مرثية في الشيخ/ عبدالكريم بن نواف الجبرين

بسم الله الرحمن الرحيم

أخواني أعضاء شبكة نشامى شمر

السلام عليكم ورحمة الله وبركاته ..

هذه قصيدة مرثية في الشيخ / عبدالكريم بن نواف الجبرين رحمة الله تعالى والذي توفي يوم الإثنين 8/9/1432هـ .

مرحوم يا عبدالكريم ابن نواف=يا عل بالفردوس الأعلى منازلك
بحماه ما يلحقك خوفٍ ولا خلاف=وإنه تحت ظله بظله يظللك
مضت حياتك بالمراجل والإنصاف=حسن التصرف طول وقتك مطاولك
نزهٍ عن الغيبة وذا شان الأشراف=واليا هرجت مكوّن الكون قابلك
لا مستهين ولا انت بالكذب حلاف=بالصدق وأفعال الأكارم تعاملك
يا مؤسس الخطة عطاياك تنشاف=جعلت من ملكك لمن يطلبك ملك
للزين ورّادٍ وللشين عيّاف=علمٍ يقود الوجه كسبك وحاصلك
الله حماك من التغطرس والإجحاف=وأعطاك صبر وميزك في تحمّلك
وكرمك ما طبّه نفاقٍ ولا إسراف=الكامل الله بالمزايا مكملك
نبع الكرم ما غثبره كل غرّاف=إن قيل ابن جبرين عرفت مناهلك
من مطلق الأول تقودون الأسلاف=جادوا وجادت بالفضايل فعايلك
عقبك حزنا حيل والدمع ذرّاف=والموت حقٍ بس ليت إنه أمهلك
قلته وأنا داري وفاهم وعرّاف=إن الأجل محتوم والموت ياصلك
الله يجبر بالعزاء كل الأطراف=وقبل الجميع أبناك يا أمير وأهلك
وشمّر عموم وكل صادق وميلاف=وجميع من قدّر عطاك وجمايلك
وأبناك فيهم منك تشبيه وأوصاف=ما خاب منهو في طبوعه يماثلك
عسى تكاتفهم يوصّل للأهداف=يالله توفيقك بعاجلك وآجلك
حيثك لطيفٍ في عبادك وروّاف=تعلم بما يخفى ولا شي يجهلك
هذا رثاي بواحدٍ بالوفاء ناف=يا رب من عفوك لك الملك نسألك
انت الذي عن غيب الأيام كشاف=يالقادر اللي قدرتك تجري الفلك
بيّنت أنا المعنى والأوزان والقاف=وأقول يا شعري عسى الله يجملك
وصلاة ربي عد من بالحرم طاف=على نبيٍ ما رضى لأمته هلك

زيد بن زيّاد المفضلي

رحمة الله عليه

وعظم الله اجركم
صح السانك يالنشمي

بشاعرنا القدير زيد الزياد المفضلي
رحم الله الشيخ أبو نواف
برحمته الواسعه
الأيادي يابو هادي
صح السانك مدد بلا عدد
:bar :
تقديري لسمو شخصك الكريم ؛؛؛

يامل جنات النعيم
عظم الله اجركم
الشاعر زيد الزياد ... صح السانك يابعد حيي

الشاعر زيد زياد المفضلي

صح لسانك وجاد بيانك على الرثاء الرائع

الله يرحم الشيخ عبدالكريم بن نواف الجبرين

تحياتي لك

الاخ الشاعر زيد بن زياد المفضلي صح لسانك وجاد بيانك ونسال الله ان يرحم الشيخ عبدالكريم بن نواف بن جبرين ويسكنه فسيح جناته وجميع اموات المسلمين

الشاعر الرائع/ زيد زياد المفضلي

صح لسانك وجاد بيانك على الرثاء الرائع

الله يرحم الشيخ عبدالكريم بن نواف الجبرين

تقبل فائق وصادق تحياتي وتقديري

الشاعر زيد المفضلي
صح السانك ملاييين يالغالي
ولاهنت على هالمرثيه الطيبه والجزله من شاعر جزل
ورحم الله الشيخ عبدالكريم الجبرين والدخله فسيح جنانه
لك جل تقديري
حفظك الله بحفظه