14-01-2012 | #1 |
ابــــو فهد
|
00000 رحلة الضياغم 00000
السلام عليكم احياناً يكون الشعر اضطرارا لاتفاخر او بالأصح هو ردت فعلٍ تثير المشاعر اليكم رحلة الضياغم
من جبل خولان سرنا باتجاه جبال طـي = اسمها رحلة ضياغم اعرفوها يارجـال كل وادٍ له حدرنا نبتغي عشـبٍ ومـي = يالها من رحلةٍ من الجنوب إلى الشمال يوم سرنا وانتشرنا ضاق فينا كل فـيْ = انحدرنا من الجبال وامتلت فينا السهـال واستدرنا بالجزيرة مثل استديار الرحـيْ = وكلٍ جنّب عن خطرنا عارفٍ ماله منال واللي يصير بنحرنا ماحسبناه أي شـيْ = ماهو حقران وتكبر لكن من كثر الرجال كل أبوهم عزوتلي ضيغمي عن ضيغمـيْ = فوق صهوات الاصايل مايهابون القتـال والتقينا بجيش مارد . ويا لمقابر افتحي ْ = شيخهم سلطان مارد. راح وطياً للنعال دزه حميدان منّا . اصقهٍ مـا يسمعـيْ = انفجر عرقٍ برأسه اخو ميثا يوم قـال يوم قاله اخو ميثا مااعطي ميثا وأنا حيْ = لوتجينا الترك كله النساء هي والرجال و استوينا بالجزيرة ويالمجاهيم ارتعـي = ماقصدناها غزاةٍ قصدنا مرتـع حـلال واستقرينا بدارٍ فيها فـيْ وفيهـا مـيْ = بين أجا وما بين سلمى دائما عليه ظلال وقلنا لأهلْها تنحوا ماهي لكم هذي لـيْ = هذي دارٍ للضياغم وانتم روحوا للشمال راحوا اهلْها وتنحوا والمدامـع تذرفـيْ = ياقشر غدر الزمان وياصعب غلب الرجال والله ماراحوا جبانه لكن شياً يغطى شيْ = الزمن هذي سواته بين حلٍّ و ارتحال واستقرينا بــ(عقدة) والبنـات. تزغرتيْ = والجبـال ألنايفات زادن جماله جمال ديرةٍ يا حلوها ميً عذب وطلع حليْ = الصبح بظلال سلمى العصرمن اجا بظلال قلنا يالله . يالله نبني قصرنا ألمشيـديْ = قصر برزان الذي حايـلٍ بيـن الجبـال وقمنا ننشد و نتغنّى. بالسـلام الوطنيْ = يابعد حيي لحنّا, شعارنا ميْـل العقـال اسعدي يادار حاتم . بالسناعيس اسعديْ = شوفي عيال الطنايا صايرينٍ لك عيـال واسعدي بسلومهم اجودي من اجـودي = وان حصل يوم الملاقا مثل هدير الجمال سطم فهد الخليل |
|
14-01-2012 | #2 |
فـــاقد الشيء لا يعطيه
|
رد: 00000 رحلة الضياغم 00000
صح لسانك وسلم بنانك
شكري وتقديري |
|
14-01-2012 | #3 | |||||||||||||||||||||||
ابــــو فهد
|
رد: 00000 رحلة الضياغم 00000
عساف نجد احييك واحيي مرورك وصح بدنك وشكرا |
|||||||||||||||||||||||
|
14-01-2012 | #4 |
|
رد: 00000 رحلة الضياغم 00000
صح قلبك بو فهد
ولا هنت |
0
ول يا عمر ٍ توارا ما جنيت ارباحه راااااح ! من قبل اتبيّن عتمته ووضوحه ! -------------------- تويتر https://twitter.com/#!/al_sshh --- |
14-01-2012 | #5 |
|
رد: 00000 رحلة الضياغم 00000
والله والف نعم بك
قصيدة مدروسة اخرجها استاذ فكر وحبك وسبك تاريخ يسطر هنا لك الاعجاب والود حتى الرضى |
|
14-01-2012 | #7 |
الإدارة
|
رد: 00000 رحلة الضياغم 00000
والله والف نعم بالضياغم قول وفعل شاعرنا القدير سطم بن فهد الخليل ابونايف خالي صح السانك بحجم السماء خالص التحايا لسمو شخصك النبيل . |
لن يضرك ان ترد على زميلين او ثلاثه في كل مره تزور المنتدى
رحم الله من أهدى لي قبسا يضيء لي عتمة المكان من حولي |
14-01-2012 | #8 |
سبحانك اللهم وبحمدك
|
رد: 00000 رحلة الضياغم 00000
تسلم أبـو فـهــد
صح لسانك ملايين يالغالي وبيض الله وجهك ابداع جميل جداً لاهنت. تقبل أطيب التحايا والتقدير،،، |
|
14-01-2012 | #9 |
|
رد: 00000 رحلة الضياغم 00000
صح الله لسانك شاعرنا المميز ابو فهد
على هالدره التاريخيه وليون نعم بالضياغم ثنو دون ميثى وجضعو سلطان مارد وصالو جالو بالجزيره كالسود صدقت في ماقلت يالعزوه لك كل التقدير حفظك الله بحفظه |
|
14-01-2012 | #10 |
|
رد: 00000 رحلة الضياغم 00000
والله والف نعم بالضياغم قديم وحاضر كفو والله
الشاعر الفاضل سطم الفهد الخليل صح السانك ملايين يابعد حيي تحياتي لجنابك |
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
إن جميع ماينشر في المنتدى من أشعار ومشاركات ماهي إلا نتاج أفكار تمثل رؤية كاتبها فقط ولا تمثل رأي المنتدى
(رأيت الحر يجتنب المخازي.. ويحميه عن الغدر الوفاء.. فلا والله مافي العيش خيرٌ.. ولا الدنيا إذا ذهب الحياءُ)
المشرف العام