( ثــامــن عـشـــر أيــّام و ثــانــي عـشـــر شـــهـور )

بمناسبة الأحتفال باليوم الوطني لدولة قطر

تلقيت دعوة من قبيلة العبادله( آلعبيدل)

وإجابة للدعوة وتقديرا للداعي ووفاء مع الأصدقاء

حضرت الى دولة قطر الشقيقةالثلاثاء الثامن عشر من الثاني عشر

18/12/2012م شاركتهم الأحتفال بهاذه المتواضعه اطرحها مهامكم

أول كلامي ياهل الحفل ياحضور=سلام من قلبٍ محـب لـمحبين
وثاني كلامي يا مسا الخير والنور=لأهل الحفل هــم والحضور الميامين
وثالث كلام لراعي الحفل مشـــكور=وجه لنا دعوة وجينا ملبين
حفلٍ أقامـه كل خيّــر ومسطور=متوارثه حيين من بعد ميتين
حفل العبيدل عبر الأعلام منشور=وحنا يشرفنا نجيهم مهنين
جينا أنشاركّهم بالأفراح وسرور=بأفراحهم نفرح و ناتي متعنين
وعسى احتفال الشعب بالعيد ماجور=بذكراه تأريخٍ له اعوام وسنين
يومٍ لأهل قطر مخلد ومحفور= وشعبٍ على ذكرى هاكاليوم وافين
ثامن عشرأيام,وثاني عشرشهور=بألف وثمان أمية , وثمانٍ وسعبين
دولة قطر بدا بها يشعشع النور=وتأسست وحدة كيا ن وعلى الدين
وجاسم, بنا كيانها وصار اله سور=بأيديه و إيدين الرجال الوفيين
وحّد كيان اطرافها وشد. إله كور=وحمى حماها عن الفتن و المعادين
وحطم مطامع كل باغي ومسعور=بالراي بالحكمة بعدل الموازين
بالسيف بالبارود باللين بالشور=بالعلم بالتعليم باللبن بالطين
رسم خريطتها و عمم على الفور=للعالم إنــــّا دولةٍ مستقلين
وأصبح لهــا بين الدول مركز ودور=دوله لها تاريخ وعــرف وقوانين
وصار العلم فوق السفارات منشور=ورفف علمها فوق كل الميادين
ابيض بعنابي و ذا رمز مخبور=رمز السلام و رمز دم الشريفين
عاش العلم ومؤسس المجد مشكور=و عسى مـع الأبرار ينعم بعلّين
وتعاقبو بعده على الماكر صقور=على التقدم بالبــــلاد متواصين
كل بما قدم من الشعب مذكور=حتى وصل دورٍ إنشاهده بالعين
دورٍ لأبو مشعل بدا الخير بظهور=يصرف على النهضة كثارالملايين
دورٍ قطر , صارت عمارت وقصور=صارت تنافس دولة الروس والصين
وعسى قطر بأهل قطر دوم معمور=وجوّه مطر ولابه خطر قولو آمين
قلته وانا من اسود في غابة نمور=من شمر سعودي و الإسلام لي دين
ماضي مع الحاضر وكل شي مخبور=شعاري أجا و سلمى ونـخلة و سيفين
وإن ماقصدت اليوم ماني بمعذور=عيبٍ على مثلي يـجي مامعه شين
والمعذرة إن كان في شعري قصور=والعفـو مـن عـاداتكم يالكريـمين
وصلوا على اللي بأطيب القول مامور=وآلـه وصحبه واللي فـيـه متقّـدين

سطم فهد الخليل

اللهم صل على محمد وعلى آله وصحب جمعين 0صح لسانك ماقصرت يالغالي وجزاك الله خيرعلى مافعلت سترت الجميع بحضورك ومشاركتك الطيبه حفظك الله ,,, تحياتي لشخصك الغالي,,,,,

بهلول الزميلي

هلا بك وبمرورك وحياك الله الف تحيه


وصح بدنك وتسلم على الثناء ولك اجزل التقدير

قلته وانا من اسود في غابة نمور=من شمر سعودي و الإسلام لي دين
ماضي مع الحاضر وكل شي مخبور=شعاري أجا و سلمى ونـخلة و سيفين

اللهم صل على محمد وعلى آله وصحبه أجمعين

شاعرنا الكبير مقاماً القدير ســــــــــــطم فهد الخليل
وافي وافي وترفع الرأس يالعزوة
خالي أبو فهد
صح السانك مدد بلا عدد
خالص التحايا لسمو شخصك النبيل

كفؤ والله يابو فهد
بيض الله وجهك ع هالشمخه صح السانك ملايين
ودي لك يسبق ردي

صح لسانك يأبوفهد
قصيده عملاقه وجزله من شاعر جزل
كل الشكر والتقدير لك وتقبل مروري البسيط

على رسولنا الصلاة والسلام

شاعرنا الكبير / ابو فهد

لله درك حضور وشعور يشرف يالعزوه ولاهي غريبه عليك

انت منبع رجوله وشعر ياعريب الساس الف شكر لك ياكحيلان

تقبل مني كل الود

اللهم صلى على حبيبنا وسيدنا محمد
ابو فهد صح لسانك وطاب فالك وبيض الله وجهك
جزاله من راس جزل ,,, يا عسى عمرك طويل

الغالي ابوفهد
صح لسانك
وسلم بنانك
وأهل قطر شعبا وحكومته يتساهلون من يعنى لهم
وانت وفيات وكفيت
دمت بخير

محمد الشميلي

شرفني مرورك

واشكرك جزيل الشكر