والحـق يُـبـغــا والقـهــر مـايـطـاقـا

والحـق يُـبـغــا والقـهــر مـايـطـاقـا

اهـداء الى اخوي العزيز عبدالحميد بن سالم العايف الغبيني العنزي ابـو فايز
لما لهذا الرجل من مكانه كبيره في نفسي ,,,,,,,,,,مع فائق الاحترام والتقدير
--------------------------------------------------------------------------

حـيـيـت ياقـرمً عـن البــال مـا غـــاب = وانـا اشـهــد انــه من خيــار الرفـاقـا
غالي وانا اشهد من نُواديرالاصحـاب = والقـلُـب دايـم لـــه يـــزود اشـــتياقـا
خـلفـة عــريبين الســــمّيه والانسـاب = غبيـنات ســاس المـرجـله والمـلاقــا
اهــل العطـايا اللي بها المدح قــد طاب = يــوم الفـقر فيــه الاوادم غـــراقـــا
اضحت مثل عند القرايب والاجناب = وتـوثـقــت عنـــد الجميـــع ابــوثـــاقـا
عــادات واسـلومً من الشيب للشاب = ورثً وتـبـقـــا ليــن يـــــوم الفــــراقــا
لاشـك ابـو فـايـز ســند كــل مـرتـاب = وطـيـب المبــادئ معـتـنـقـه اعتـنـاقـا
عبد الحميــد اللي بحــزات الاوجــاب = وفضــاة صـدر اللي بـالايــام ضاقـا
انا اشـهـد انـــه دوم للنــار شــبـــاب = وبيـبان شــح الغيــر دونـــه غـــلاقــا
وفي وجه من ينصاه ماصك الأبواب = يـوم الـردي وقــت اللــوازم معـاقـا
يمنى الـذي ضــامه زمـانـه بالاتعـاب = ومـعـه الزمـان الشــين والحـظ بـاقـا
حــرً تـعــلا واعتـلا روس الاهـضـاب = ولـه عـلـم غـانٰم بيــن الاجــواد فـاقـا
مـا قـلتهـا لـي غـايـة او لـهـا اسـباب = اشــهــد شــهـادة حـق مـاهي نـفــاقـا
والـراس صعـبً انـه. يـوسى بالاذناب = والحـــق يُـبــغــا والقـهــر مـايـطـاقـا

محمد بن سوعان الربيّع

صح السانك ياحاق

صح لسانك على الابيات الاجمل والاكمل تسلم تحياتي لك

شـــــــــــــــخاط

هلابك والله ومسهلا نورت يا استاذ شخاط بطلتك البهيه
هلابك ملايييييين .

منصــور البخيـتـــان

هلا والله
ارحب تراحيب السيل
نورت يالغالي يسعدني متابعتك
تقبل خالص الشكر والتقدير ,,,,,

اخوي محمدسوعان
ونعم بالغبيني وصح لسانك ملايين

الراس يبقا والقهرمايطاقا

عزالله صدقت تحياتي لك يابوسوعان

مشعل عسام التريباني
لهلا والله ومسهلا
اسعد الله جميع اوقاتكم بكل خير وبركه
اشكرك استاذنا واديبنا المخضرم ابو عبد الرحمن
ما عليك زود يالغالي وشهادتك اعتز بها
لاشك الطيبين اللي مثلك وشرواك يستاهلون
تقبل خالص مودتي والتقدير .

الشاعر محمد بن سوعان الربيع
والنعم بالمادح والممدوح يستاهل الطيب
صح السانك
تحياتي لك

الشاعر محمد سوعان الربيع
صح لسانك وعلاء شانك يالنشمي
‘‘‘‘إإإإحترامي‘‘‘‘

طريخم

هلابك نورت بمرورك
اشكرك على حسن المتابعه والاطراء
هلا وكل الغلا .