حزن ودمعة قهر

حزني بقى للي جمع من عالم الاحـزان جمـع
هم وكدر وجرح وآلم جيوش احزان به سـادت
دعيت الليل بشكيلـه لعلـه يقتنـع بالوضـع
جلس يبكي على حزني ونجوم الليل بي شـادت
حزين وعالمي احزن محازن مال ابوهـن ردع
وكل احـزان هالدنيـا لحزنـي ذابـت وبـادت
الا ياحزن وش باقي لعيني من آنيـن ودمـع
عيني ترى من حزنها على الدمعـات اعتـادت
ودمعي ترى من كثر ماسال اصبح للمحازن نبع
وعلى كثر الدموع اللي بكتها العيـن مافـادت
منعت العيـن لاتبكـي وردت رافضـة للمنـع
وبعد المنع ياعينـي دموعـي للأسـف زادت
صرخت وصوتي المجروح يحاول يلتقي بالسمع
لقيت الناس تضحكها حقايـق صرخـةٍ نـادت
جعلت النار احساسي وقلبـي للحبايـب شمـع
طيور الفرح في عمري بسهم الغـدر انصـادت
انا اللي عاش من صغره حزين بالشكل والطبع
تمنـى فرحـة الدنيـا ولا الاقـدار لـه رادت
نهايتها حزن شاعـر تعـود ينتهـي بالدمـع
سفينة فرحه الغايب مشت رحلـه ولا عـادت

أختي جرح القصيد الفاضلة ،،،

قصيدة جزلة وصح لسان قايلها ونتظر المزيد منكِ.

لكِ فائق إحترامي ،،،

تسلمين اختنا / جرح القصيد

أبيات موووفقهـ

صح لسان شاعرها وسلمت يمينك ياجرح القصيد


لاتحرمينا المزيد من إبداعاتكـ يالغلا

رائعه هالقصيده ...صح لسان القائل


لاهنتي

اخو شرهة

يسلمو للمرور

المشرف العام

يسلمووو على مرورك

ريم الفلا

تسلمين على مرورك

جرح القصيد

صح للسانك وللسان الشاعر ..

تسلمين اختنا / جرح القصيد







وصح لسان