـات مـحذوف يـلـقـى عــلاجــه وان بـغـى بـانتـظاره = والكـيّ آخـر طـب للـغـش ,,مـوصوف وكـلــن عــرفـنـا مـبـتـغــاه ومـسـاره = حـيث المنافـق لاعيّـن النـاس مكشوف وبعض العــرب ياجـب عليـنا احتـقـاره = وتهميش مـن مثـله جـماله ومـعـروف والـحـــق لابــد مـا يـبــن ,,انـتــصــاره = منصـور والباطل ســواعيفـه اضعـوف

محمد بن سوعان الربيّع

صـــــــــــوت . وصــــدى .

ارسلي الاخ والشاعر فراج بن دخيل الله الحربي
هذه الابيات حيث يقول :
((السلام عليكم ورحمة الله وبركاته .
اوجه هذه الابيات للشاعر الكبير
محمد ابن سوعان الربيع عبر هذا المنبر الرائع))

باشرح مصابي بالهوى لبن سوعان = عســاه يـوصف لي عـــلاج المحبين
قلبي رهـينه عنــد مدعــوج الاعيان = مسـجون مابيــن الثنـين المسـاجـيـن
وانا خذيت الثقــل من ضلع ورقــان = ماني خفيف وارجحت بي مــوازين
خفـت مـوازيني وزاغــن الاذهــان = ثقل العقـول تــزوغ مـع كامل الزين
ظبيٍ يذايـر مع طرف جـول غزلان = ماراح فـي درب القـنوص المتـاقـين
جـاني وانا جالس عـلى جـال غدران = جابـه لهيـب القيـض والناس لاهـيـن
ولـدت بعيــنٍ خلـت القلــب مـرضان = تـودع ثقيــل العقــل مثـــل المجـانين
ولجّت ضلوعي بالعوى مثل سرحان = لاشـــاف رعيـــان الـرعـيـه مقـفـيـن

الشاعر :
فــراج بن محمود بن دخيل الله الحـربي
--------------------------------------------------------------------------------------------------
انا معـك يـا صاح فـ العسـر واللــين
----------------------------------
هذه الابيات رداً على الشــاعــر فـراج بن دخيل الله الحربي
متمنياً ان تحوز على اعجابه واعجاب الجميع
مـع التحيه والتقدير .......

انا معـك يا صاح فـالعسر والليــن

	ارحـب هـلا مليــون ياذرب الايمـان = واعــداد مابالـبيت طــاف الملــبيـن واعداد ماهز الهوى روس الاغصان = واعـداد منبوت. الزهـر فــ البساتيـن بالشاعر اللي صاغ قـافـــه بالاوزان = وانشئ ابيوتً تطرب القلب والعـيـن يامرحــبا وحييت مـن قلـبً ولســان = صديقي اللي من حمــولـة عـزيزيـن ارسـل بهـا فراج خـلفـة هــل الشــان = من حـرب سـاسه والرجال المسمين ومـن يومهـا نــوم المخاليـق جافــان = سـرابي الهـوجـاس والناس غـافـيـن هاض القريح وزان مسحوب الالحان = ومـن شــرّد القيفان صغت العناويـن ومـن خصني معناه بحــروفً اسمان = يـاتي عـجّــل ردي ولا اقـول بعديـن فراج يشكي حـب مدعــوج الاعيـان = والحـب عـذب فـي قلـوب السلاطين قبلك نمـر من لوعته صابـه اجنـان = قـالــوا على وضحا تـعــدا المجانين وقبله وعقبه يابــن الاجٰواد وفرسان = حضر وبدو واللي من الهند والصين تبغـا النصيحـه والنصايـح للانســان = كالنـور فـي ليـل الــدجـا للفـهيـمين بلسم جروح اللي من الحـب مرضان = حـيث النصايــح تنشـرا بـالبعـاريـن نصيحتـي بـالصبـر تكســب والايمان = وانا معـك يـا صاح فـ العسر واللــين وان كـان خـلك صادقً يـا كحيـلان = ابـذل جهــودك فـي جـميــع الميٰاديـن حيث الاصايــل مـا اتعـادل بالاثمـان = ولاهن. خـزايـز للضعوف المساكيـن مـا هزنـا حـكيً علـى غـيـر بـرهٰـان = مـا دام ممشٰانا على الشـرع والـديـن

محمد بن سـوعان الربيع

الاثنين 6 محرم 1439 هجـريه
27/ 9 / 2017 ميلاديـه