أمــا كلاشنـكـوف والا شـلاقـي

25-12-2006

الشاعر القطري/علي المري يمدح شمر عامه والشلقان بشكل خاص
وهذه ان دل على شئ فهو يدل على طيب معدنه ولا يثني على الطيبين
الا الطيب؟

الفكـر يستخـرج جميـع المحاصيـل=والتجربـه تعطـي العقـول اتفـاقـي

والعمـر يفنـى والليـالـي تعالـيـل=والطيب يبقى لـه علـى طـول باقـي

ولاراحت اجيال يجـي عقبهـا جيـل=ويبقـى لعلـوم الجيـل الاول بواقـي

ومن تجربة عمري وهـرج المشاكيـل=أقـول كلمـة حـق ماهـي نفـاقـي

ياسعد مـن يذخـر لصلـف المقابيـل=أمــا كلاشنـكـوف والا شـلاقـي

مثلك ياعايد مـن زحـول الرجاجيـل=كنك علـى طيـب المواقـف تساقـي

مـن روس شمـر متعبيـن المعاميـل=وسـاع الطعـون مزهبيـن الطراقـي

كبار الصحون ان قيل وان قيل وان قيل=ترقـى سنـود ونعـم ذيـك المراقـي

يالطرقي اللـي كـل دربـك غرابيـل=أن جيت شمر ويـش ظنـك تلاقـي؟

انابعلـمـك وعـطـيـك تفـصـيـل=تلقى كـرم حاتـم مثـل منـت هاقـي

الكيف هـو والبـن والعـود والهيـل=وقعدانهـم للضيـف دمــه يـراقـي

وتلقى الرجـال الصامليـن الحلاحيـل=مدلهيـن أهـل الصـدور الضيـاقـي

مفرجين وثـاق مـن يشكـي الويـل=وموثقـيـن وثــاق راع الوثـاقـي

قلته وانا ربعي هـل الهجـن والخيـل=واهـل الطـراد اللـي تفـك النياقـي

تدلـه بهـم ميدانـهـم بالمهامـيـل=مـن عمـان لـلاردن لحـد العراقـي

اولاد مره لاغـدى الوقـت بـه ميـل=هم منـوة المضهـود يـوم التلاقـي