ديوان الشاعر / نجم الشعر

ان قاله الله / بقلمي

	ان قاله الله يالنشامى على خير=تبي تزين وكل عسرٍ يهوني بامر الذي رزق من الخايع الطير=وخلاه يغرد فوق ذيك الغصوني اول نهاره ضامر البطن ومغير=وآخر نهاره جر كل اللحوني يالله يارب الملاء والمقادير=تمطر سحابٍ شاهدنه عيوني اخيل برقه بالمزون المزابير=كريم يابرقٍ بذيك المزوني الخير عند اللي يفك المعاسير=يعطي عطايا والبشر يمنعوني ان قاله الله نحتفل بالتباشير=غصباً على اللي طبعهم يحسدوني

نايف الشويب السليمي

ياعديل الروح / بقلمي

	ياعديل الروح لاتبحث خفاي=في غرامك في هيامك يالحبيب دام حبك هو عنايه هو بلاي=ارحم اللي طاح في حبك صويب دام شوفك ياحبيبي هو دواي=انت جرحي وانت علاجي والطبيب في غيابك اظلم الليل بسماي=والسهر والنوح والخاطر كئيب اتصبر والصبر حده مداي=مانطيقه والهوى دربه صعيب ياحياتي ياغناتي يامناي=انت حبي وانت حظي والنصيب الجمال اللي تحوزه ياهواي=هو سبايب جرح قلبي العطيب كان ودك في حياتي مع بقاي=خل قلبك دوم من قلبي قريب

نايف الشويب السليمي

يامرحبا /
بمناسبة زواج الوالد / نايف عبدالله الشويب السليمي

يامرحبا / انشاء واداء محمد النايف

	يامرحبا بضيوفنا=اللي شافوا معروفنا نشيلهم بعيوننا=اهلاً بضيوفنا الكرام تو الليالي انورت=واعلام الحفل رفرفت وكل الخواطر رحبت=مع التحيه والسلام يامرحبا ويامسهلا=اعداد غيثٍ هلهلا واعداد مااخضر الفلا=شوفتكم تجلي الظلام على شرف ابوفهد=وجه المعالي والسعد والشبل من ذاك الاسد=ابو تركي راع المقام باسمه نرحب بالجميع=حضوركم مثل الربيع ومن طاب طيبه مايضيع=له منزلن فوق السنام اقولها من خاطري=اعبر عن مشاعري نايف ابوي وشاعري=ابارك له باول كلام على المكارم علمني=وحبل المراجل سلمني مافيه يومٍ ظلمني=احب راسه باحترام والطيب طيب افعالكم=والعود الازرق فالكم والعاليه تبقى لكم=وسلامنا مسك الختام

كلمات وادا المنشد / محمد النايف

مسلسل سمير غانم / بقلمي

	عجلوا علي وكل ماطاب جيبوه=ياللي لكم وقفات وقت اللوازم واللي وده ينام للنوم خلوه=لاصار ماهو باللوازيم جازم واللي يجيب الطيب ياناس حيوه=رجلٍ على فعل الموجيب غانم وطيب الرجل لاقام يعرف به ابوه=ومااحدٍ على النوماس ياناس نادم ترى الوفاء كل المشاكيل سووه=والا الردي رده على الست هانم ماتفرقه عنها بالافعال ياهوه=قصة غرام مسلسل سمير غانم والا النشامى كل ماطاب حاشوه=على الوفاء والطيب حطوا سلالم وعجلوا علي وكل ماطاب جيبوه=ياللي لكم وقفات وقت اللوازم

نايف الشويب السليمي

قله ماهو للبيع / بقلمي

	ياراعي المعرض ترى الجيب هذاك=خله يوقف لين رزقي يجيني اللكزز اللي شفت تراه بحماك=احذر تبيعه دام شفته بعيني لوجاك من يبغاه وفي ماله اغراك=قله ماهو للبيع خلك فطيني لين السحاب اللي به الغيث صكاك=يروي ديارٍ امحلتها السنيني اخيل برقه صوب ناسي هذولاك=من يوم شفت البرق زاد الحنيني يا الله ياللي فوقنا درت الافلاك=تجعل مفتاح الجيب قبضت يميني انت الذي يارب تغني عطاياك=وعطى البشر محدود لوهو ثميني

نايف الشويب السليمي

هات الخبر / بقلمي

	ذبحتني يازين في قولتك ليش=مدري تغلي منك والا غشامه وانا على شانك هجوسي طواريش=اسهر وغيري مهتني في منامه ماظنتي لاغبت عن عيني اعيش=ارحم حياتي ياشبيه الحمامه يسري بي الهوجاس ويلعبي الطيش=من شافني يقول مدري علامه اهل الهوى والحب ناسٍ خواريش=من لامهم ياعل يظلم ظلامه حلفت مااسمع فيك قول الغواشيش=ناسٍ على العاشق تقول الملامه ياطير ياللي بالسماء تنفض الريش=ميِّل على من ساقني في غرامه غرون على الكفين حط النواقيش=عشر وثمان سنين عمره تمامه ياطير جعلك سالمٍ دوم وتعيش=هات الخبر لاجيتني بالسلامه انا ذبحني صاحبي بالرواميش=الموت بين العين والابتسامهه ياليت خلي يرحم الحال بشويش=عليه قلبي تايهٍ في هيامه ومن غيرها ياطير مافيش مافيش=يغنيك عن طول الكلام انتظامه

نايف الشويب السليمي

يامدوِّخ الالغاز / بقلمي
هذه القصيدة موجهة الى الشاعر/ الكبير احمد بن ناصر المحرج

يامدوِّخ الالغاز / بقلمي

	يامدوِّخ الالغاز بالفن والذوق=لاجبتها فجت خوى الذاكره فج احمد بن ناصر بك المعرفه فوق=من يجهلك وانته على قمة البرج معناك يصنعها من الراس طاروق=لانك المحرج اللي احرجتها حرج يقوم لك نظم الطواريق ويفوق=وعن ميلها عدلتها مابها عرج يالشاعر المعروف يا راعي الذوق=يامسرج الافكار بالنايفه سرج ابسألك لو كنت ماانته بمسبوق=لو اقفلوها جبت مليون مخرج عن الذي يجري مع الدم وعروق=مفعوله اللي وحَّد الكل بالنهج الله عطاه السر في كل مخلوق=سبحان من خلا المطر يسبقه عج فكر بحل اللغز ياراعي النوق=وعطني جوابه زين ماينفع الهرج وسلامتك ياعل ماينولك العوق=روِّح وانا اروِّح والاوراق بالدرج

نايف الشويب السليمي

ياموظف الفندق / بقلمي

	ياموظف الفندق انا ابيك تسمح=ادخل واشوف السيب مع الجناحي روح معي لاقلت لك افتح افتح=ودي اشوفه لين يتم ارتياحي والموعد الثاني مع الزين نفرح=ليلة عمر يزيد فيها انشراحي نقضي طوال الليل نسرح ونمرح=نسرح ونمرح لين وقت الصباحي على الكتاب وسنةٍ كلها صح=يالله توفقنا طريق الفلاحي الكل منا بالتوافيق يطمح=يالله تكلل امرنا بالنجاحي باسم الله المعبود نمسي ونصبح=وعين الحسود نسدها بالرماحي

نايف الشويب السليمي



ابوفهد

عينتها يامير / بقلمي

	عينتها يامير ذيك النعامه=يوم انت تحكم جور باللي سرقها يجيبها والا يجيب الجهامه=خليته كل ابواب ربعه طرقها صحيح انك يامير فيك العتامه=بس الحقيقه حكمكم له فرقها بان الصديق وبان رجل الهلامه=كلٍ يرهن بالمده اللي رفقها من ريعها يلقى العوايد امامه=والسابقه تسبق ومااحدٍ سبقها احدٍ ربح من فيض سوق اليمامه=واحدٍ على خده يمينه صفقها راع الرداء يجيبها بالغشامه=وراع الوفاء كل المعالي عشقها ونختم قصة اميرنا والنعامه=والمعترض يقوم يشرب مرقها

نايف الشويب السليمي

طيفه يزاورني / بقلمي

	قالوا تريَّح قلت ماني بمرتاح=لين الحبيب اللي هويته يجيني اللي زهاه الزين والوجه وضَّاح=ماارتاح لين اشوف صاف الجبيني في عينه اليمنى قوى الجيش برماح=وفي عينه اليسرى الحرس جاهزيني انا اشهد ان الزين ياناس ذباَّح=انا اشهد انه بالهوى مبتليني ابيع واشري بس ماجتني ارباح=مع صاحبي اصبحت صفر اليديني ياطير كانك طرت وهزيت الاجناح=قله يروف بحالتي يحتويني من عقب خلي ماتهنيت بمراح=حسبي على من حال بينه وبيني طيفه يزاورني عن البال ماراح=ابيه والله مثل ماهو يبيني الحب لقلوب المواليف جرَّاح=وانا عانيت الحب طول السنيني يازين دامك للخوافيق مجتاح=ارحم حوالي ياحياتي وعيني

نايف الشويب السليمي