ديوان الشاعرة / قمرا سماه

تكفى !!!

	ياللي خذيت القلب مني بحسره=لاتترك عروقن بدمه تغذيه انزع عروقه من فروعه لجذره=مدام راح القلب مالي غرض فيه تعبت واتعبني زماني وحره=بالجرح واللوعات والظلم والتيه تكفى دخيلك بس ابي منك نظره=ترأف على قلبي وتشفي مكاويه ارجع بجوفي من سبايبك ثغره=ارجع نحل جسمي وزادت بلاويه ابي اشوفك قبل يسكن بقبره=جسمي ويغمره التراب ويغطيه يابو ـ ـ هيض الجرح ذكره=يبعد عن دروبي وانا اتبع خطاويه يابو ـ ـ ـ خضت بحره وبره=ضاقت علي كل الدروب المتاييه ياويل حالي كان طول لبكره=وانا عليه اشفق من الورع لإبيه لاتترك ضلوعي على صلو جمره=ارحم حبيبك واقترب لاتعاديه

اهداااء لملك الشعر الشاعر القدير نهير !!!

	جيبوا لي القرطاس والحبر والقلم=وصبوا من الرسلان والهيل ماليه وخلوني اجمعّ شتاتي وألملم=افكار راساً من هنا الحظ خاليه انتاج فكري , للنشاما وحصري=اهداااء للي عزته فوق عاليه مني (لملك الشعر) اعذب حروفي=نهير ملك شعر القوافي وواليه ( الطيب) يجذبني ويحيي عروقي=( والمرجله) تثمر بها روح باليه تجذبني اخلاقه وطيبه وعزته=وتعجبني ردوده وملحه وحاليه خفيف روح وثقل عقله مزهيّه=وسمو روحه تحتفي به غواليه يالذيب يالضرغام ياسيد الكرم=عشاك صيدك من مخاطر مفاليه ياللي على العليات ترقى وتفتخر=المجد يزهابك ويرسم عواليه اشبهكّ بالحر الاشقر ليا ارتفع=عن الثرى صوب الثريا حواليه ليا شاف زول اللي تباها بريشه=فج السحاب وعاث في جول جاليه او ضابطن دك الحصون بعساكره=جازم وحازم وانتخى بسم غاليه قدامه الموت الحمر والتعازي=وراااه شعبن مابقي به تواليه يامالك قلوب النشامى وشعرهم=كفاك ربي من لواهيب صاليه اقبل سلام الشاعره بنت شمر=عن مدح غيرك يافتى الجود ساليه

رد الشاعر / نهير النمش

قمرا الشعر !!!

	حي الجواب وحي قافٍ بداليه=وحي الحروف اللي لفتني بتاليه بهرتها لعيون قمرا من الحبر=في دلة التقدير والشوق صاليه اصب له فنجال يعجبك لونها=تستاهله بنت الرجال الشكاليه القاف جاني كاملاتٍ معانيه=وروعته يابنت الكرم في هلاليه يامرحبابه عد مالاح لايحه=واعداد ماهبت هبايب شماليه يامرحبا بحروف قمرا وحيها=اعداد مايشتاق غالٍ لغاليه قمرا الشعر حماه ربي من البلا=وحماه من شر الزمان ولياليه بنتٍ لها بالشعر صوله ومنزله=تقطف ركادة شعر ماهي عجاليه ترسم بها وجه البدر ليلة الدجى=وبجوهر الابداع تقول طاليه لاجيت اوصف ضاع عني وصفها=لانه رقت فوق الفكر عن محاليه بنت الرجال الطيبين النوادري=اللي على الطوله طوالٍ مداليه له ريشة الرسام في عالم الفضاء=له النقاء رمز الوفاء في خصاليه ملك شعر لي الفخر في وصايفه=ولي الفخر في شعرها مع جزاليه مدحك وصلني واتشرف بجيّته=في وقتي اللي راح واللي بقاليه

يالسبت يالينك ويالسبت ماقساك !!

	يالسبت ياحلوك ويازين ملفاك=فيك الشروق حضور للغايبيني يالسبت مبطي واقفه واتحراك=جفت دموع الشوق من موق عيني يالسبت شفته لو بغيباته اضناك=بعد الآسى بعد الوجع والونيني يالسبت صدق شعور قلبي تنصاك=بإحساس غير , وخافقن له فطيني يالسبت جاني بالعنا مثل ماجاك=صدفه جفا زادت مكاوي انيني يالسبت شفته مثل ماشفت انا خطاك=جالس يسولف دالهن عن سنيني شفته وهو سالي ولاناظر هناك=مافكر آجيله وهو مايجيني لا , ماتغير شي من قبل يلقاك=نفس الكلام اللي خدعبه حنيني نفس اليدين اللي رمتني لمرماك=نفس العيون اللي خجلها لعيني نفس الشقا نفس الالم في محياك=نفس الجروح اللي عذابه مكيني وقفت قدامه اناظره واخشاك=اخاف تقطع سكرة الموت فيني في لحظته فقدت عقلي والادراك=شين غشى جسمي هدوئه رنيني نبضي بقلبي ماقدر يوم ينساك=وادري بقلبك مع خفوقك نسيني يالسبت يالينك ويالسبت ماقساك=يالسبت لاتقطع رجاء المرتجيني

وين العروبه ؟؟؟ !!

	الضيم ( طق الباب) وين العروبه ؟=وين العرب ؟ وين السيوف الرهيفات ؟ حمص الألم تشكي مواجع شبوبه=تغسل دماء اطفالها بالصلوات وين المشاعر ؟ وين الاحساس صوبه=وين الأخاء ؟ وين القلوب الرحيمات الحزن خاوى شمسهم مع غروبه=والهم ساكن ليلهم والمتاهات الطفل يذبح آآه يآل للعقوبه=والشيخ ينحر آآه وين المروات ياسوريا يالطاهره يامحبوبه=يالصامده لاتشتكين الآهانات خالد واسامه ليتهم لو دروبه=ياليتهم لو شافوا الوضع ساعات كان ألتئم جرحك بعمرن فدوبه=وتراجعت عنك الهموم الثقيلات ياسوريا صبراً جميل اثبتوبه=والعاقبه عيشن رغيدن وجنات دااام العروبه مابها مايثوبه=توكــــلي على بديع السموااات

اهــــداء خااااااص ؟؟؟ !!

	انا عقيدة قوم تسوى ملايين=انا العفيفه بنت قومآ شريفه انا بشر ربي خلقني من الطين=لكن من انواع التراب النظيفه ربي رزقني غاية المطلب الدين=ذي حاجتي يوم الحوايج كليفه رفيعتآ عن هرج ناسن مجانين=وعقلي سليم وللهقاوي حليفه ذكية ويقرأ عتابي من العين=وانقد على بعض البنات الخفيفه زود الدلع اضفى على شينها شين=وقفت به اطباع العصور السخيفه كثيرة الهرج الغبي في الدواوين=طويلة الصوت الرهيّ العنيفه

كلمات الشاعرة / قمرا سماه
اداء المنشد / جفال

تزامناً مع الظروف الراهنه , اعلن حبي لمن يستحق الحب

احبك؟؟!!!

	احبك ياشفيع الخلق يامبعوث لأهل الخير=يااطهر من وطى فوق الثرى وانجرحت اقدامه احبك يااطهر العالم احبك يااجمل التعبير=لو اكتب فيك واكتب بالحبر لاجفت اقلامه احبك يارسول الله بلا حد وبلا تصوير=غلا يمشي بدم الجسم من قلبي ليا الهامه فقدتك في زمن فيه البشر لوحه ولونه غير=زمن كثرت به اغراء الجهل وتبنت خيامه ياليتك بيننا نشكي عليك الهم والتقصير=وترفع كفك الطاهر لربن فارض اسلامه إلا ياليتني في جيلك وعمري فداك قصير=بعوضّ خافقن مشتاق لك عن باقي احلامه يانور الشمس ياظلاً ظليلاً فيتهّ بعصير=فداك اللي تغنت بك حروفه واخرج افلامه ياسيد امتك يامعلم الاخلاق والتبصير=يااول من رقى فوق الغلا وتمسكّ زمامه نشوف الحزن بغيابك سكب دمعه بجفن الطير=فقد بعدك ملذاااات المطير ولاعب اوهامه فقد بعدك لذيذ العيش خضع للموت والتحذير=بعد ماكان في جوه رفيع وعالي القامه فقدنا بعدك الاحساس فقدنا بعدك التقدير=قطعنا بالرحم بعدك قطع مأمومه إمامه تشوقنا لشوفك , للرضى ,للصدق , للتغيير=تصارعنا الهموم وينزف الاخلاص بإكمامه ياألطف من تصدق للعطش واطلق رشاة البير=يااعظم من ملك حب التواضع واثبت إلمامه يانور القلب يامنقذ لنا وقت اللقاء ومشير=فدتكّ الروح وامي فدوتك والاب وعمامه متى يكرم علينا رب قادر عالماً ومجير=بشوفة وجهك النيرّ وتغفى عين مانامه

صلى الله وسلم على سيدنا ونبينا محمد

رديه من نوع آخر بيني وبين احدى صديقاتي :


(قمرا )

خلود قلبي من عنا الحب ملتاع=يالغاليه دك الغلا صدر قمرا

(خلود)

فديت قلباً ضمته عوج الاضلاع=جرحك من عناد المعاليق يشرا

(قمرا )

خلود ياويلي من عيونه وساع=غلااااه جاري في شرايين حمرا

(خلود)

يالفاتنه ياساحره خطوة القاع=تخضع لك الخفرات بيضن وسمرا
الصبر بلسم جعل تخطيك الاوجاع=وكل عسرتن الها مع الوقت يسرا

(قمرا)

خلود شوفي مابقى فيني اسناع=العقل طار بجو معتــــم وغبـــــرا
دخل بقلبي مرهف الروح وبساع=مثل الهبوب اللي تقفاه مطرا

(خلود )

اقول دكينا على حصن الاسباع=نستيسره لك قبل ليلك بيسرا
لدي النظر له واروي عيونن جياع=واسقي عروقن ضاميه كاس خمرا

(قمرا)

هذا العشم بك زانت علومك وذاع=صيتك يابنت اللي ركب فوق شقرا
تقبلي مني على كل الاوضاع=وردي وحبي لك وتوقيع قمــرا

ودي لقلوبكم

ياخاين الاحساس ؟؟!!!

	ابعد عني ياخاين دروب الاحباب=دورّ عليها وألتحف في رضاها مابيك ترجيني او تطق لي باب=ابعد عني بعد النجوم وسماها سكت ّ لين الجرح في ضامري ذاب=وفوتّ لين الذنب طام وغطاها تكتب له الاهداء وترد باعجاب=وترجع وتتأمل من اللي قراها قريت لك كل حرف في صفحة كتاب=ولاحظت حبك له وحبك سباها ياخاين الاحساس بالحب كذاب=خنت الضلوع اللي سكنت بذراها خنت القصيد اللي خضع دون مايهاب=اللي لعينك كل عسره طواها خنت الحروف اللي تباهى بلا حجاب=ترقص على فمي قبل شرب ماها خنت الغلا خنت الوفاء خنت الاصحاب=خنت العيون اللي سعيت بعماها خنت الامل حطيت في دربي انشاب=حاجز من جروحاً طويلاً مداها سميتني قمرا وفيك الضياء غاب=باسباب صدك شوف هذا جزاها ؟ جزيتني دمعاً كوى جفن الاهداب=وكويتني بشعور قلبك معاها ابعد وانا ببعد بلا كاشف حساب=بلاش من هم الكبود وغثاها اضبط لها الاهداء وكتب لها خطاب=بأبيات شعر اهل الغرام وهواها وانا مكاني عالياً دونه شهاب=قمرا سماك اللي سعيت لشقاها

امل الشمري ( قمرا سماه )

الــى من يهمه الامر ,, مجاراة

	اذا وجودك به مضره على الناس=ماباقين غير النساء واللحودي يامالكن طيب المعاني والاحساس=آثار رجلينك مطر بالنفودي انت الفخر قدرك على العين والراس=واللي حكى حكيه لفصله يقودي انت الذهب انت الجواهر والالماس=قليل مثلك بالبشر في الوجودي يفداك من راكاه بالهرج جلاس=اللي على عرض الآوادم يجودي غبي فارغ جوف للدم لحاسّ=شرود مقطوع النسب والجدودي حنا لعينك نقطع العنق بالفأس=صغيرنا من عزنا جاه زودي تبي فعل ولاّ قصايد وحراس=ولاّ قنابل من مشاعر عنودي خذ الكلام اللي من الراس للراس=قمرا تحدا لجل عينك فهودي

عندما تتكلم الحميا يطلق لها عنان الحروف