28-02-2008
|
#1 | |
|
اختبار لمدى(الحميه والفزعه) على ارض الواقع
الحميا والفزعه خصله من خصال الطيب المحبوبه للجميع لاسيما الاباء والاجداد الذين ضربوا لنا اروع الامثله على الواقع بحمياهم الشهيره وفزعاتهم المؤثره والا فمالذي دفع الامير عبيد بن رشيد لغزو امير عنيزه بعد صيحة الاسلميه الا الحميا والفزعه والنخوه ليبرر قتله لامير عنيزه بقوله:
يامن ينشـد لاجلنـا الخـالـديـه=وشلون كـيفه يوم خلي المكاني ذبحت زوجه فوق بنت العبيـه=عامين ما شـمه عريب الحصاني كله لعيني صيحـة الاسلميـه=ارخـيت صرخه في طوال الاذاني وش اللي يحلل دمنا بالضحيـه=وانـتـم يحـرم دمـكـم برمـضانـي ومالذي دفع الشيخ هايس القعيط للمسير من اقصى الجزيره الى نجد لاجابة صيحة الشويهري الا الحميا والفزعه ليشهد له بذلك علم من اعلام الشعر والرجوله سعدون العواجي بقوله:
سباعن كلنه بالجزيرة ديرها=سباعن جـذبـها الصوت قبل المـماتي هايس ورى الشطين يمي عبرها=عـبـر عـلـي بالـثـار شط الفراتي بالسربة اللي يـوم ربـي نصرها=خـلـو عـيـونـي بالدجى ساهـراتي والامثله كثيره ومن الصعب ان تحصى والا لطال بنا الكلام 00 قال القريفه:
ياجـمـاعـه كـيـف مـافـيـكـم حـمـيـا=كيـف صياح الضحى ماتسـمـعـونه لابغـيـت الهون درب الطـيـب عـيـا=حالفن مااضرب على درب المهونه ولكوني ارى ان هذه الخصله بدأت تضعف نوعا ما عند الاكثريه من الناس الا مارحم ربي فقد قمت اردد الاسف على ذلك في اشعاري مثل:
الـصـداقــه قـلـيـلـن بـالـعـرب مـن يـحـوشـه=ويـن تـلـقـى رفـيـقــن كـالـسـحـاب الـنـواشـي لاتـثـاقـلــت حـمــلـك مـن مـداحــم هــروشـه=وشـفـت الاقـدام غـاصت بـالـدروب الـهـلاشـي يـصـطـفـق تـقـل ذيـبـن والـشـوازن تـنـوشـه=مـايـقـول الـمــشــاكـل مـالــنــا بـه مــهـاشـي رفـقـة الـنـاس صـارت في مكـاسب قـروشــه=والـمـقـاديـر شـالــت جـامــعــيــن الـشـواشـي طـيـب الاجـداد سـافـر فـي مـحـامـل نـعـوشـه=واكـثـر الـنـاس عـظـمـن مابـقـى بـه عـراشـي وقد اتهمني البعض اني انظر نظره تشاؤميه في اشعاري وان الوقت افضل بكثير مما وصفته به في اشعاري المتعدده ولذلك خطرت لي فكره غريبه هذا اليوم ( وان كنت لست ممن يحبذ هالاسلوب دائما) فقلت سوف اقوم بعمل اختبار لقياس قوة الحميا والفزعه في هذا الوقت فقمت بأختيار ستة اشخاص يجتمعون في مزاياهم امامي في الاتي: 1- جميعهم من ذوي الدخل المحدود واحوالهم الماديه عاديه وكل واحد راس ماله معاشه0 2- انهم ليسوا ممن اتصل بهم يوميا لتكون العلاقه قويه جدا وانما تجمعنا المناسبات والشعر والتاريخ0 3- جميعهم متقاربين في العمر واعمارهم في بداية الاربعين 000 فقمت بكتابة ابيات توضح اني متضايق جدا ولدي ظروف قاسيه ووضحت فيها كونها مني انا وارسلتها لهم جميعا في الساعه الثانيه ظهر هذا اليوم وهي:
(يافلان)صدري من همومه ضايق=من ماقـفن يحرج خفوق الراوي ساقـن عـلـى بـلـواك والله سايق=وترنـي رفـيـق ولـلـرفاقه ياوي رقـمـك قـبـالـي قـام بـس يـوايـق=وقلت اشتكي للذيب دامه عاوي لو شال مـنـي فـوق مـاهـو طـايق=دامـه رفـيـقـي لاكـوانـي كاوي وان صار جـور الوقت دونك عايق=خله عسى غـسـلانـكم للهاوي وكانت النتيجه مؤسفه بالرغم من وضوح المعنى والحاجه للفزعه قدر الامكان حيث كان الوحيد من السته اللي جاوب وتحيزم وقال ابشر بسعدك وارسل رقم حسابك هو الشاعر مناور بن محمد السويدي فقط بعد مرور اثناعشر ساعه على الاختبار00 حيث قال ردا على ابياتي:
لالا يابن غسلان لا تتضايق=في شاية اللي فوقنا علاوي حنا نعرف السلم والطـرايق=وخـويـنـا مانـتـركه للهاوي حـنـا ترانا بالزمان الجـايق=محـتـاجـنـا باللازمه غناوي ايمر وانا انـفـذ وبالي رايق=وهداج تيماء مدهل الرواوي تاريخـنـا تـوجـد بـه الحقايق=واكيد ماتخفاك دامك راوي لنقل واحد كان نائم طول الوقت وواحد كان مسافر مثلا بحثا عن الاعذار ولكن ان يكون جميع الخمسه نائمون او لم تصلهم الرساله فهذا مستبعد 00 وانا اعلم ان الاكثريه احوالهم الماديه ليست جيده ولكن ليس لزاما ان تدفع شي وتقدر ان تعتذر او تطلب منه الانتظار ولكن عليك ان تجعله يحس بأهتمامك به وبهمومه ولاتكن كما قال الشاعر:
لقد اسمـعت لو ناديت حـيـا=ولـكـن لاحـيـاة لـمـن تنادي ونارا لو نفخت بها اضاءت=ولكن كنت تـنـفـخ في رمادي وهذا الامتحان الطريف يوضح ان هناك خللا ما وعلينا علاجه لان ذلك حفاظ على خصال
الطيب والفخر التي سار عليها الاباء والاجداد لكي لاتضمحل شيئا فشيئا 000 تحياتي العطره000 ابن غسلان 19-2-1429 للهجره |
|
جرح العرب للي من الجرح داواه=واللي من جروح الليالي يشيله
ان ماوصل للي وصل له وساواه=حط الافاعي بالخفى في شليله 
|
|
28-02-2008
|
#2 | |
|
الإدارة
|
السلام عليكم
رأوينا الكبير والقدير ابن غسلان اتشرف بأن اكوت أول المعانقين لماتخطه اناملك في هذا المتصفح ، سلمت اياديك الحقيقة اقف انا وقلمي البسيط احتراما وتقديراً لشخصك الكريم ولقلمك الذهبي الراااائع كم انت رااااائع يابوفهد بمواضيعك وقصائدك بارك الله فيك تعليقي البسيط حنا بوقت يابوفهد الله يخارجنا الأوفيا ممن تعول عليهم هم قله ورجال هذا الزمن ليسوا مثل رجال الماضي ولااظلم نفسي ان شاء الله فيه رجال شرواك فيهم نخوه وفيهم خير مثل مناور بن محمد السويدي والله والف نعم فيه وقدها ........ انما الزمن تغير يارأوينا بالمناسبة ابي اعلمك انت والنشامى انا ايضا صدفه جتني رسالة من احد الاصحاب وهي تعتبر نكته ولاكن غيرت فيها بحيث يصعب على قارئها اكتشاف أمري وهي بنفس معنا قصيدتك وخلال ثواني الرد واصلني من شخصين واحد يقول اذا عندك حساب على سامبا افضل ارسله لي فورا والثاني يقول ححد رقم احسابك على اي بنك تبيهم وهذا دليل ان النخوه موجوده ولله الحمد ولاكن الزمن تغير بالفعل ورجال الزمان السابق مارايح احد ياصل مواصيلهم ولا يفعل افعالهم وبدون زعل يالنشامى صح السانك يابوفهد وسلم بنانك يالطربه |
|
|
لن يضرك ان ترد على زميلين او ثلاثه في كل مره تزور المنتدى
رحم الله من أهدى لي قبسا يضيء لي عتمة المكان من حولي
|
|
28-02-2008
|
#3 | |
|
. .الله الله عليك يا ابن غسلان ..موضوع رائع من راوي بحجم ابن غسلان .. صدقت والله ..حنا بزمن مابوه لا نخوه ولا فزعه نسئل الله السلامه من قل المرءوه والحميا .. وامتحانك ..والله خير دليل ..ما انكر فيه مثل الشاعر مناور السويدي بس قله ..قليله .. وين نخوة عبيد الرشيد ..وين نخوة الاولين ..يجون ..على ركايبهم ..من ديره الى ديره ..ويتكبدون العناء .. ويذبحون الرجال ..علشان نخوة او صيحه .. والحين يتناخون بالواسطه هههههههههههههههههههههه الله يعطيك العافيه ..يا ابن غسلان ..رغم اني ما اعمم فيه الرجال الطيبين ..بس بقله .. |
|
|
|
|
19-03-2008
|
#5 | |
|
يعطيك العافيه ابوفهد
|
|
 انا مثل النجوم العالية ماطالها نصاب وانا مثل الجبال الراسية تثبت مبانيها وانا بنت الاصول ومنسبي من طيب الانساب ومن يفكر بحفرة خبث حتما بدفنه فيها
|
|
25-04-2008
|
#7 | |
|
حياكم الله ومشكورين للتفاعل مع الموضوع تحياتي العطره للجميع |
|
|
جرح العرب للي من الجرح داواه=واللي من جروح الليالي يشيله
ان ماوصل للي وصل له وساواه=حط الافاعي بالخفى في شليله
|
|
25-04-2008
|
#8 | |
|
00000000
تذكرت ... هذا الزمن يفجع الغانمينا .... يرفع ذنب ويهبط المتن والراس رخص الحصان ورخصوا الطيبينا ... وزاد ال ح..... ار وما اشبهه من الناس انا أقول الاجيال القادمه وش يبي يصير بهم الله يعين لاهنت ابوفهد |
|
|
|
25-04-2008
|
#9 | |
|
يعلم اللة اخونا الفاضل ابن غسلان
اني طالع من أزمة ماديه كبيرة فوق المليون ولا اذكر يوم من الايام احد وقف على باب المكتب ورديته واربع سنوات راحت من عمري ونا انتضر ولكن جا الفرج من الله وحمد لله وشكره له الفضل والمنه وجت الناس والجيران والمعارف وصلو اهل البشوت بصدر المجلس ولا يزعل واول سالفه قلها واحد منهم ابي اقولكم يرجال سالفه اذا احد بغى يخلص من رجال مضايقه يطلب منه سلف واللة يرجال ما يشوفه هذي نوعيه من بعض من رجال هالوقت والرجال الي عليها الكلام وللة يابن غسلان ما بيدها شي الطيب بهالوقت يامديون يامنحاش من قل ما باليد ولاحضر سد ويجلس وقت وهو تعبان جيت على الجرح اخونا الكبير قدراً ومكانه و بدينا من جديد ونسينا الماضي دع الماضي وفكر في زمانك زمان فات مات ولاستعانك لعبت بدوره الزاهر وربعك معك مادام يركضبك حصانك ولا كبرت عجينتهم تناسو صداقتك ومحبتك ومكانك يحطونك مثل غيرك وترضى رضا ولا ترا ماهم بشانك والمعذره اذا كان فيه زلل اوخطأ |
|
|
|
 |
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
إن جميع ماينشر في المنتدى من أشعار ومشاركات ماهي إلا نتاج أفكار تمثل رؤية كاتبها فقط ولا تمثل رأي المنتدى
(رأيت الحر يجتنب المخازي.. ويحميه عن الغدر الوفاء.. فلا والله مافي العيش خيرٌ.. ولا الدنيا إذا ذهب الحياءُ)
المشرف العام
العرض العادي
