[أنت] !جآكم الفرج يآمعشر المدخنين ..‎

يالله يامدخنين مالكم عذر الله يوفق الجميع الــعــلاج علاج ألماني جديد ، على شكل حبوب ، العلاج ما صار له شهر تقريباً داخل السعودية ، و لكن نجاحه جداً قوي ، و سبق و جرب في الإمارات العربية المتحدة من عام 2007 و جاب نتائج مذهلة ! بصراحة انبسطت من كلام الصيدلي ، و قلت هات ابي ارتاح و افتك ، العلاج اسمه champix صناعته المانية و سعره 177 ريال ، و والله لو كان بـ 1000 ريال اشتريته . صورة العلاج : اخذت العلاج ، بعد ما سألته عن طريقة الاستخدام ، و بعد ما قريت النشرة المرفقة معه و كانت طريقته : في الثلاثة أيام الأولى نصف حبة كل يوم ، و في الأربعة أيام التالية نصف حبة في الصباح و نصف حبة في المساء ، و باقي فترة العلاج حبة في الصباح و حبة في المساء إلى نهاية فترة العلاج اللي هي 12 أسبوع . اخذت أول حبة بالليل قبل ما انام << مستعجل و صحيت للدوام ، و معروفة زقارة الصبح و مزاجها عند المدخنين ، بصراحة ما دخنتها كنت في الأيام العادية ادخن اذا صرت في الدوام من 5 إلى 7 زقاير اذا كان الوضع عادي و مستقر ، و ترتفع الزقاير إلى 12 زقارة اذا كنت مضغوط من العمل . المهم في أول يوم لي بعد ما اكلت العلاج نزلت ادخن بعد ما افطرت ، اخذت وحدة ، و كفتني ، و انا بالعادة ادخن ثنتين عادي ، بعدها بساعتين نزلت مرة ثانية بدخن الثانية ، و دخنتها ، و رجعت مرة ثانية لمكتبي ، بعدها بساعة نزلت ، و ولعت الثالثة ، و والله العظيم طفيتها ما كملتها ! مو كرهت طعمها ! لا بس احس إني خلاص ، ماني خرمان ، احس إني اخذت كفايتي من الدخان ! شعور اكتفاء و انتهاء للخرمة . استمريت على العلاج و انا مبسوط ، و كان من ضمن شروط نجاح العلاج هو أن تحدد فترة اسبوع إلى اسبوعين توقف بعدها التدخين ، بعد أول حبة من العلاج ، بصراحة و لأني كنت طفشان بقوة من التدخين خليتها اسبوع ، و و الله العظيم يا اخوان إني قبل كنت ادخن بكت و نص إلى بكتين ما فيه مشكلة ، بس بعد العلاج صار يروح كم يوم و البكت ما خلص ! صار يجلس البكت يومين عاااااادي انبسطت ، و اعجبني الوضع ، راح شهر و انا تارك التدخين ، و انا ماني مصدق أبد ! راحت الخرمة و طارت ، خلاص ما عاد فيه شيء اسمه خرمه ، صرت اذا شميت دخان اتصدد ، و كأني ما سبق و دخنت ، راح شهرين و انا على العلاج ، صحتي تحسنت صدري تحسن كثيييييير ، التنفس ما يمكن اوصفه لكم ، شعور ما يوصف أبد ، كنت اصعد الدرج بالدوام و ما اوصل آخره إلا و انا منتهي ما اقدر اتكلم !اتنفس بقوة و حالتي حالة . اما الآن لا ، صرت اطلع الدرج و انا اركض ركض ، و اللي يبي يسابق حياه حــيــاة جــديــدة راح الشهر الثالث و الوضع من أحلى ما يكون و لا اروع و لا أجمل ، و انتهت فترة العلاج ، بدء وقت الجد الآن ، الآن تثبت فاعلية العلاج ، و هل فعلاً هو ناجح أو مجرد مسكن وقتي ، مضى ، اسبوع ، و اسبوعين و ثلاثة و تميت الشهر الخامس من التوقف عن التدخين و لله الحمد و المنة نصائح عامة : 1- فترة العلاج هي 12 أسبوع . 2- العلاج لا يشترط عليك التوقف مباشرة عن التدخين ، بل يعطيك فرصة اسبوع إلى اسبوعين للتوقف. 3- العلبة الواحدة للعلاج فيها 14 حبة . و تكفي لنص شهر تقريباً . 4- اهم شيء هو الإبتعاد عن المدخنين قدر الإمكان . 5- لا يهم أكل العلاج قبل الأكل أو بعده . ملاحظات : 1- راح تحس بشعور لا يمكن وصفه بعد التوقف عن التدخين ، و راح تحس بالإنتصار العظيم على نفسك. 2- العلاج لا يحتاج قوة ارادة ، فهو مخصص لضعيفي الارادة ، فقط اوعدني بالإلتزام بالعلاج فترة 12 اسبوع و انا اوعدك ما تدخن بحياتك مرة ثانية. 3- العلاج ماله أي اثار و لا اضرار جانبية ، و اهم ميزة فريدة فيه هو إنك تنسى سالفة الأعراض الانسحابية مثل الصداع الشديد و إلا الرغبة الشديدة للتدخين عند شم الدخان و إلا عدم التركيز . 4- خمسة من الزملاء نصحتهم بإستخدام العلاج ، منهم ثلاثة مدخنين و اثنين يشيشون ، المدخنين توقفوا توقف تام و الحمد لله ,اما اهل الشيشة فواحد قلل عدد الرؤوس إلى حد كبيييييييير ، و الثاني لم يلتزم بالعلاج.

الكــــــــــــيبورد...

الله يوفقك يالغالي على هالخبرالطيب ... وان شاء الله يكون بعدالله سبب في الاقلاع عن
هذه الظاهره السيئه ...

مشكور يالغالي ولاهنت ...

‘‘‘‘إإإإحترامي‘‘‘‘

خبر ن جيد وطيب تشكر عليه

الله يبشرك بالخير ويسلمك من كل شر

جزاك الله الجنه
اسأل الله الهديه لـ كل مدخن يارب العالمين

[B][FONT="Tahoma"][CENTER][SIZE="5"][COLOR="MediumTurquoise"]

فعلا المدخنيين بعد هالكلام مالهم عذر

الصراحة إنتصار المدخنين هو الحلللللو بالخبر طبعاً الفضل لله أولاً

ولعزيمة الشخص وإصراره على التوقف ثانياً

وللعلاج ثالثاً

الله يثبتهم ويبعدهم عن هالبلاء

وألف شكرررررررررررر أخوي الكــيـبـورد

عالخبر اللي يفوح برائحة~~~ الإنـتـــــــــــــــصــار

الله يبشرك بالخير خبر طيب اخونا القدير الكيبورد الله يجزاك الجنه

احترآآآمي

وتقديري

الله يبشرك بالخير خبر طيب اخونا القدير الكيبورد الله يجزاك الجنه


خالص التحايا لك

الله يجزاك كل خير اخوي الكيبورد

الله ايبشرك بالخير ياوجه الخير