من الأرشـــيف:اكتم السر واخشى قول راعي علوم

اكتم السر واخشى قول راعي علوم

اعرضها امام النشامى للتواصل

والله اني بصدري للسوالف كتوم = دام حد السوالف للخطوط الحمر
خايف أقول شيٍ يلحقن منه لوم = وما يحس الحرارة كود واط الجمر
اكتم السر واخشى قول راعي علوم = أويقولون عني ماصدق في خبر
لكن ان زاد الأمر لحدّ لمس الخشوم = التدري اعرفه مايزيد العمر
هيه ياللي تحاول مسح بعض الوسوم= النجوم اللوامع ما يتحولن سمر
والله اني أحاول اقتدي بالسلوم = وادري ان المراجل ينبغي له صبر
واترفع بروحي عن ردي العزوم = واتجنّب مرافق كل صاحب كِبر
وان لقيت اليتامى صرت ابوٍ رحوم = وان لقيت الأسُود اصير ليثٍ نمر
وانتخي بالحرار ولاانتخي بالرخوم= ومن يريد الصقارة يقتني له صقر
والضيافة ما أحبه لوكثر به لحوم = مطعمي زاد بيتي لو هو مي وتمر
وان نويت الضيافة عند بعض القروم= مطعمي منه بنٍ من دلا لٍ صفر
وكل رجلٍ يناظر نظرته للنجوم = ان تردى مسيره وصّله للقمر
ويالله اني دخيلك عن خطات الظلوم= ان تركته تمادى وان نصحتة فجر
كنه اللي يدلل وبيعه اليوم كوم = تشتري من خمسٍ خذ هدية عشر
في لسانه كأنه راكبن له عزوم = ويتقمز تقمز بين جرف وشجر
والبحر من نزل به لازمٍ انه يعوم = ومن جهل بالسباحة على عمره خطر
وآخر القيل اختْمه في صلاةٍ تدوم = على من صار جاره ابو بكر وعمر
مرقده وسط طيبة وعن خطاه معصوم = عربيٍ بأصله وسِيد كل البشر

سطم فهد الخليل

لاهنت لاهنت ياخال على هالرائعه
ابو فهد
أتشرف أن أكون أول المعانقين لها فاضلي
صح السانك مدد بلا عدد
خالص التحايا لسمو شخصك النبيل

كبير يابعد حيي 000 سطم بن فهد الخليل 000 صح السانك 000 ملايين 000 ولا يكفون

كفؤ والله يالنشمي
الشاعر سطم بن فهد الخليل
صح السانك الف
احترامي لجنابك

الله الله

نص فاخر وشعر زاخر بالشموخ والرجوله وشيم النبلا

الشاعر الكبير / ابو فهد

لافض فوك وخاب حاسدوك ايه الشعر الجزل الشهم

ارشيفك ذهب وانت ذهب الف صح لسانك وطاب فالك

تقبل مني كل التقدير

اللهم صل على محمد وعلى اله وصحبه اجمعين
ابو فهد
كفو والله
وافي وراقي
صح بوحك
وطابت روحك
دمت بخير

عسى من يحسدك يابو فهد للعمى ان شاء الله
ذهب ومذهب ومن خيره الرجال فديتك
صح السانك الف
تقديري لك يالنشمي
م ح ا ر ش

الله الله الله
اللهم صلي على محمد واله وصحبه اجمعين
ابو فهد كفو والله يابن الضياغم عزالله قصيده رائعه
من شاعر رائع وراقي ومميز صح لسانك وجادبيانك

تسلم على هالشامخه بشموخ شخصك الكريم يابو فهد
صح السانك الف
تقديري لحضرة جناب

لافض فوك شاعرنا ابو فهد
وافي وكفو يالعزوة
صح السانك مليار
تقديري لك