ديوان الشاعرة / قمرا سماه

فات الآوان

	مابه جديد إلا الجروح القديمه=ومابه قديم إلا مشيويرك الشاق طعنتني واقفيت هذي جريمه=والجرح ينزف تشتكي منه الاعماق ياللي على شانك رضيت الهزيمه=من دمع جارح لاهبن جفن الاحداق مانساك لين الظلم يبكي ظليمه=مانساك لين يخاصم الحبر الاوراق مانساك لين يعانق القهر ضيمه=مانساك لين يظلل الكذب الاشراق مانساك لين اليتم ينسى يتيمه=لين العمام تشاركه هم وعناق مانساك ياناسي جروحن وخيمه=لين العذر يلمس من الجافي العاق مانساك دااام هموم قلبي مقيمه=توقد من ضلوعي وتلهمني احراق مانساك انا مانساك هذي عظيمه=نسيانك بروحي يسبب لي ارهاق عشرة سنين من المشاعر فطيمه=حسبتها بالضبط عشره من افراق وش ذكرك حباً تلاشى نعيمه=وش ذكرك قلبـــــاً تعذب ولا فاق وش ذكرك حب البشر يابهيمه=اجل تجي الحين تفهم بالاشواق وش ذكرك ضيم النفوس الكريمه=فاكر توسع خاطري عقب ماضاق مشاعرك تفقد عنان العزيمه=يامضيقّ احساس الغلا بعد ماراق فات الاوان بكل ذله وشيمه=قلبي عطيته من يلامسهّ الافاق اللي يساوي من ربوعك غنيمه=مرهف حشا سامي عن دروب الاخفاق اشاركه همه وروحي سقيمه=ويشاركن طعم الغلا بفم مشتاق لازارني طيفه على متون غيمه=قطفت ورد الشوق من روح عشاق

زفاف الهم !!!

	اعلن زفاف الهم في ليل موتّ=روحي من جروحي على الموت هاوت عانقني وضم الضلوع وتقوتّ=طعون حباً بالحشاء ماتشاوت عروق قلبي من غرامك تلوتّ=ودموع عيني من فراقك تخاوت ياللي عليك العمر للموت صوتّ=وين انت يامحيي عروقن تهاوت في غيبتك لهفة قليبي تروتّ=من طعم سكينك ضلوعي تلاوت شوف الجروح اللي تضامت وسوتّ=ورد الغلا داخل ضميري تماوت في غيبتك روح السعاده تطوتّ=والحزن خيمّ والمعاليق ضاوت دعوة زفاف الهم بالروح دوتّ=ضيوف ضيمه مع دفوفه تراوت من لهفة احزاني بقلبي تضوتّ=نار الفراق اللي حشا ماتداوت هذا اعتراف اللي بالاقلام نوتّ=افراح قلبه مع جروحه تساوت

بـريق الماس 2 !!!

ابسألك ليش القمر يبكي ألم ! ليش الليال القادمة تشكي انين ! بجاوبك لاني تجرعت القهر والكذب بأحساسه يلين ! ّ فيني ألم فيني شموخ وكبرياء ّ فيني وفاء قد مات قلبه بالرياء فيني وجع مازال يجهل خاطري لا اقبل الليل ابتدأ ولا روحّ الليل اشتكى ( ألماسنا ) فيني من الماضي امل تنزف جروحه في الضلوع قلبي من اللوعة جهل افراح عيدهـ والشمــــــوع ابسألك ! ليش القمر لما يغيب تشتاق له كل الوجوهـ لان الصدق اصبح غريب واحلاااام دنيانا تتوهـ ليش ! القمر يبكي ألم لانه فقد شوق وحنين حروف ضيمه في القلم ترسم تبـــاريحه لمين ؟؟ بجاوبك يكتب معاناته هموم ويلونه لون الامل بين الغيوم يبكي من اوجاع السهر ويشكي من غيابه قمر ويقووووول عمري فيه لوم وهذا السؤال : ( منهو على احساسي يمون ! لاصار حبي ساحله , والجرح مرساه الاخير ) بجاوبك !! هنا التعب هنا الالم هنا غثا باقي السنين بصارحك ( قلبي على فرقاه شاب ,,وهذا الجواب هذا الجواب ) المعذره اول مره اتطرق للخواطر

يامحمد السوعان !!!

	القلب لافنهّ قديم المعاصير=جروح روحن بالضلوع معطوفه تحفها ذكرى الوصل حزة عصير=وابقى ثمان ايام تقل مخطوفه وبعد الثمان تخاشرن بالمصادير=دمع القهر , ضيم المعنى وخوفه يامحمد السوعان مسيت بالخير=يابن الحرار اللي تكرمّ ضيوفه القلب حاير بين عذال ومشير=كلن يقول انسيه وانسي طيوفه ياوجد حالي وجد من ضيع الطير=طيره شلع من بين كفه وشوفه تشابكت دونه غيومن دواوير=وارخى لجنحانه رياحن عصوفه أو وجد من صكوا عليه الطوابير=مهربّ نفت به عن دياره ظروفه محملّ حشيش وخالطه بالقوارير=الفقر كااااافر واستوت له حتوفه حركّ وشغلّ واتكلّ والتدابير=بيدين من نفسه لعبده عطوفه الجيب ضاري والخوي ساتر البير=وطريقهم على النفود محفوفه طعساً يبينّ جيبهم بالمناظير=وطعساً يخفيّ نورهم بالكلوفه من خلفهم جيباً قطع له مشاوير=عليه رشاشاً عديم المروفه اقفى وراهم بعد تبليغ تحذير=يرمي ويخطي والحياة مخلوفه اقفوا مع دروبن طريقه عواثير=ذيابة خلا والحظ عارض جروفه الرمل غطى جيبهم والشناكير=تجرف من تلالن تلاشت هفوفه بالطعس تسمع حشرجة نافخ الكير=وتوحي ليا جا الرمل حس الجفوفه لحقهم الرشاش همال ويدير=يبي الهدف واطلق حمايل كتوفه وبعد العنا والجهد وين انت يالخير=صابوا خويه واستقرت بجوفه وتوهق وشاف الغثا والمخاسير=مات الخوي والجيب طقت بلوفه ولموا عليه بغربتاً كنه الصير=وحطوا الحديد وكـلـبشوه بعنوفه بصمّ على اوراقه وشاف التقارير=قطوهّ في سجناً قليله شروفه هذا الهجر من غير عذر ومعاذير=هذا الالم لاقبل تزفه دفوفه يامحمد اقرأ حرف قمرا بتصخير=وانصح , وحاول لاتروع مخفوفه ياعين منهو طال روس العناقير=يالليث لاتجرح مشاعر شفوفه جاك الشعر يابن الرجال المناعير=اقبل من القمرا جدايد قطوفه حبي لقلوبكــــم

باب الوله صوتيه
إلقاء الشاعر القدير حمد العيد



http://www.hamed-aleed.com/gamrasemah.mp3

باب الوله !!!

	الليل طول وانتظاري غدابك=وانا على باب الوله واتحراك الجرح ذاب بضامري وألتجابك=يطلب منك عفو المحبين وش جاك ؟ مكسور خاضع تحت رحمة جنابك=ضعف الغلا وحقوق مغليك تنخاك مرت سنه لاشتقت لك جيت بابك=ماغير اناظر له واشر على خطاك وقبل السنه قلبي غزاك وهقابك=اثر الليالي خيبت من تهقواك استسلمت روحي لباقي عذابك=ثبتّ في جوفي وتادك ودعواك طريق حبي للاسف مانتهابك=شوق المواصل يعتريني للقياك بنيت لك بيتآ قديمآ شقابك=جدرانه ضلوع الصدر لاعدمناك بابه وريد القلب لاضخ جابك=لازادت الدقات تحضى بطرياك سقفه نسيج عروق دمآ ضمابك=يسعفهّ شرياني ليا جاه دكاك فرشت به ورد اللقا وانتشابك=عمره , وفاح العطر وانعش زواياك هذا مكانك بالحنايا حضابك=هذا غلاك اللي له سنين بحماك هذي صوركّ وذا بقايا حسابك=هذي رسايل حب هذي هداياك هذي كفوفك في كفوفي تشابك=يوم انها ضمت يدينآ تمناك هذاك زولك من بعيد يغدابك=سرابك , وضامي قليبي على ماك هذي قديم خطاك هذا ترابك=هذا المكان اللي خذا روحي وياك هذا غلاك وذي مكاوي عتابك=هذاك جرحي يلتحف بارد غطاك هذا الالم بالجوف نوخ ركابك=وارد على قلبي وباقي رعاياك سرقت مني لذته واهتنابك=النوم عن عيني تعداني وجاك اتذكرّ اول شي قلته هلابك=وين انت عني جعل الايام تفداك مديت لك حبل الوصل وانثنابك=هذي ثمان سنين كفر خطاياك ارجع وعالج مابقى من صوابك=انعش وريد اللي تغذى بلاماك امسك ضلوعي كل مامر بابك=اخاف ينهد بيتك وباقي اشياك

قمراء سمااه

عــزانــا لــشمــر !!!

	عزانا عزانا للمراجل وحاتم طي=عزانا لشمر من رجاله لاناثيها عزانا عدد ماذاب جمر المواجع في=عدد دمعة القمرا وضامي هقاويها عدد ماسكن حزنه بكل الملا والحي=عدد ماشكى جرحه وبانت خوافيها عدد رمل ذرات الصحاري ومالح مي=عدد ضيم صدمات المراجل وهاقيها عدد ماشلع بالجو طيرن وشافت ضي =عيون المها لاذيرت عن خطاويها دموع القهر تجرح عيونآ مطرها ري=ولو مات يبقى بالضلوع وموازيها كتب له ولي الكون خفف عنه الكي=في ساعتآ تشخصّ عيون البشر فيها الى جنة الفردوس نهر وظلال وفي=الى قبر يفرش لك رياضآ وحاليها عزانا لزوجة صابره والبقى بالخي=جمعكم عظيمآ في ملذات صافيها عزانا لشمر والرجولة وجرحآ ني=عزانا من حدود المواجع لتاليها عزاء الشعر وابيات القصايد وقلبآ حي=تدكه همومآ تقطع عروق صاليها من حدود الفرات لقصر حاتم طي=تعم التعازي كل شمر بغاليها

اهداء الى مزاين شمر والى الشيخ / جديع اللغيصم

اهداء الى مزاين شمر وللشيخ جديع اللغيصم

	لبسوا ّ تربة الالماس بقدوم شمر=وافرشوا ارضها ورد الغلا للطنايا المزاين على ارضه بالجمايل تضمر=والهقاوي بشمر مثل جزل العطايا الشكر والثناء للي جميله يثمر=ابو متعب جزيل الشكر لك والثنايا وامتناني لمشعل عد مالجمر جمر=صاحب الراي والبيعة عظيم المزايا وارسل الورد للي منهّ الورد حمر=خاجل الورد من طيبه وصاف النوايا سعود زبن الضعيف اللي زمانه مسمر=في ضلوعه مسامير القهر والمنايا وذاك عبدالعزيز اللي له الصيت شمرّ=وانبلج نور وقفاته وساق الهدايا انثروا بالتراب عطور مسكآ يخمرّ=وافرشوا لابن عواد الفرح بالزوايا جديع فعله على الناموس ابد مايذمر=يضرب الكايده في جهر سر الخفايا جديع طيبه رقى فوق المعالي يعمر=بيت صيته على نجم الجدي يالبرايا جديع نال الطويلة واتزنّ يامقمرّ=ولد عواد ذيب المرجله والرعايا صبوا الهيل ياشمر بصفرآ تجمر=وسوقوا البن لضيوف الكرم يالطنايا قلتها وافتخر وافخر بصبيان شمر=بنت ربعي واشوف الطايلة بالمرايا

قمرا سماه

الى القدير مطلق البخيتان مع التحية والتقدير !!!

	اوآآآه يامطلق على شوف عينه=وياويل حالي لاغشى عيني النوم كني مجلى من ضواحي مدينه=لاغابت عيونه تحداني اللوم ولاّ سجينآ فاقدن عزوتينه=لاقبل عليه الليل هاضتبه هموم اوآآآه جوفي بالغلا سامرينه=وقلبي على طاريه شارد على الدوم يابن الحرار اللي تصيد السمينه=يابن الرجال اللي تهقوابه القوم يامطلق جروحي لروحي مهينه=وبلاي صدري بالغلا حيل مكتوم مثل النفس للقلب , طالت سنينه=من شوف زوله صرت يالقرم محروم كله سبب راع العلوم المشينه=اللي جلس في مجلسه واصدر علوم يحرمه ربي من رضى والدينه=وبالاخرة جعله من النار موسوم حرمني احلام وآمان وسكينه=وطيرّ من اسراب الهنا طيرن يحوم ظلمني وذقت القهر والغبينه=وانا ورب البيت وافي ومظلوم اوآآه يامطلق جروحي دفينه=والقلب في سجن المتاهات محكوم اتخيله واسهى , واصحصح بوينه؟=اثري مشيت بهاجسن فيه معدوم شيءٍ بصدري يجرحن في حنينه=مثل السهم بالقلب لاجاك مسموم عيني من الهمال تسقي رزينه=تمطر على خدآ من الملح محموم اوآآآه يامطلق على شوف عينه=ابفطر بليله وللموت بصــــــوم

رد الشاعر الكبير / مطلق البخيتان !!!

	(قمرا سماه) أهل الوطى مزعجينة=حتى الكواكب طاله النم واللوم! كم فرقوا بين الحنون وجنينه؟= وكم فرقوا عشاق؟ كم طيروا نوم؟ ماهو مواجه بالرماح السنينة= لكن بتلفيق اتهامات وعلوم لاغرد النمام يلقى خدينه=شلة خفافيشٍ له الليل محموم يعجبك بالمنطق وينفض يدينه= ويطيّر عيونه من النصب مكلوم يظهر نزاهاته ويخفي شنينه=يجيد بالتمثيل دور أشرف القوم ذولا الذي كم خيرٍ ظالمينه = وكم ترفةٍ عقب الغلاء مالها سوم وكم كم من أسرار الخلايق دفينة؟= وبالمقبرة كم ماتت أسرارلليوم؟ وكم عالمٍ عنده شهادات..وينه؟= صدوا وهم يدرون في حق مظلوم انا اعتبرهم مثل راع الضغينة= آمنت بالله ..منهم الروس والروم؟ عيناك يابنت القصيد الحزينة= طبع الوفاء دينٍ وعادات وسلوم عيناك ياقمرا تبيّح كنينه = نرم العقال ونعلن الحرب ونزوم بس أشري وين اتجاه السفينة=وتجيك لو موج البحر ضلع وغيوم في شاية اللي كلنا عابدينة = يابنت ماخلابي(أوااااهك) حلوم.

تناقض شاعرة !!!

	( ابعد ) وترسمني شفاعات الاحلام=(واغيب) ويحاتي الدجى ليلة النور (ارجع) وباوراقي وقف حبر الاقلام=(واقربّ) اقرب ّ ويخدعني الدور اشاهد ايامي وتعرضلي افلام=من واقعي تخصصت ساحة الزور عمري تناقض تلتئم فيه الآلام=وساعات وقتي حاشه الضيم والجور قلبي شكى من حلم عمري والاوهام=تفرش لها بيتآ معمر ومهجور عقلي غفى بين الارادة والاحكام=وعيني سهت في عمق وادي ومحظور مدري ألم ؟ مدري وهم مدري اعدام=كبلّ يدين الضاميه في نهر حور احساس تافه مدري احساس منضام!=تناقضات بدرب هالك ومخبور هنا هنا باقي لحم باقي عضام=بصدري نبض قلبآ للابعاد مجبور هنا تلقيت المضارب بالاسهام=ومسحت جرحآ لابكى قلت معذور هنا عرفت اعزف على اوتار الانغام=وعرفت كيف ألطفّ اجواء مسمور هنا قبضت اول رشاوي من اكرام=وشريت لي قلبآ بالاصباع مفرور هنا دفنت الجرح وايقظت الايتام= وحفرت همي واتضح جانب السور هذا تناقض شاعرة شعرها حام=رقى على صدري ولاصابه فتور هذي تقاريري على بصمة ابهام=جن الشعر واقف على الراس طابور

هذي وهج .. !!!

	جتني رسالة جن مدري مجانين=مضمونها مختوم من زمهريره تشكي وهج فيها ظروف المحبين=وروحه من الاشواق باتت ضريره قولي للي سيلّ دموعك من العين=اللي خطف قلبك وجحمّ سعيره انه صغير وجاهل ولاعرف زين=قدرك وحب اهل القلوب الكبيره غشيم هذا هيه رايح على وين=من سرحكّ تسرق منام السهيره من علمك تلعب على اطراف حبلين=تبعد وتتجاهل شعور الغريره دام الغلا عندك مواجه بوجهين=ابعد ولاترجع وفرقاك خيره هذي وهج تسوى عيون الملايين=في قلب قمرا كونت له عشيره بنت الذي يكرم ضعوفن مساكين=وقت اللقاء يسقي سيوفن شطيره دامك حفظتي له عهودن من سنين=وجازاك بالنكران واعلن هجيره فرقاه عيد معطرآ بالرياحين=وانتي من الهقوات منتي فقيره تمسكي بالصبر الاول وهالحين=ترا عفاف البنت لاخوه ذخيره ياعين حر مدربآ من شياهين= مبرقعآ بيدين مطنوخ سيره مبرقعه يشرح شعور المساجين=ولاهد ترجم فك قيده مطيره غلاك عندي راجحن بالموازين=وقدرك بقلبي مخلصله سفيره دامك دخلتي ضمن ناسآ مجانين=حنا من جنون الغلا نستخيره يابنت قومن بالمواقف حكيمين=صبرك على ضيم الغلا ياصغيره ادعي ولي الكون رب المصلين=عالم خفايا ماخفى بالسريره قمرا معك قدام بالعسر واللين=مشاعري صوب اتجاهك خطيره وختامها اجمل ورود البساتين=تهدى لقلبك من مشاعر شهيره