شمّرٍ يوم دور السيـف لـه هيبـه

(شمّرٍ يوم دور السيـف لـه هيبـه)

قال من يبـدع القيفـان ويجيبـه=يـازن القـاف ويبيـن معآنيهـا
آليآ بغينآ المثل نحظـر منآديبـه=نآخذ الزيـن والهـزلات نرميهـا
بين صفيـن مـن شمـر نغنيبـه=يوم قلـت المثآيـل ودي آهديهـا
بدع آلآمثـآل تـوه زآن ترتيبـه=بالطنآيـا نبـي نكتـب قوآفيهـا
باسم شمر هـلآ مليـون ترحيبـه=عند شمـر هـلآ مليـون واثنيهـا
عزوتي بالقبآيل مآضيـن طيبـه=يرفع الرآس علمه عنـد طآريهـا
من خبر قبلهم قـدم عشـى ذيبـه=عشو الذيب في مآضـي ليآليهـا
شمرٍ يوم دور السيـف لـه هيبـه=آسئل النآس عن شمر ومآضيهـا
بالمعآرك عـدوه مكسبـه خيبـه=من قديم الزمـن كـلا ً يدآريهـا
شيخ آلآشرآف كل النآس تدريبـه=غزوته يم شمـر طآمعـآ ًفيهـا
جآب الآشرآف من مكـه يمآريبـه=غره الكثر مـآ حٌسـب آلتآليهـا
مآ درى آن الجبل شمـر تعييبـه=من هبآله يبي حآيـل وآرآضيهـا
من هبآله يبـي يسكـن شنآخيبـه=مـآدرا آن الطنآيـآ دون بآغيهـا
يوم شآف الطنآيآ صآبته ريبـه=دون سمر الجبل يسمع عزآويهـا
قآل يآبيص جدع الخيـل تحريبـه=قآل يآعـم شمـر مـن يعآديهـا
جآه حـراً يدمـر فـي مخآليبـه=قآل حول جوآدك جـآك رآعيهـا
مهرتك يالشريـف اليـوم وديبـه=نآخذه منك غصبـآ ً دون تعطيهـا
وخذت الخيل ودموعه على جيبـه=طآح مطعـون ومهـآره مخليهـا
خيل آلآشرآف وخذت كيف تصخيبه=عند عبـده ومعروفـه بسآميهـا
رآح مهـزوم مآحقـق مطآليبـه=جرح قلبه طبيبـه مـآيدآويها
شي معروف ماقلتـه بهـم غيبـه=فيه عندي دليـل ً مـن قوآفيهـا
بعـد مـآرآح لديـآره يوصيبـه=قآل شمر مدآمـي حـي مآجيهـا
دون تقصير بالنـآس وموآجيبـه=آلآجآويـد كـلا ً دون عآنيـهـا

النعم والنعم والنعم والسبع تنعام فيكم قولن على الفعل زين
الشاعرالقدير/عوض مخلف الحسيني الشمري
صح لسانك ملالالالاين من اجمل ماقرأت من قصائد المدح والتفاخر وانتم وربي تستاهلون الطالات
لاهنت يالذيب

شاعرنا الغالي القدير/ أبو عـيد
صح لسانك ملايين يالغالي وبيض الله وجهك
قصيدة جميلة جداً لاهنت على هالإبداع الغير مستغرب
عليك الله يحفظك ويسعدك.
لك أطيب تحياتي وفائق إحترامي،،،

الشاعر القدير واخي الكبير عوض مخلف

صح لسانك وطاب فالك شاعر فحل والجزاله لاتستغرب منك
شهادتي والله فيك مجروحه ياتاج راسي وعزوتي ياأبو عيد
شاعر فحل لايختلف عليك اثنين وعلى لونك المفضل العرضه
لله درك لله درك دمت ودام هذا الفكر الناضج من رجل عاقل

تقبل كل التقدير

شاعرنا القدير / عوض ابن مخلف الحسيني

صح الله اللسانك وبيض الله وجهك والله يطول عمرك على الطاعة

ابيات من ذهب وغير مستغربه من شاعر بحجم ابوعيد

كل التقدير لك

الاخ العزيز والشاعر الكبير والقدير عوض بن مخلف الحسيني الشمري صح لسانك وعلا شانك وسلمت يمناك ولا عدمناك يابو عيد نعم هذا الصحيح الشريف بقصيدته يقول ولله يمين القطع ماعود حربهم لين نتقابل عندرب المقادرو يقول مناخنا لعبده تسعين ليليه بالتلعه الليه حصاها جفادروكل شمر لهم فعل مسكت في تلك المعركه المعروفه والقصيده موجوده لوبحثت عنها تثبت ذلك ولا اضن احد يستطيع انكار ذلك وشمر لها فعايل لا تحصى والله الحمد على كلا شكرالك على هذه القصيده الرائعه ولايستغرب منك فانت مبدع دايم يابو عيد تقبل تحياتي وتقديري لاهنت

الشــاعــرالـقـديـر ابـو عيد

صـح لسـانــكـً

قصيـدة جـــزلــة ورائعـــة

مــن شــاعــر كــبــير

مــثــل شخــصكـ الكريــم

تــقبــل مـــروري...

لاهنت يابعدي

صح السانك مليون

صح السانك اخي الشاعر عوض

ملاييييييييييين

تقديري لجنابك

شاعرناالقدير عوض مخلف الحسيني

أبو عيد

قصيـدة جـــزلــة ورائعـــة ،ابياتها من ذهب وغير مستغربه من شاعر
مــثــل شخــصكـ الكريــم صح السانك مدد بلا عدد


تقدير لسمو شخصك الكريم ؛؛؛