ديوان / الشاعر محمد سوعان الربيع

تاج الفخر والجمايل


اهداء للشيخ. خلف بن الامعط العواجي شيخ شمل قبيلة ولد سليمان من عنزه
ادامه الله ورعــاه
وذلك بمناسبة حضورنا حفل زواج. الاخ سعود بن غانم بن محمد الخشم الجعفري العنزي.

تاج الفخر والجمايل

	ســلام ياشــيخً بالافـعـال معــروف = نبع الصخا تاج. الفخر و الجمايل النادر اللي باطيـب الوصف موصوف = ولـه هـدةً تشـفي. اكــبـودً غـلايـل هـذا خلـف والعــلم وافي ومشيوف = نســـل. العـواجـيـه صــناديـد. وايـل اخـو الـذي ذكره عن الناس مايطـوف = صــالح. ومثله. في. زمنا.. قـلايل لاقيل.الامعـط ينهض المدح. بصفوف = في كـل. ديــره من جنـوب وشمايـل الفعل. ما يحصى. بالارقام. واحروف = لٰٰـه سـيرة. تمـلا. جميٰع. الفوايل هــذا خلــف درعً الى . كــل ملهوف = عـون الذي بالوقت. شاف. الهوايـل سيفً مجرب . دايم. الدوم به نوف = وكـم صعــبةً اضحـت بفضله سهايل ريف. الخوي واللي. تعنولـه اضيوف = نبع. الصخا مدات. جوده. جـزايـل نسل الشيوخ اللي.تـذري.عن الخوف = اخوة. ذكــر قـــد عــدلوا كل مايل شيوخً لـهم. صوله. وتاريخ. معروف = مقٰــدم هـــل الجــدعا. حماة. الـدبايل يـوم الزمن بالجوع والخوف مردوف = افعــالهم. تـظــفي. عــليها. الـدلايـل يـوم الزمان. اللي بالاخطار. محفوف = بالسيف الاجــرد. طـوعوا كـل.عـايل اخوة ذكٰـر قــد ادبــوا. كـل ملقـوف = يـؤمـنها مــن فـوق قــب الاصايل هذا الوكاد. وزايـف. الهٰرج محذوف = والصدق. مانرضى بغـيره . بدايـل ايضا. وانا مانيب ملزم. ومكلوف = اجــامل. اللي مابـفعــلـه. فضـايـل واكرر الترحيب. . ميات. وألـوف = باللي. حـضـر من طيبين. الحـمايل وابي اعـتذر .والود.خافي ومكشوف = عــن كل. نقصً كان. والشـك زايــل ترحيب باللي. ما ذكرناه. بحروف = واســمه تغـيّب عــن مجـــال المـثايـل غــالين والتـقـديـر بالقـلــب ملفــوف = واعـني. بهـا. نسـل. القـروم. الاوايٰل جـينا. بدعـوة تبهج القلـب والشوف = من صاحبً عـلمه. على كـل طـايل غانم. ربيـعً للمسايير.واضيوف = ابـن الخـشـم. كالحـيـد صدق. وصمايل لاشك ابو كاسب.سكن مهجة الجـوف = ولٰه عـندنا. تقدير. واف. الخصايـل

محمد بن سوعان الربيّع
حررت. بـ 4 ذو الحجه 1443 هجري
الموافق 3 يونيو 2022 ميلادي

( شـمر هل الطولات ستر الصبايا )


اهداء متواضع الى الاخ علي بن حسن بن خلف العبدي الشمري وهو اقل مايمكن ان يقال في حق هذا الرجل من رد للثناء والجميل والشكر
نظير موقف نبيل. مشرف. اثناء تعطل سيارتنا وقف معنا موقف لاينسى عمل الواجب واكثر ولايستغرب على ابناء شمر
ماقصر بيض الله وجهه
وجزاه الله عنا خير الجزاء .

شمر هل الطولات ستر الصبايا

	ســـــلام يانســـل. الفهـــود الصناديـد = شــمر هـل الطـولات ســتر. الصباايـا اقــولـهــا واردد الهــــرج. تــرديــد = مـدح. النشــامـا. مـن دواعي.هـوايـا عـن مدح ابـن جروان.مااغفـل ولا احيـد = علي حسـن لـه ود. وسـط. الحـنـايا لٰٰــه مـوقفً مـا وقـفــوه . المــقــاريــد = يـصعب.عـلى رخوم العـرب والردايـا فزعــة عرب يحـتار. فــيها.القــواصــيد = فــزت اســـــنافي. ما يـكـن.العطــايـا عنــدي حــرج والفعــل. خير الشـواهيد = يوم. المطــيه.شٰـان. وضعــه مـعـايــا القـــرم. وردني. قــــراح المــواريـد = نا اشـــهد ان الـذيــب. خــفف. عـنـايــا ماله. شـــبيـهً. كــود سالــم. وابـا زيـد = ابو حســن. والـنعـــم.ذيــب. الـســرايا طــبعً وعـــاده. فـيــه. ماهي. هــرابيـد = هـــذي.ســلـــومً للـقــــروم .الـطــنايــا عـبــده. عـمامـه. لابــة القرم. تحديـد = ريــف الخـوي والجــار واهـل الحمـايــا هـذي حـقيقـه دون لا انقص ولا ازيــد = واقــولــهـا. مـن. صـافـيات. النوايــا لاشك. ورثها. عن قرومً. وواليـد = وانا. اشـهـد انه. مـن يحفــظ. الـوصايـا مثل القطامي .يـوم يهـوي على الصــيد = صــيـده مــن الجــزلات زيــن الحـلايــا ولاهي غريبه. فزعة الحر يـا فهيـد = الشـــمـري صـــيـتــه. بـكـــل النحــايٰــا يشوش راسي. لا ذكرت الصناديد = ولا قــلـت . شـــمر يــرتـفـع. مسـتـوايـا

محمد بن سوعان. الربيّع
حررت في 20. ذو الحجه. 1443 هـ
الموافق 19. مايو 2022 مـ

خلك مع اهل الدين ساجد وصوام
——————————

خلك مع اهل الدين ساجد وصوّام

	ياللي تـفـاخـــر بـالمعـاصي والاثام = اسـترعـلى نفسك وداري عيـوبك عـلم الـردا. للـمرء. ما يـرفـع. الهام = خيبـه. رجـا. لايحــط دوبـه ودوبك نصــيحتي لك حـط للســانك إلجـــام = من قبل.ربـك يرسـل الموت صوبك بـادر بتوبـه. قبل. تضييق الانسام = وانثر. بـدل. ريح الخبايث. اطيوبـك راجـع. ضميرك لا تمـادا. بالاوهام = وخـفف على نفسك. كـبايـر. ذنوبك وبشـون. عرض الناس لاتصير. نمام = مـاهو لـ كل. من جـاك شرّعـت بوبك ايـاك عـن سـتر الخـوي. تكشـف.الثام = حـذراك بالاعراض. يلعـب هبوبك اياك تنشـرها. على الخـاص والعام = وحـاول. تغـطي. عيب غيرك. بثوبك تـرا. النـذاله. والغـدر. عـار واجـرام = لا تفضح اللي ســــولوفـوا وأمـنـوبك استر بنات الناس. لو كانـوا اخصـام = زي ما حكيت. بعرض غيرك حكوبك غظ النظر. واترك. هل الشام. للشام = ومالك. ومال اللي شــمال. وجـنوبك ديّن. ووفـا .وافطن ترا الظلم. هـدّام = ولابـد مـا تـلـقى العـنـا. في دروبــك ويـاليتهـا. بالمـال. تنحـل ،،،وارقـام = باثمان.مـا تقـوى. عليهـا. اجـيوبـك غالي ثمنهـا. ترهق. اللي لهٰـا سـٰام = سـعـرالشــرف.ارواح. لو غـرروبـك ارق بطموحك ًواترك اسلوب الاقزام = هـذي. نـصـيحـه. حطهـا. بمحسوبـك خلك. مع اهل. الدين سـاجد وصوام = وشـيّد على. ساس المراجل اسـلوبك

محمد بن سوعان الربيّع

ســـلام يالـفـدعــان

سلام يالفدعان

	ســلام يالفـدعـان. في كـل الاوطان = ياهـــل المـفاخــر والعـلــوم. الفـريـده بكــم الوفـا. والجــود يرجـح بالاوزان = ومـن قـبلـها الـفــزعــات ماهي جـديـده يشهد بها. التاريخ مـن ماض الازمان = ماتنحصي حـيـث الـفعـايـل .. عــديـده فـدعـان يـوم الســلم والحـرب شـجعان = حـربـة. بـني وايـل....دروعً عـنيـــده شـرب المغـر موقف. يـردد الى الان = في كـل مجـلسً فـالحــديـث. وقـصـيـده بــواجـة. اديــار الخطر. يـوم الاكوان = يــوم الليالي. مــن صلفـها ....شـديـده بالحـرب. حمـران النواظر لهم شان = وفـوق الاصايـل.... كـل قـرمً. وليـــده افعــالكم. في كــل. هـيّـه . ومـيدان = تـمـيزوا عـن . كـل قـــوم وبـديــده بقيـادة. ابـن. مهيـد. انـور كحيلان = الـنـادر. اللي. كـل. جـــزلـه. يصيــده يامـدلهـين اللي غـريـبً بالاوطـان = ومـن يضهـده بالسيف. شلتوا. وريـده سـنايـد الويـلان فـي كــل. الاحــيان = فـالـقـرب واللّا فــ الديــار .. البعـيــده بكـم. العـطـايــا. ما تـقـدر بالاثمـان = ويمنى العـطـايا.... مـا. تـمـد الزهــيـده منكــم مصـوت بالعشـا طير حـوران = يـوم الفـقـر. بالـناس ما كـف . مـيـده واليوم. هـذا يـومكـم . سـر. واعـلان = وانتـم . لهـا . مـاهي عــليـكـم. جـــديـده ينخـونكـم بالضيـق خـلـفـة سليمان = والماضي. اللي. فـات. ياجـــب. نعــيـده هـم ربعنـا في يـوم روغات الاذهان = وانتــم سـيوف. المـبتــلي.مـع رصيـده ربـع. العـواجي بالمواقـف لهــم شـان = ما تنسي. والحـق. نــذكـر. مــزيـده رد. الجميل. بفـزعـة. تنقـذ. انسـان = أجــر. وجـمـالــه يـالـعـقـول. الرشـيـده

محمد بن سوعان الربيّع

( صالح وانا اشهد بالمواقف وفيّـا )
—————————————————-
اهدي هذي الابيات المتواضعه الى الاخ والصديق الوافي
.صالح. الغازي الحسيني الشمري.حيث الـوفـا. والموده ولا تستغرب
على ابو غازي عسى الله يحفظه من كل شر

صالح وانا اشهد بالمواقف وفيا

	سـلام مني للنشــامــا هــل الطيب = اهـل الـوفـا. واهل السطر. والحميـا شمر هل الطـولات ستر الرعابيب = وعن.مدحهـم. هجس.الطواريق عـيّٰـا اهـل الطنـا واهل. العطا والتراحيب = اهـل اللحيســا شـي مـاهـو . خـفيــا منهم. رموز الجود منهم هل الطيب = تـاريـخـهـم لازال. يـذكـر. وحــيّـا حاتـم. وابـو خـوذه بشرق ومغاريب = ولا فـيـه مـوقـع. من.كـرمهـم خـليـا اعـلامهم من فوق. حجم المكاتيب = وافـعـالهـم. تنشــاف في كـل. هــيّٰـا ابشكر. اللي بالمراجل. . كما الذيب = صالح وانا.اشـهد بالمواقف.. وفيّـا قٰـرمً. فـقدني يٰـوم. ،انا اسج واغيب = من دافــع التـقـديــر. ينشــد علـيــّا الوافي اللي. يحشـٰم. مـن العـذاريب = سـيفً. بـوقت الضيـق مـاهـو ونـيـا انـا اشهد انه من.ارجـال. المواجيب = وجعـل الـذي شـرواه. دايـم. .غـنيـّـا لاشــك ابو غازي. حصان الاطاليب = فيه الظـفر.مثل. البحـر سـرمـديــا رجـلً به الهـقـوات.تسـموا ولاتخيب = لاشــك انـا مـا انسٰـــاه .مادمـت حـيٰـا والشكر واجـب لا حـرامً. ولا عيب = ومن يجحد. المعـروف. نـذل ورديـا اقــولُـهـا مـن. دون. شـــكً. ولا ريب = من طيب خـاطـرمن. خفوقً نـقـيـا وصلوا. عدد ما تطلع الشمس واتغيب = على الحـبيـب. المصطـفى. والـنـبيٰـا

محمد بن سـوعان الربيّع

( مرحـوم ياللي تفعل الطيب يمناك)

ابيات رثاء. في اخونا العزيز عبد الحميد بن سالم العايف الغبين ابو فايز.
الله يرحمه ويغفر له. .ويسكنه الجنه
————————————————

مرحوم ياللي تفعل الطيب يمناك

	مرحــوم ياللي تـفـعــل الطـيـب يمـناك = وبـينك وبين الجـود عشره عـميقه عــز الله إنـا يـابـو فـايـز. فـقـــدنـاك = لاشك رحيـلك حـط بالقلـب ضيقـه مير القــدر. ما يـمنعـه حرص. وادراك = ليا حان. وقته. جاك مـع كل طريقـه غـالي وحــق اللي. نعــبده وســواك = ومعـــزتـك بـالثـانـيـه والـدقـيـقـه على الـوفـا. ساسـك تشــيّد ومـبـداك = ومن روس قومً. والمجاني.عـريقـه غبينات دايـم. صيتهـم. فـوق. الافـلاك = مثل. الذهب. مـا يـنتخـفى بـريـقـه عـن قـرب. حـنـا. يابو فـايز عرفناك = ريـف .الخوي والجـار هذي حقيقه يشهـد على مااقــول.يالــذيب مسـراك = بـعـلـمً تـوثـق وانـطبع. لـه. وثيقـه ما خاب ظـن اللي .نخـاك .وتنـصـاك = وشـرواك دايـم .مايـخـلي. ،،رفـيـقـه قـرمً على. نـهـج. المناعير مربـاك = وشـرواك.صـدفـات الزمن. ما تعيقـه اقـولـهـا. من قـلب. يحـزن. لفـرقـاك = والنفس في بحـر. الفـجـيعـه غـريقـه يالله عـسى الجنـه مقـرك ومأواك = قرب الصحابـه والرسـول. وصديقـه في رحمته. جعـل الإلـه. .ايتولاك = وانـه . يـخفـف. عنـك ما لا تــطـيـقه

محمد بن سوعان الربيّع