يابوبدر ياحظ منهو على الدين...إهداء عام وخاص لـ محب شمر

هذه القصيدة إهداء عام لكل من قراء أبياتي
وإهداء خاص لرفيق دربي والعزيز على قلبي/ أبو بدر
(محب شمر)
وهذه قليل من قليل مما يستحقه ,, فجزاه الله عنا خير الجزاء

يابوبدر ياحظ منهو على الدين=عسف ذلول النفس عن مسلك الغي
منهاجه الوحيين والدعوه بلين=ذا منهجه من منبعه مرتوي ري
ثابت على دينه ومبداه في حين=من باع أخرته بدنياه يا خي
أمر الولي عنده على الرأس والعين=أبدا ولايبدي على أمر الولي شي
همه قضايانا و منها فلسطين=إلين إماطه الأذى يابعد حي
وليله يعفر جبهته ساجد بين=خوف ورجا لله وإيمان به حي
يحزن لحزن المبتلى ولمسيكين=كنه يقول المشكلة واقعه في
وإن كان ربي بدل العسر باللين=تبرق أساريره فرح كنه الضي
وحبل القرابه متصل يالمسمين=ومهما يصير الدم ما ينقلب مي
هذي شمايل قلتها للعزيزين =واخص به من شابه وصوفنا ذي
أبو بدر ذكره ورود ورياحين=الصاحب اللي بصحبته مكسبا لي
قولت نعم تزهاه نسل الكريمين=أقولها و قلته و أنا لابتي طي

محبكم في الله

سلطان بن سرَّاي الحسيني

يستاهلون اعضائنا الأعزاء وبالاخص ابو بدر

وصح لسانك يابوسراي

على هالمعلقة الرائعه

صح لسانك يابو سراي

,,,,اخوي ابو سراي ,,,,,

صح لسانك

قلت فأبدعت ولاهنت وابو بدر يستاهل كل خير

مهو غريب الابداع من اهل الابداع

تقبل مروري المتواضع

صح السانك وعلا شانك

يابو سراي

شاعرنا القدير / ســــــــــلطان بن سراي

لاهنت يالعزوة على هالشامخة بحق

وأكثر الله من أمثالك وأمثال حبيبنا القدير / أبا بدر
هذا الرجل إســـــــــــطورة يعلم الله وشهادتي فيه مجروحه

صح السانك ياشاعرنا الف

تقبل خالص التحايا

إمتلأت الأرض من الشعراء .. فمنهم من كتب قصديته فظلم بها نفسه , فتجد فيها

الفحش والسب والشتم والفتنة وغير ذلك ......

ومنهم من لم يستفد من قصيدته لإنس ولاجان فهي

مجرد أحلام وأوهام وأماني وغير ذلك ........

ومنهم من كتب قصيدته فأثابه الله وارتفع قدره وعلت مكانته عند الله وعند الناس

ففي قصيدته الذكر والنصيحة والموعظة والتوجيه والصدق والعزة والرجولة ....... إلخ

(( وكما قال النبي صلى الله عليه وسلم لحسان بن ثابت_ :" ياحسان إن الله يشكر

لك بيتك "_يعني قصيدتك_.

يابوبدر ياحظ منهو علـى الديـن
عسف ذلول النفس عن مسلك الغي
منهاجه الوحيين والدعـوه بليـن
ذا منهجه من منبعه مرتـوي ري


وفقك الله ابو سراي وثبتنا الله وإياك وجميع النشاما على الدين ,,

ويستااااااااااااااااااااهل ابو بدر .

صح السانك يابو سراي

يستاهل ابو بدر

اخي االكريم سلطان بن سراي
ونعم فيك وفي اخينا محب شمر
وكثر الله من امثالكم
وفقكم الله لما يحب ويرضى
صح لسانك اخي الكريم
ودمت بخير..

إبدااع والله يابوسراي صح لسانك،،،
والشيخ أبوبدر يستاهل يستاهل كل خير،،
لاهنت يالذيب،،،،
ودمتم برعاية الله .....محبكم:جزااام