جندي ( شمري ) ومقدم ( عتيبي ) !!!!

قصه وقصيده .. ومناسبتها هي :
كان الجندي ثامر بن فلاح بن شامان الشمري في دوره عسكريه مسؤولها المقدم تريحيب العتيبي .
وقد تعرض الجندي ثامر لإطلاق نار غير مقصود ومكث عدة ايام في المستشفى.
وعاد بعد ان تمت دوره زملائه وتمكن من التخرج معهم فأرسل والده
فلاح بن شامان الشمري هذه القصيده:

ســـلام مني للمقدم تريحيب .... اعـداد ما خط القلم بيد كتٌاب
وعداد ما غنوا هل الفطر الشيب .... بأرضٍ خليه ما بها غير الاعشاب
وأعداد ما ذعذع نسيم الهباهيب .... وأعداد ما سجيت رجلي للاقراب
ما هي غريبه منك يا كاسب الطيب .... حـلياك من نجمٍ تبين ولاغاب
شريف ما يدخل على ساسك العيب .... من يفعل الحسنا بالاجواد ما خاب
لـــقيت بالعتبان خمسة عذاريب .... الطيب والنخوه وتقدير الاجناب
دون الخوي يا طون حر اللواهيب .... وان حدت الدنيا يفكون الانشاب
فرد عليه: تريحيب بن سويلم العتيبي قائلاً:
حي الكتاب اللي من الشمٌري جيب .... اقــــولها بالصدق ماني بكذاب
يــا مرحبا عد النجوم المراقيب .... ترحيب مشتاقٍ ليا شاف الاحباب
بكتاب ابن شامان رجل المواجيب .... فيه الجواهر بين صايغ وحساب
بنيت له بأقصى ضميري دواليب .... هذا الرصيد اللي كنزته وراء الباب
من شأن ثامر يرخصن المطاليب .... خوينا الطيب له الحق غصاب
خـــوينا ننصاب مثله ليا صيب .... نمرض معه ونطيب مثله ليا طاب
يا عل ما يفتق على مثله الجيب .... والله يجيره من صواديف الاسباب

وسلامتكم..

بيض الله وجه المقدم / تريحيب العتيبي

ولاهي غريبه عليهم الفزعة مع الشمري من قديم الزمان العتيبي والعنزي يفزعون مع الشمري
جزاهم الله عنا كل خير الاجواد

وصح لسان / ابوثامر
قصيدة .. وافيه وربي ويستاهلها العتيبي


تسلم اخونا / سعود

شكراً للأستاذ / سعود الخالدي . على أيراد هذه القصة و القصيدة و ردّها . و لا شك أن هذا هو الكنز الباقي بعد رحيل الأنسان ، فـ الأنسان مجموعة من الذكريات تبقى بعد رحيلة و السعيد من كانت ذكرياته سعيدة و حسنة كما ذكر ذلك المقدم / تريحيب العتيبي . عندما أشار للكنز الثمين في معرض ردّه على الشمري . فـ جزاه الله خير الجزاء و بارك له فيما أعطاه .
أكرّر شكري للأستاذ / سعود .

و للجميع تحيتي و سلامي

أبو حاضر

تباشير صباح الأربعاء 11/5/1427هـ .

سعود الخالدي

صح السانك قصه وقصيدهـ روعه ربي يعطيك العافيه

تحياتي لك

صح لسااااانك ولسان الشاعران

والطيب ماهو حصر على قبيله بعينها

بل موزع على كل الاجواد

ولاهي غربيه على الاثنين الطيب

سعود الخالدي
يعطيك ربي الف عافية وصح لسان الناقل والقايل

وياهلا

.
.

يعطيك الف عافيه عزيزي / سعود الخالدي

وبيض الله وجهك على السالفه والقصيده
.
.

أحتراماتي

,‘
‘,
,‘

ضاري

//
..
\\
..
//
..
\\

تسلمممممممممممممممممون جميعا
ولا هنتوا على المرور

سعود الخالدي
يعطيك ربي الف عافية وصح لسان الناقل والقايل

الله يعافيك وتسلم على المرور يا راعي ريمه