صحيح زعلان ...؟

صحيح زعلان ؟!



صحيح زعلان ؟!..ماتمزح ؟..ومن جدك
ودّك تطيّر عصـافيري من اغصـانك ؟

ما ودّك أسعد بشوف الورد في خــدّك
و لا تبيني أشم عطرك و ريحـــانك ؟

انّك تحـــاول تعوّدني على صــدّك
أرجوك . . مــا يحتمل خفّاقي هجرانك

ما أقدر أصبر و ابي يــا صاحبي ردّك
أهواك و اخشـى من جْحودك و نكرانك

أعطيت لك قلبٍ أبيض ينبض بـــوْدك
يمين بالله ما عــافاك . . و لا خــانك

انّك تقدّر شعــوري . . مدّلي يـــدّك
و اصفح و ســامح و راع شعور خلاّنك

ترى المســامح كريم . .و جيت لي حدّك
فلا تســكّر بوجــهي كل بيبـــانك

معقــول مــا فيه شيٍ فيني يْشــدّك
و أنا الذي بعت كل العمر من شــانك؟!

إن كنت فعلاً تظن ما في أحد قــدّك ؟!
غلطـان . . لا تحسب المـيدان ميدانـك

يقســى زمــانك عليك بيوم و يحـدّك
على التراجــع . . و لكن بعد ما هـانك

منقول