قصيده في مدح عنزه احفاد وايل

يالله من فضلك طلبنا التساهيل=سهل لمن باسمك بيوته بداها
اتعب لها الافكار واسهر لها الليل=وابعد مسافة جودها عن رداها
انقا لها من جوهر القال والقيل=والجوهره ماكل شاعر لقاها
ونكان ماهي مثل كيف المعاميل=مااسوقها لقومن عزيزه الحاها
وحنا الى جونا الرجال المشاكيل=نفرح بجيتها ونوفي قراها
يامرحبا وانتم علينا مقابيل=ترحيبتن بالضيف طيب نباها
معطره بالعود والبن والهيل=والعنبر اللي غاليا مشتراها
وعندي حلاة الشعر مدح الرجاجيل=اللي من النوماس ربي عطاها
احفاد وايل تتعب الهجن والخيل=بالسيف تاخذ حقها من عداها
ماكنها الا الباسقات على النيل=الاصل ثابت والفروع بسماها
تطاولت هاماتهم نجمة اسهيل=ومع النجوم العاليه مستواها
احفاد وايل يالرجال الحلاحيل=مثل الجبال اللي يذري ذراها
اهل السيوف المرهفات المصاقيل=اللي تذود المخطيه عن حماها
اهل الكرم والجود ذباحة الحيل=وتشيل من حمل الخوي واقصراها
زمل الحمول اللي تشيل المثاقيل=اللي توثقها عليها عراها
توارثون المجد جيل بعد جيل=قومن تعدابه وقومن وراها
امجادكم ما اعدها بالتفاصيل=ولحدن من الشعار قبلي حصاها
في معركة ذي قار جبتم محاصيل=والمنذريه في حماكم رجاها
جتكم دخيله تشكي الظلم والويل=وانتم بعون الله رفعتم عناها
وحنابلي عاداتنا نوفي الكيل=بلي بلي واقولها واتباها
في قونا نارد الجم المناهيل=وتطلع بدود ادلينا في ملاها
وصلاة ربي عد وبل الهماليل=علي النبي ماهلت الغر ماها

الشاعر عيد بن قيضي الوابصي البلوي

اللهم صل على محمد وعلى آله وصحبه أجمعين
شاعرنا القدير عيد بن قيضي الوابصي البلوي
والله والف نعم بالمادح والممدوحين بدون قصور بالقبائل الأخرى وكل طيب يستاهل المدح والثناء
ابو كرم
صح السانك مدد بلا عدد
.. .. . .
خالص التحايا لسمو شخصك النبيل
??¯?ـ?ابو غازي?ـ?¯??

احفـاد وايـل تتـعـب الهـجـن والخـيـل
بالسـيـف تـاخـذ حقـهـا مــن عـداهــا

والله وسبع انعام بكم الجميع
عيد بن قيضي البلوي
صح منطوقك الف
تقبل مروري

اللهم صل على محمد وعلى آله وصحبه أجمعين
الف الف صح لسانك
صح السانك مدد بلا عدد

الشاعر عيد بن قيضي الوابصي البلوي
صح لسانك الف
تحياتي لك

حيا الله حضوركم الغالي وفقكم الله

مدحت من يستاهلون المدح عيال وايل ولاهو قصور بباقي القبايل
ونعم بك وبعيال وايل
صح لسانك يالغالي
دمت بخير

مدحت من يستاهلون المدح عيال وايل ولاهو قصور بباقي القبايل
ونعم بك وبعيال وايل
صح لسانك يالغالي
دمت بخير

اقتباس المشاركة الأصلية كتبت بواسطة عيد بن قيضي البلوي وحنابلي عاداتنا نوفي الكيل=بلي بلي واقولها واتباها في قونا نارد الجم المناهيل=وتطلع بدود ادلينا في ملاها وصلاة ربي عد وبل الهماليل=علي النبي ماهلت الغر ماها الشاعر عيد بن قيضي الوابصي البلوي

صح لسانك وبوحك وتشكر والله على هالقصيده اللي والله اكثر من رائعه والنعم والله فيك وبلابتك بلي وما عليكم زود يالغالي واسمح لي بنقل تلك الرائعه الى منتدى عنزه
تقبل شكري وتقدير ويعجز اللسان بالرد عليك تسلم عسى الله يفظك من كل سوء ومكروه.